اللهم ان ذنوبي ليست إستهانةً بـ حقك ولا جهلاً واستخفافاً بـ وعيدك وإنما من غلبة الهوى وضعف القوى فأستغفرك ربي واتوب إليك
لا اله الا انت سبحانك اني كنت من الظالمين.
ياحزينة جعل الاحزان عن قلبك تزاح
ودي اسرق لك من البهجة بـ خاطر طفل
كل بسمة منك ..تنفث على الصدر انشراح
وكل ضحكة منك تستاهل نسوي حفل
ولابكيتي صدت الشمس عن وجه الصباح
وانبهت لون المجرة.. وكل كوكب أفل
دمع كل الناس مالح لكن دمعك قراح
كل ماتبكين ينبت على خدك نفل
تمخطري في ضميري واخذي اللي تبين
ظلوع صدري فدا .. وعروق قلبي فدا
من ضحكتك تقفي الضيقه وحزن الحزين
ومن ضمّتك كن عمري من جديد ابتدا
شوفك ربيع القلوب ولذّة الناظرين
والبعد من شوف زولك فـ الحياه إزهدى
ماعاد خليتي لـ غيرك من الزين زين
يذهب جمال العذارى من جمالك سدى
لا قلت بترك طريق الود لـ المهتدين
لجّت عروق المحبه كلبوها .. بداا
يا توهة القلب قلبي تاه بك مرتين
ان راح صوبك غدى وان صد منّك غدى
ان صار ماصار .. والا فرّقتنا السنين
انا على خبر قلبك لو يطول المدى
ان غبت غالي ولك قدرك وعذرك سمين
وان جيت يامررحححبببا منّا ليا ماله مدى
احياناً لـ العشاق متلازمه اسمها " السفر مع الطيف " حيث يسرق طيف المحبوب روح المُحب من المكان ويعزله عن من هم حوله .
قال عامر بن نوطان :
لا طرا طاريه سجيت والناس يحكون
وعشت في ذكراه كن العيون تخايله
وقال ضيدان بن قضعان :
جالسٍ معكم مهوجس وسجّيت وسريت
رحت كلي ما بقى إلا عيوني وجسدي
وقال ايضاً :
ليا مرّني طاريه فالمجلس المليان
أخاويه وأترك هيكل الجسم متراكي
لـ اداري على صيتك من العيب والمنقود
واحنّك ما حنّ الغصن الاخضر عصافيره
واجود لك جود اكرم كريم يحبّ الجود
واحفظك مثل حفظ البخيل لـ دنانيره
و اغنّيك مع كل معزوفه . . ودقّة عود
واحصّنك . . مع كل تهليله وتكبيره
يا جميله يوم اطالع والتفت لك يا جميله والله اني استمد القوه بعزم وجساره
ايه انا اعظم رجل تاقف خلفه انسانه نبيله ما يحرّك موقفي صفق الهوا وحذف الحجاره
فيك اشوف العنفوان وغطرسة مهرٍ اصيلة ما غلبك الا حياك اللي يزيدك من وقاره
اضحكي يا جعل تفداك الكثيره والقليله اضحكي يا نسمة ايلول الشهيره في نهاره
لا يعنّيك الحزن والهم دونك برتكي له والله انك في ذرى وجهي واسوق الك البشارة
كله ولا تذرف الدمعه من العين الكحيله انتِ عيونك تدلل والطلب رهن الاشارة
اعتزي بي والله اني خل يوفي مع خليله انتحاريٍ يسوق العمر لعيونك خساره
مستعد احارب الدنيا قبيله مع قبيله واقف بوجه الزمن واهاجمه غاره وغاره
كل مايلمع سنا البرق في عرض النصوب
والهوا المامور كنه يمسه بظهره
قلت جعله في مداهيل سلاب القلوب
اطرقٍ ولي على عرش قلبي وعمره
تمّ حكمه والحنايا على طوعه شعوب
يتومر والله اللي على الحكم ومره
تستحبه وجهة الغيم وانسام الهبوب
يوم براق الحيا مثل برااااق نحره
خلي جديلك ينتشر بين الهبوب
اللي يسرّيني ليا منه سرى
مخلوق من خصلات والا من قلوب
يبي له أحباب وقصايد واشعرا
قولي لرمشك عن براءاته يتوب
لا عاد يذبحني وكنّه ما درى
من شافك يشوفك معاه بكل صوب
ومن تجرحينه عاش عمره ما برى
تغانمت الطريق اللي يجي بيتك من الصوبين
احسب اني بشوفك واحسب ان الوقت يمديني
تركت الدار بيساري واخذت اول طريق يمين
وانا شهب العلوم تحدني .. و الشوق حاديني
يا رفيقة عمري وروحي ويا القلب وصميمه
ماغرق في بحرك وموجه ومدّه وارتطامه
غير رجلٍ شاف في قربك سعادته ونعيمه
ما توانى في معارك شوقه ولانت عظامه
ورغم ظلم الوقت ما مالت عزومه للهزيمه
كل ما مال الزمن عدّل ميوله لـ أستقامه
وفي رضا خاطرك ما شح وحسب لأيّات قيمه
صادم الوقت العنيد وزاد عزمه واصطِدامه
والله ان شوفك يبدد ظلمة الليل وعتيمه
من بدا له نور وجهك ما خشى الليل وظلامه
ضحكتك مثل المطر لا هَل من مخزون غيمه
وجهك الفتّان ما لايق عليه إلا إبتسامه
تورّق رياض الصدر منها بعد كانت هشيمه
كنها قفرٍ لها مده تحت وبل الغمامه
لو اقول انك حبيب الروح والفرقى جسيمه
دايم عيون المولّع تنطق ابلغ من كلامه
يا عظيمه كل نبضة قلب فيني يا عظيمه
رهن سلهام العيون وسهم رمش وزِين شامه
من قاسي القلب لين قريّب الدمعه
الله يغسل الضماير من ضغينتها
خلك من المال ومن الصيت والسمعه
لا قدمت كل حجه مع قرينتها
تسمو بالارواح روحانية الجمعه
مايجمع المسلمين الا سكينتها
الله لا يجعل لنا في غيرها طمعه
الا السلامه من الدنيا وزينتها
الغرام أول علاج النفس .. و الكبد الجريحه
من ظروف الوقت أشوفه كنه إجراء إحترازي
الهوى .. ينزل على قلب الشجاع و يستبيحه
من يذوق الحب عاش العمر في عالم موازي
العذاب إللي نموّه .. فـ النفوس المستريحه
سبّته سحر الرموش السود و عيون الجوازي
كل غيداً ما تباهى في حضورك ... يا مليحه
و من غرورك مستحيل ينولك بعيد المغازي
الجديل ….. إللي ليا هب النسيم و فاح ريحه
ينعش القلب الحزين و يشرح الصدر الحجازي
من تعلّق في هواك ... الله من ذنوبه يبيحه
لا غرابه لو يصير من الهوى شخص إنتهازي
نظرتك فيها الشموخ إللي محد يقدر يزيحه
ما يواجه نظرة العين الوسيعه .. جيش نازي
جل من سواك فـ عيون البشر فتنه صريحه
كيف أقاوم عودك اللين بـ صبري و إعتزازي
كل غلطه من لسانك صرت أشوف إنها صحيحه
أتعذر دون تعبيرك ………….. و أقول إنه مجازي
طحت في حبك و أنا ممنون لك في كل طيحه
لو أطيح الطيحه إللي بعدها ….... يوم التعازي