..

[ِ @ajm1ii_]

«ما غيّرت منزلة حبّك صدوف الليال
جوارحي..لو يطول البعد ما خانته

ما أحبّك إلين تاخذك السنين الطوال
أحبّك إلين ربي ياخذ أمانته»

[- @Dll7n]

ترا الذنب ذنبي يوم ما طعت بفرقاك
وهو فـ الحقيقه عالم واجد غيرك

أثر زود حبي وأشتياقي عليك أطغاك
وأثرني عطيتك لين صدقت تفكيرك

[دمــث @v80r_1]

المعاتب بين الاحباب ماهو مستحـب
من بغى يكسب حبيبه لاعاد يعاتبه

الله اكبـر ياحبيبً . . عطيتـه كل حب
لين راحت به مقاديره اللي جات به

علي الدعيه

[75 @K7_5d]

أغليك لو إنك بعيدٍ عن العين
دام المشاعر في غلاتك رهينة

وأعشق وجودك « في حياتي » وألبيك
هذا هو الموجز وكل الحقيقة

أغليك وأحبك وأعزك وأداريك
وأشتاق لك في الثانية والدقيقة❣️.

[— @alajm3ii]

بقايا الشّوق واللهفه وذاك المبسّم الجذّاب
ليا حلّ المساء .. حلّت علي بكامل صورها

حبيبي كيف تنسّاني ؟ كذا حتّى بدون أسباب !
ذكرت اللي مضى وشلون تنسّاني وتذكرها

بقى لي منك حاجه مبهمّه في خافقي المرتاب
ليا من تاهت أفكاري .. طيوفك جت تحضّرها .

[——— @lllllic7]

«مستعَّد أخلي بلاد، وأنزل في بلاد
دام ذعذاع الكرامه لا هب، يـهبْني

والقلوب، إللي خذاها التغطرس والعَّناد
مستحيل! أشري رضاها عشان تحبني»

[دمــث @v80r_1]

لا تشوف الناس ضعفك وانكسارك
لو عظامك تنكسر ما جبـروهـا

انتصب كنك طلعت من المعارك
ماخذاً ثار القبيله . . كلبوهـا

ناصر الحمادين

[صالح السليمي 🍂 @s_a_h_3_2]

للعيش والملح واللي بيني وبينه
ان ما رجع خل لا يرجع لي مواسي

عبدالله السراهيد

[𝖺𝗃𝗆𝗂 @ll6eq]

جيتك و زوّدت المواجع مواجع !
وابعدت عنّك مشفي بـ السلامه

قلبي بعد فرقاك . . ماهو بـ هاجع
ينوح قلبي . . مثل نوح الحمامه

قراري . . اعلنته . . ولابه تراجع !
انـا ماني بـ اللي يغيّـر . . كلامه

حتى و انا مشتاق . . ماني بـ راجع
اهم حاجه في الحياه . . الكرامه (:

[سـين ➰ @7bb_q8]

- مبارك حمود :

أنا معك مُرهف حِس ماني عديم احساس
طبيعي بعاتب كل ما زاد ... ( تأخيرك )

على كل حال الوقت يكشف جميع الناس
لا تبدي لي اعذارك و وفّر معاذيـرك

سحابك هقيت أن العطا فيه دون قياس
و همت بسحابك مير ماشفت به خيرك

عموماً على أعلان الجفا دقت الاجراس
ليّا خاب ظني فيك بلقاه في غيرك

غرستك محبّه فـ الخفوق وحصدتك ياس
عسى الله يجيرك من ذنوبك و تقصيرك

بـ تذكرني أن ضاقت بك الارض و الانفاس
مصير الليال ... تذكرك في مشاويرك

ومصيرك معا الهتان ولا معا النسناس
بـ تذكرني و تندم ... و ياكلك تفكيرك

[احمد الجدعان @qer_21]

والله اني من ثلاث لْيال .. ماني سارح
عن طيوفً كل ما جات الخفوق ارهقته

ياحبيبي وانت سارح عن هواي ومارح
ولا انا طعم المراره بـ المفارق ذقته

عن خوافي قلبي الملتاع وجهي شارح
لاتدور شي خافي وانت ما ناطقته

كل حرفً من جنابك بـ الموادع جارح
وكل حزنً من ورى فرقاك ما فارقته

كان ماتقدر تكذب في شعورك .. صارح
لي متى عايش معاك الحلم ما حققته

من يوقف في محطات المفارق فارح
بكره الطاري يحطه في حبل مشنقته

انجبرت .. اوقف اعتابي عليك البارح
يوم دمعك بلل الرمش الطويل اعتقته

[نـجـد @5_v3ll]

أنا منكسر من ضيقةٍ تلفت الانظار
عسى في يدين الوقت جبري وتفريجي

تدانيت بعدك وانطوى قلبي المحتار
ولا فاد فالموضوع شرحي وتعريجي

لا زاد التغلي وانقطع طاري الاعذار
يقل الغلا ويغادر بـ شكل تدريجي

عليك السلام المعتبر والسلام الحار
على الشامة اللي في مكان استراتيجي

- عبدالله السراهيد

[بسطام @______H55]

عاد صوته فـ المسامع وزوله فـ العيون
وعاد له بين الحنايا مداهيل و محل

صابني من يوم فرقاه شي من الجنون
ليه يوم اني تعلّقت في حبه . . رحل !

