وارِف

إحساسي في الإعجابات ..

[ظافر بن فرحان @zafr_frhan]

قصر عرشه في دمشق ورُبط خيله في يمنّا
وناشرٍ جنده فالأرض السابعه سِنّه وشيعه

ما أزين من تسلطن ابومحمد وإبداعه إلا إنصات مساعد الرشيدي واعجابه بهذا الحضور الطاغي والماده الفارقه

[وارِف @__waref]

يدّي على قلبي وعيني على الباب
اخاف يسرق فرحتي ثم يروحي

تدري وش اكبر مشكلة بين الاحباب
الوجه بارد .. والمشاعر تفوحي

[‏هيثم الدخين @haldokhin1]

لكلِّ فرعونَ بحرٌ سوف يغرقهُ

وكلُّ موسى له ربٌّ سينجيهِ .

[TRND @NOWTRND]

ترند " مقطع متداول "

ابو راضي:

طريقة غسل مكيف السبيلت لنفسه بثواني 👍🏻

[ماجد بن مهل @majed_almhl]

حسب خبرتكم السياسية

يسويها ترامب؟ والا:
اخر من يسولف عن الحرب الشجاع
واكثر من يسولف عن الطيب الردي

[كوميديا @facts4444]

الحياة يبغالها صراحة الشايب وسعة صدر المذيع

[وارِف @__waref]

@majed_almhl ياسِّر وش سر الشعر معك ياسِر
احدٍ يسر الشعر ..واحدٍ يضره

أما انت عطني شاعرٍ مثل ياسر
ولا بلاش الشعر .. خيره وشره

[عايض العاطفي @atfy_a]

لـ الناس حاول ماترسم خارطه لـ الطريق
من قال وين انت رايح ؟ قل قريّب بدو

ترى الحسود الخفي يلبس ثياب الرفيق
وعند الزعل كل حاجه تنكشف في هدو

ايحارب اللي يشوف انك تعده صديق
ويصاحب اللي يشوف انك تعده عدو

[وارِف @__waref]

@mbinaltheeb @al_3jmil تغريدة بن الذيب تحتاج تشييك
ولا أنت يامبخوت بيتك ركيّك

مير الوكاد ان رد مدغم يوريك
ردٍ قوي عن عشرة ردود زيّك

[ناصر المجماج @Nasser_Almejmaj]

في حديثي عن الشاعر علي أبو ماجد وطلبه مساعدة صاحب السمو الملكي الأمير مساعد بن سعود بن عبدالعزيز رحمهم الله رحمة واسعة وغفر لهم

[وارِف @__waref]

@bin_3rej https://t.co/IvDiJCqIFf

[وارِف @__waref]

يامساعد عريج مالك شان
كثر الحكي ماهو بـ فايد

الاوله تطمر الجرفان
والثانية تعكس السايد

والثالثة طعني من الآن
ان جاتنا ردها كايد

[وارِف @__waref]

يامساعد عريج مالك شان
كثر الحكي ماهو بـ فايد

الاوله تطمر الجرفان
والثانية تعكس السايد

والثالثة طعني من الآن
ان جاتنا ردها كايد

[مساعد بن عريج @bin_3rej]

لا يلعب براسك الشيطان
لا شفتني واقف محايد

انا كويتي فصيح لسان
ماني براعي حكي زايد

امدح محمد ولد سلمان
وامدح محمد ولد زايد

[الحاكم @_alhakm]

#خطبة_الجمعه:

لا تكن من الشامتين
وتصبح من المبتلين

يقول الحسن البصري: ادركت اقواماً لم تكن لهم عيوب فـ تكلموا بعيوب الناس فـ احدث الله لهم عيوباً ابتلوا بها

[ناصر المجماج @Nasser_Almejmaj]

من يعرف قائل هذا البيت

من قسوة اللي حصل في ليلة البارح
ادور الشمس مثل مدوّر الفزعة

[وارِف @__waref]

.
ماني بـ حاجة أمنشنها بـ معنى انتبهي
ولو يقال اختر من الأسماء ماراح اخترها
.
مااعرفها ولا اعرف عنها ولا ادري من هي
بس أعرف إن الشـعر يسجد على دفـترها
.

[َ @9__1i]

«لدّ عينك فـ البشر وتشوف مضمون الأدلّه
كل مصلحجي جريء.. وكل حساس إنطوائي»
— محمد جارالله

[نَجْلاء @njlaa37]

تعال زيح السكوت اللي كتم صدري
محتاج نسمة سوالف بيني و بينك

ما عاد باقي من أجوبتي سوى .. مدري
ولا عاد باقي من أسئلتي سوى وينك ؟

[وارِف @__waref]

يوم الربوع اللي احبك فيه
ماهوب عادي مثل الايامي

احب يوم الاربعاء واغليه
اغلى من اهل الشام للشامي

ان كنت تسمع قولي وتوحيه
سلم علي سلام الاسلامي

وان كنت غايب ياحبيبي ليه
تغيب عني وانت قدامي

اشوفك بقلبي وأحسّك فيه
تصبح على خير .. بنامي

[جواهر العلم @K_TheRebel]

إذا أردت أن تُوَفّق =فاحذر ذنوب الخلوات!

[مزيد الوسمي @mzed_9]

لا تدقق في العلوم ويكثر استغرابك
غبت لكنّا على الهقوه مثل ما كنا

انت دامك جيت ماني قايلٍ وش جابك
مرحبا ياللي من احداث السنين معنّا

مارخصنا فيك يوم اقرب قريب اصخابك
كل مادورتنا في اللازم ؛ تعيّنا

ودك ان اللي وقف لك واحد من اصحابك
غير مايزهى الوقوف الطيّب الا حنا