مساء الخير اما بعد :
الحزين يشوف فـي : بسمته سترة نجاه
لو ورى البسمه من الحزن قومه وقعده
#عبدالله_السراهيد
ما يـبي العالم يشوفون : فيه الإنكسار
مبتسم والابتسامات من طبع الحزين
#فهد_قطنان
تـجاهلت الشعور ولا قدرت أغادر الأطلال
أنا للحين " واقف " منتظر أرجع من غيابي
يلازمـني ظلالـي كنه أفكاري ما هو بـ ظلال
وأنا " مليت " حتى من ظلالي لـوّه أولى بي
كثر ما مرني من مجريات الضيق والغربال
ما عاد أعرف أنام إلا وأنا مشدودة أعصابي
من شاف وجه القمر فالارض حطّه وليف
حتى لو انـه عـلى حدّ السِراط انحرف
مـضارب : رموشها اللـي حدّها حد سيف
مكانها الصدر واللي غيـرها فـ الطرف
فـي مثل هذي العيون اللـي هدبها كثيف
تسلّم الروح و يموت الشجاع بـ شرف
ثلاث ( شهور ) وانا أفضّل العزله عن الجلاّس
ماغير أمشي على طاريك وأسولف على ظلّي
أقوم هناك كن ( الليل ) يبـغاني بـ كلمة راس
بنفس الموعد أللي قلت فيه لـ دمعتي هلّي
كرهت الناس عقبك واقتنعت اني عدّو الناس
أشوف : ( قلوبها ) تدعـي علّي وقلـبك يهلَي
كانوا العرب سابقاً :
عندما يغلبهم الشوق يستسقون لمن يحبّون ..
فلا تعبير أكثر كرمًا من أن تشتاق لشخصٍ واحد وتتمنى أن يغمر الغيث أرضه كاملةً ..
قال الشاعر :
جعل السحاب الي معه برق ورعود
" يمطر على دارٍ وليفي ، سكنها "
وفي سياق اخر :
جعل دربٍ مرته خطـوة ، غزالي
ما يجف من المطر سبعين ليلة
وأيضًا :
يامن يبشرني عسى دارهم سـيل
عسى السحاب اللي علينا عليهم