ليت من قابل محياه والموقع يهون
لو على المريخ ولا على كوكب زحل

• عايض العاطفي

[𝖺𝗃𝗆𝗂 @ll6eq]

اختلافي مع مبداك . . سر اختلافي
احسبنك تحفظ السر واثرك تذيعه

دام باب الموادع حول باب التجافي
لاحد يدري ان بيني وبينك قطيعه

خلها زلة . . من وافي . . عند وافي
واعتبرني رحلت الصبح ولا تبيعه

العرب لاتجافوا . . يضربون الفيافي
مايصير نتضايق وارض ربي وسيعه

[ًً @llli_244]

اجمل الابيات الي قريتها واحبها جدا لـ فهد بن بجاد:

خطفك البعد واقدار البنادم تنكتب فاللوح
و انا لا زلت باقي في رجا عمري ، على ليله

سريت فْـ ليلةٍ كانت سوالفها شِعر و مزوح
تركت عْيوني تراقب زماني ، وش مقابيله

رحلت ولا وقف قافٍ يرد الحق للمصلوح
و لكن ماقدر ياخذ حقوقه من مواويله

يعرف يميّل غصون الشجر قبل الحمام ينوح
مثل ما يعرف انك تحفظه قدام تصغي له

زهدت من الليال اللي بدونك يا نديم الروح
اشوف العمر يذبل و الهوى واقف على حيله

حبيبي و الضما يلهد فوادي والسراب جروح
حبيبك ليه تاخذك الليالي من مواصيله ؟

جزاي مْن المحبه .. ما تخليني وانا مجروح
نويت تروح ؟ خدرني بتهويده و تقبيله

دخيل الشامتين و ليلٍ اسود فوقها مطروح
و رمشٍ كل ما قام يتهنف قمت اغني له

« ابي اغفى على صوتك ، و اسارق وجهك المملوح
يا وجهٍ كل ما شفت القمر ، تطري تفاصيله » .

[ٍ @3fzr_]

أحبّك لو كتبت انّي احبك والسنين سطور
صعب تشرح لك ايام العمر قدر الغلا فيني

وأحبك لو أقول إنّي احبّك ما ملكت قصور
وانا لو ما خذيت من العمر غيرك ؟ يكفّيني

[فـــذ @F0_qt]

عَذب الكلام اللي معك ما يجرح الحب النبيل
اعتق نسايم كلمتك .. وأسمح لها الليله تهبّ

سولف ترى صمتك طويل وليلي الأظلم طويل
ولا يقصّر الليل الطويل إلا سوالف من تحب

[/ @all_3jmii]

- حزمي بن سعد -

" يا برد الشتاء " خل الحنين القديم يموت
أمانه معك ؟.. لا تبعث " الشوق من قبره "

أنا من كثر ماني بـ متضايق .. و مكبوت ؟
لو يقول أحد وش فيك ؟ غصتني العبره

إذا الناس تحتاج أكسجين و شراب و قوت
أنا ؟.. أحتاج " جبرة خاطرٍ " ما لقى جبره

" يا ضحكة حياتي " لا تمر الفرص و تفوت
طريق الوصل ؟.. مدري متى نقدر نعبره

ما أراد الله إنّا نعتبر من " عقاب و نوت "
أراد الله ؟.. إنّا ( نعتبر ) مثلهم عبره

تحكّم بـ عقلي .. كن عقلي على ريموت
على صغر سنّك : جبت راسي على كبره

أنا أحس في نبرات صوتك سحر هاروت
" تبرمج " عليها قلبي اللي نفذ .. صبره

ماتفتح حماية قلبي .. إلا بـ بصمة صوت
على طول يقبل .. لا تعرّف على " النبره "

يا قوّ الغرام إللي حكمني " حكم طاغوت "
و ياشين الغياب .. و طيحة الحظ و الثبره

نحس بـ وجع فرقى بضعنا و حنا سكوت
ما نلقى مجال !.. نوصّل " شعورنا عبره "

خذتنا الظروف القاسيه لين شفنا الموت
و جبرنا الزمان .. إللي ما نقدر على جبره

عسى المترف إللي تشبعه حبتين التوت
يعوّد على خبري ؟.. و أعوّد على خبره

طقوس الشتاء عند أكثر الناس نار و كوت
و طقوس الشتاء عندي " تنهّاته و عبره "

[ٍ @3fzr_]

اشوفك ملجئي الهادي واشوفك غربتي والدار
واشوفك رجعة انفاسي ليا من ضاقت انفاسي

على وجهك يا ماشاءالله ولطفه والسلام الحار
ياوجهٍ كل ماشفته اردد يابعد ناسي

تغيب الشمس واشوف القمر في طلتك يحتار
يقول شجابني فالارض شكله حضرته ناسي