@NOWTRND ما فهمت وش الهدف من تصوير مثل هالتفاصيل ونشرها ؟!
بعض اللحظات الجميلة بين الزوجين تبقى أجمل لما تكون خاصة بينهم، مو كل تفاصيل الحياة الزوجية تُنشر، فالخصوصية تجعل لها قيمة واحترام أكثر وماينفع ابداً مشاركتها مع الناس
@nat19106@Askmuhami اقرأ ردي زين ، ماقلت برافووو عليها وتستمر !! قلت لا ياخذ راي احد غريب ويلجأ لطرف من اهله وطرف من أهلها ويبحث عن السبب الحقيقي يمكن شايفه شي وماتبي تقول او بالاصح تفضحه بشي ! حنا سمعنا من طرف واحد ماسمعنا منها !!!
@qwwk28 لا تخافين ولا تعطينه أي رد يبين له خوفك، أهم شيء لا تحذفين المحادثة وصوري واحفظي كل التهديدات واسم الحساب ونصيحه لا تحاولين تعرفين هويته بطرق غير آمنة، بلغي عنه من التطبيق وإذا كان فيه تهديد حقيقي أو ابتزاز تواصلي مع الجهات المختصة. وخلّي أحد قريب منك يعرف بالموضوع
@qwwk28@TTi1_12 بذمتك ومن جدك تخافين وانتِ بدار آل سعود !!!
صاحيه انتِ !!!
لا تخافين يابنت الله يسلم كلنا امن طقي رسايله كلها وارفعي بلاغ والله يتلوووونه لو هو بسابع قاع ولا يخوفك هالاشكال هي اللي تخاف .
@love__278 مو شرط تكونين ملزومة، لكن من باب الذوق والتقدير وحفظ الود إذا هي توصلك يومياً وتغير طريقها أو تتحمل تكلفة إضافية فالمفروض تشاركين ، الموضوع مو واجب قد ما هو معروف ولابد تردينه لها اقلها تشاركين ثمن البانزين .
لا حول ولاقوة الا بالله ،
" أميتوا الباطل بالسكوت عنه "
تداول الخطأ وإعادة نشره فليس إنكاراً له، بل إحياءً له،ومن جعل التفاعل غايته، قد ينشر من الباطل أضعاف ما يزعم أنه ينتقده .
@FdFdHME ما دمت محافظاً على دينك وباراً بوالديك وتسعى للحلال، فأبشر بالخير، وما تأخر رزق كتبه الله لك إلا لحكمة ، نصيحه ابتعد عن الخطابات وحاول بـ الاقارب والمعارف اكثر ثقه ويعرفون الطرفين بدون مجاملات واستغلال واستغفال ،
اسأل الله أن ييسر أمرك، ويرزقك زوجة صالحة جميلة الخُلق والخِلقة ..
@Akthem1565977@senyorita974@gorgeous4ew قبل ما تسأل ليه الأميرات ما يحسنون النسل ،اسأل نفسك ليه بعض الناس يحتاجون يقللون من غيرهم عشان يحسون أنهم أفضل،الجمال ذوق،لكن الاحترام تربية، وحنا أكبر من أن يحدد قيمتنا وجمالنا تعليق عابر من شخص حاقد .
@MohammedaLenaz1 بكل خسارة للمنتخب تحول النقد الى تصفية حسابات أو التقليل من تاريخ لاعب بحجم سالم وانجازاته بسبب ميوله أو ناديه !!
كرة القدم لعبة جماعية، والفوز والخسارة تُحسب للفريق كامل، مو للاعب واحد
@Azizihere1 سالم ماقصر والمنتخب يفوز ويخسر كمجموعة. لكن استهداف لاعب واحد وتحميله كل شيء لأنه هلالي مو نقد، هذا احتقان ، سالم له تاريخه وإنجازاته واللي صار اليوم يتحمله المدرب اشوف المنتخب اكبر من دونيس
@ALMRISEUL اليد الوحده ما تصفق، إذا كان سالم الدوسري ظهر بمستوى أقل من المتوقع، فالمسؤولية ما تكون على لاعب واحد فقط. الغريب أن أي هبوط في مستوى لاعب يتحول لهجوم واحتقان مضاعف فقط لأنه يمثل الهلال ،
سالم يبقى أفضل اللاعبين المحليين،والأرقام والإنجازات تتكلم عنه،بلاش تعصب .
@331p_ عندي كل اصدارات الايفون اخرها ١٧ ومستحيل اكرر نفس الغلط واخذ ١٨ لانه مايختلف فيه الا الرقم واللون إذا بفكر أغير فعلًا باخذ شركات ثانيه وابدعوو في الشكل والمميزات على الأقل أحس إني جربت شيء جديد مو نفس الجهاز برقم مختلف
@love__278 المشكلة مو بشطارة زميلك ولا إهمال زوجك،المشكلة الحقيقيه بإنك تقارنين زوجًا يعيش معك تفاصيل الحياة كلها، بزميل يراك في جزء صغير ومحدود منها. ليس كل اهتمام دليل حب، وليس كل انشغال دليل إهمال. نحتاج نفهم الفرق قبل أن نعطي مقارنات أكبر من حجمها .