غيهبان

شيء مقدور عليه وشيءٍ فوق الأستطاعة

[غيهبان @__ic2]

ما ينظّـم زحمة أفـكاري : مـرور الناصريّة
بين عاكـس ، سير متهوّر وعابر فـي سبيله

اتركوني فـي ( متاهات ) الخيال الجرهديّة
لين اسوي صلح بين الممكنه والمستحيله
#حزمي_بن_سعد

[غيهبان @__ic2]

من يعـلم ساري اللـيل شي من الحياد
لـ جل مايرسـم خياله ، وجيه العابرين

انقطع خط " المحبين " في شرق البلاد
ايسره خط النويصيب والخـفجي يمين

[غيهبان @__ic2]

ودي أبتل وألحق الشمـس خوفي لا تغيب
والله ان قد لي وانا أونس من الليل وحشه

[غيهبان @__ic2]

من وصايف زينها تجعل القاسي يلين
كل بيت أكتبه بـ أعجاب ياتي دونها

كامله في حسنها زين هرج وزين عين
ودي أسمعها تسولف وأحب عيونها

[غيهبان @__ic2]

يامنوة الروح يوم إن الحشا ضمّش
" تلّي حشا القلب تل ورزي القامه "

[غيهبان @__ic2]

سولف يهون الوقت عندي ولا هنت
معاك لحظات : انشغالي ثمينة

وشلون ماحبّ السّوالف معك وانت
شايل على صوتك شعور السكينة

[غيهبان @__ic2]

من ديوان الشاعر أبو نواس :

كان الشاعر أبو نواس في مكة مع الأصمعي فرأى امرأة تقدمت في طوافها في الكعبة لتلثم الحجر الأسود فاقترب منها أبو نواس متجاوزاً الزحام وألصق خده بخدها وعندما لامه الأصمعي على ارتكاب هذا الفعل في حرم الله أجاب أبو نواس بأن الله غفوراً رحيم فأنشد هذّي الابيات الغزلية ..

قائلا :
وعاشِقَينِ التَفّ خَـدّاهُمَا
عندَ التثَامِ الحَجَرِ الأسوَدِ

فاشتَفَيا مِنْ غيرِ أنْ يَأثَمَا
كـأنّـما كـانـا علـى مَوْعِدِ

[غيهبان @__ic2]

انوي واسوي وامـارس كل حاجه ب ذوق
وانت تعرف كل نيه في طرفها غدر

انـزل لتـفاحـتك وارقـى لـ جمرك واذوق
اشوف ريقك خدر : والا مابعد خدر

[غيهبان @__ic2]

أثر من لا شافها ما بعد شاف الجمال
جـادلٍ فـي ظل أهلها ما غير أديرها

حسنها زودٍ عـلى : حـسنها من آل آل
من شيوخٍ يرهب القوم وسم بعيرها

بيـن جدٍ مـا يـناحا ، وعـمّ وبين خال
لو تواضـع وضعـها يدعو لـ تكبِيرها

[غيهبان @__ic2]

خصرك عليه المقاس اللي عليه الكلام
كم حفلةٍ غيّب حضورك غناديرها

مفاتنك ما على المهووس فيها ملام
يا جنةٍ تحبس انفاسي نواويرها

انتي عليك التغنج فوق سطح الرخام
وانا عليّ حبكة ابياتي وتصويرها
#سعود_مهدي

[غيهبان @__ic2]

صباح الخير اما بعد :

لاتلوم الـظلام اليا انفـهق عن صباحك
انت شمس وظلام الليل يشبه جديلك

وفي روايه اخرى :
جادلٍ في ذمة الشمس : مرهونه
بيّنت شمس الضحى من محياها

[غيهبان @__ic2]

خيرك لـ غيري والشقا والعنا لي
والمشكله اني عارف كل الاحوال

[غيهبان @__ic2]

من العود الهندي :
ركب الجاحظ سفينة فيها جواري وغلمان

فغنّت إحدى الجاريات :

وارحـمـتا للـعـاشـقينا
مـا إن أرى لهـمُ مـعينا

كم يهجرون ويُصرمون
ويُقـطـعون فيصبرونـا

ثم خلعت ملابسها وألقت بنفسها في البحر

فقال غلام :
أنتِ الـتـي أغـرقـتـني
بعد القضا لو تعلمينا

وألقى نفسه على إثرها وتعانقا ثم غاصا وكان اخر العهد بهما

[غيهبان @__ic2]

انا حالفٍ لو كنت تحت الّلحد ما انساه
" ولا اجوز من حبه : ولا اطرّي التوبه "

[غيهبان @__ic2]

ياكبتن الطايره : يسوقني الشوق سوق
والشوق شوق الديار وسطوته جايره

فيني سعاده بذا اللحظه ونشوه وشوق
العب وانا دمعتي في محجري حايره

[غيهبان @__ic2]

دوك جرح ودوك خـيط ودك الابره
شفني مسلّمك الامر انت وضميرك

[غيهبان @__ic2]

ماعاد به حاجة : ذلحين تـ جذبنـي
ياكود مبدا المصباح وليلة الجمعة

[غيهبان @__ic2]

سامح الله عنقك الفـارع : وحبة خالك
كيف قلبي من جمالك يالغضي متمزع

كـل هذا الزين فـيك ومحـتويه لحالك
إعتـبرها ( حـسنةٍ ) عـن والديك ووزع

[غيهبان @__ic2]

وش تبي بالكلمه الناقصه يابن الحلال
ومنطقٍ يشره عليه الغبي قبل الذكي

ماينزل قيمة الرجل ف عيون الرجال
غير طرّاد العـذارى : وطرّاد الحكي
#محسن_بن_مترك

[غيهبان @__ic2]

وانتي ابعد من سمى الحلم ووصالك محال
" يابعد من هل دمعي ضحى الفرقى عليه "

[غيهبان @__ic2]

عند النشاما خطوطٍ حمر حسّاسّه
ادرا عليها مثل ماادرا على صيتي

والله لو إنّ الحبيبه قطعه الماسه
اهم ماعندي سلومي وتربيتي

ماهان شاعرك يا اللي هنتي احساسه
ولاهوب راعي ردا مهما ترديتي

ان ضاع قلبه ماهوب مضيّعٍ راسه
حتى ولو يلحق العنابي الزيتي
#فهد_بن_قطنان