☼

قلب زيّ الربيع

[☼ @__hopefu]

اختي تسولف معي وانا احاول اجاوب بس مابي اقول مابي اسولف معك يعني شي من الاخلاق اسمعك اي نعم بس لا تخليني ارد عليك الله يرضى عليك❤️

[☼ @__hopefu]

تعرفون وش يعني ان وجهك فضيحة ويبين عليك كل شيء تمر فيه ويتم ملاحظتك حتى من اهلك ويبدون يسألونك وش فيك وش مزعلك؟
يمه تباً ليش ما اعرف الغموض تباً

[☼ @__hopefu]

قايلة لهم المشكلة انه بيكون اسم بنت الثانية
لان الاولى انا اعرفه زين❤️ لسى نتهاوش وش يعني انا احمل واتعب وانتو تسمون؟
يمه ذا كله وانا مب متزوجة ولا عندي بنت كيف لو صارت صدق😅

[☼ @__hopefu]

من نقاشات الظهرية في الصالة محاولة اقناع خواتي بحلاوة اسم حصة عشاني بسميه بنتي
بس خواتي رافضين يقولون قديم معفن وخايس
وبتكبر بنتي وتدعي عليّ😅 تصعيد ما احبه ياخي بتنادونها حصوص وبتحب اسمها وبتحبني لاني امها

[☼ @__hopefu]

سويت كل شي احبه عشان اكون سعيدة
تروشت
كليت
شربت قهاوي
بخرت
قريت قران
وقريت شعر
لعبت مع اختي
شربت موووويا
بس ما صرت صدق الضيقة لا كانت مجهولة ما تروح كذا غصة بالحلق لا انت اللي بتبلعها ولا هي اللي ودها تطلع
رسمياً انهبلت منها

[☼ @__hopefu]

أنا يارب ما أدري وش الي ينكتب بالغيب ولكن رحمتك أكبر من اللي فيه أنا داري

[☼ @__hopefu]

يمكن يومين كذا وانفجر والله يعين بصراحة بصيح بنفجر وبنجنن ماادري اي شي من ذا القبيل حتى ذي التغريدة وانا مكتومة اف اف اف

[☼ @__hopefu]

يعني وبعدين مع الصداع وش يبي مني مخلي وجهي طول اليوم كذا 🤨😣😤😠
حتى انا مدري وش علاقة الصداع بأني اصير مثل هالايموجيات اخ ياربي ارحمني

[☼ @__hopefu]

اموووت من الضحك بكل مرة ادعي لها تتزوج قبلي ردة فعلها تصدمنننني ياحبي مب نية زينة عشان اصير بالغرفة لحالي واسرح وامرح فيها بكيفي ياحليلها هههههههه

[☼ @__hopefu]

بخصوص اني انا واختي كل مرة ندعي كل وحدة تتزوج قبل الثانية عشان الغرفة تصفى لها
هذا الزواج وكنسلناه والغرفة ابيها لي 🥰

[☼ @__hopefu]

اتمنى ما يكون رياء بس في دعوة بخاطري ودي تصير ودي تتحقق واعيشها بالشكل المناسب المطلوب المرغوب وتجي على ما ابي بالضبط
يارب ياكريم انها تصير لي وادعي بإلحاح شديد في كل مواطن استجابة الدعاء انها تصير ولو صدفة يارب ياحبيبي انت تقدر على المستحيل ولا عليك مستحيل😔

[☼ @__hopefu]

سجلي تمرد لاني شربت قهوة بالليل لاول مرة من شهرين

[☼ @__hopefu]

احسني غريبة فيني شي غريب ماادري هو شعور او احساس او كذا بس ملامح شعور ياخي جنوووووون

[☼ @__hopefu]

بعد اللي حصل اليوم قررت قرار لا رجعة فيه اني بكون كتومة من اليوم نظراً لما اصابني من غضب وعدم ارتياح تجاه موقف معفن حصل لي وتباً تباً

[☼ @__hopefu]

تقريباً اكبر مخاوفي كلها تتجمع بكوني اعيش الحياة بشكل مؤجل ما اسوي اللي ابيه لان فيه شي ناقص وانا انتظره ثم بعدها يمضي عمري وانا استوعب اني كنت اعيش حياة مؤجلة لا عرفت اعيشها زين ولا جاني اللي ناقصني

[☼ @__hopefu]

جوي العتاب من هالنوع واني اذكر الطرف الاخر بأنه تجاهلني وهو قاصد ذا غير عن اني غير مهتمة بس مهم اني اعرف

[☼ @__hopefu]

يحبوني انا ادري
كان ذا لسان حالي وقت ما اكله الله يسعدهم كيف لطفو جوي وعرفت ان معاني الحب لا يتشرط بالكلام والافعال تغنيك عن مليون كلمة لان قبلها متهاوشين وذي التشوكلت عربون سماح واخوة بدون ما ينطقون كلمة❤️

[☼ @__hopefu]

حلوين من السواليف اللي ما قلتها او دونتها هنا توي تذكرتها قبل انام
قبل كم يوم قلت لأخوي يشتري لي تشوكلت وهو راح وجاء ولا جابه فلمن رجع سألته وينه قال يوووه نسيت عموماً مو هنا السالفه
لانه راح كلم اخوي الثاني يجيب لي وانا مب متوقعه منهم وبكيت لان حركتهم حنونة يعني ☹️😞☹️😞❤️

[☼ @__hopefu]

ملاحظة نفسي من ثلاث ايام اذا جيت انام ما اقدر انام ولو يكون فيني نوم بس عقلي يبدأ يفكر ويحلل شخصياتي طوال اليوم وكيف كنت وايش سويت وحسابي عسير اذا سويت شي معفن او مخيس بعين نفسي

والله مدري شلون انا عايشه معي

[☼ @__hopefu]

حب شمس وشاي ونقاشات تويتر او تيك
واخزن منها سواليف اناقش فيها نفسي بعدين الحين وقت اسمع واضحك اما تبيني اعطي واخذ معك؟ الله يستر عليك