رزيـــن

موميً بسنين عمري لـ قصّاف العمار

[رزيـــن @_h242]

يوم شفتك .. للثقل والكبر والهجران ناوي
ما دريت ان عزّتي محدٍ من العالم شراها !

والله ان تبطي عظم وتموت ما جيتك رجاوي
والمحبه اعتبرها ميته .. والله يجبر لي عزاها

[ّ @1Soud]

ولا تندم على الماضي ولا تبكي على الأطلال
مثل ما الشمس مغربها هناك هناك مشرقها

عرفت إن الخسارة في العمر وإن العمر زوّال
يعيّشنا وجود أحلامنا لو ما نحقّقها

[رزيـــن @_h242]

إن وقفتي كل الأغصان مالت عود عود
و إن مشيتي كل شبر من القاع انتبه

و إن رضيتي يقطع السيل مع لبة نفود
و إن زعلتي يزحف الكون لك على ركبه

منيف الجراش

[رزيـــن @_h242]

والله ان كن الهبايب .. والنسانيس العليلة
ما تعرف تهب / من كل الجهات الا جهتها

من يبي يخلي سبيل الشوق من يخلي سبيله
والمشاعر . . من يجاوبها على كثر اسألتها؟

-عبدالله السراهيد

[رزيـــن @_h242]

لا تنبش الذكريات وتبحث الخافي
مقابر الذاكره و العمر مليانه

أنا رحلت و تركت الماضي خْلافي
وإن جيت أعوّد ، وش أعوّد على شانه ؟

- ناصر الحمادين

[رزيـــن @_h242]

ليه أترك الحلم وأذرف من وراه الدموع
وأحلام الإنسان توخذ غصب ما تنعطى

تشكّلي يا ظروف الدهر ومن أيّ نوع
بـ أجيك هادي ومتوازن و واثق خطى

القلب ضد الكسر والراس ضد الخضوع
والمتن للشيل واليمنى لبذل العطاء

- جمال بندر

[رزيـــن @_h242]

هنيّك عن اللي راح في دنيتك سجيت
ماكنّك عشقت ولا مضى لك معي ماضي

[رزيـــن @_h242]

استخارت ضيقة الخاطر و حلّت في رحابي
ماتطيح الشمس ويمر العصير الا بـ ضيقه

كل ما جيت اتخلّص من علامات اضطرابي
ما قدرت ازيّف الواقع و اصد مْن الحقيقه

[رزيـــن @_h242]

ازهميني كل ما خانك .. زمانك وانجرحتي
وابشري باللي يضمد لك جروحك بيدينه

[رزيـــن @_h242]

الله انه يحفظك في حلّك وترحالك
يا اوّل دروب الهوى واغلا واعز احبابي

جعل يسقى يومك انت تبرّني بوصالك
يوم عاد الدّار داري ، والرّحاب رحابي

لو جبرك الوقت للفرقى تسوق اجمالك
خابرٍ لي حاجةٍ منك تثير اعجابي

خابر إنك لو تغيّب عادني في بالك
وخابر إنك شبه يومياً تمر حسابي

[رزيـــن @_h242]

دفنت الغلا لين انزرع من وراه أحساس
مثل مادفنت احلامي الواجد بـ صدَري

فقدتك و احَس اني اشوفك مع الجلاّس
كثر مافقدت النومه اللي تجي بدَري '

يضايقني الطاري ويتعبَني .. الوسواس
بقَى قدري اللي خابره ؟ او نزل قدَري ؟

اخاف أني اوضح وتفهم عليّ الناس
كثر ما أخاف أني اضرّك وأنا مدريَ !!

[رزيـــن @_h242]

ان بغيتيني طفل وان بغيتيني ، حبيب
والله إن حتى الخطا من سموّك مكرمه

طعنتك في جوفي الذ من شخب الحليب
شخب معطارٍ على حوارها مترزمه

- سعود بن مبارك

[رزيـــن @_h242]

بروقٍ تخاطف لي حياها مهو بـ متبوع
سرى نوضها من تحت جنح الدجا غادي

ظروف الزمن تجبر بعضنا يسلّم طوع
وهو والله انه لا اعتزا يذبح القادي

سوات الجبل لا علّه الوبل راح فروع
يجيك اكرم من السيل في فرعة الوادي

تخف الحمول بـ واحدٍ من وراه ربوع
وتثقل على اللي ما معه سرج وشدادي

[رزيـــن @_h242]

لا تشافيت يا جرحي ولا أمسيت طيّب
ساترك لجل ما تفرح عيون التشفّي

شيّبتني ملمّات الدهر قبل أشيّب
يا سنيني متى باخذ من العمر شفّي ؟

آه يا حلمي اللي دونه أصحى وأغيّب
و غايةٍ دونها طول الصبر ما يكفّي

ليت ما بيني وبين العدوّ القريّب
مثل ما بيني وبين الحبيب المقفّي

[رزيـــن @_h242]

لاتغيّرك الليالي .. ويغريك الغياب
وتحداني والجفا منك حاديني حدي

نبض قلبي يوم ودّا .. ونبضه يوم جاب
مايقول : الا عسى الله يسامح ويهدي

وين أيمم شوف عيني وأنا اخيلك سراب
كل ماضميت زولك تلاشى من يدي!

مذهبٍ حالي بطاريك يامال الذهاب
مابقى فالقلب من سبّتك عرقٍ ندي

[رزيـــن @_h242]

أنضج مراحل شعوري مرحلة " عادي "
من شفت الاشياء تصغر يوم أهمشها .

[رزيـــن @_h242]

أفطمتني عن سواها و خلّتني قنوع
ما بعد حبيت لي نَفْس من حبيتها

[رزيـــن @_h242]

ختام السالفة يا طيّب العشرة كرمت ودمت
هذا حقّك عليّ وحقّ هقواتي على أوهامي

مصير الوقت يشرح لكّ ظروفه لو غفلت ونمت
يصّحيك الزّمان اللّي يصّحي كل من نامي

تذّكرني لا منها ضاعت أوهامك بمن وهمّت
وعرفت الفرق في حبّ الخشوم وحبّ الأقدامي

[رزيـــن @_h242]

لا قيمة لتلبية رغبه دهسها الوقت ولا قيمة لأحد يصل متأخرًا بعد نهاية كل شيء، أهم مافي كل شيء هو "توقيته"، التوقيت الذي يضفي قيمة على الأشياء، أو ينزعها.

يقول فارس الحشّار :

حضورك الغايب بعد فايتٍ فات
حبَّة عذر على جبين متوفّي

[رزيـــن @_h242]

لا تسأل وش اللي جابني لك عقب ما غبت
انا من تصاريف الزمن جيت لك ضامي

من مشاهدك ما تاب قلبي وانا ما تبت
تعال امسح كفوفك على جرحي الدامي

تمر الديار المجدبات ويعيش النبت
اجل كيف قلبي حالته وانت قدامي ؟

انا ما نسيتك لو تدور السنين وشبت
اشوفك صباي اللي رحل وآخر احلامي

[ملاذ @_xa91]

نسيت يوم اقفيت ؟ لا والله تبقى لي حبيب
اذكرك والطاري مصيبه ..! م اذكر انه قد نحى

ليه اليالي تبعد الواحد عقب ماهو قريب
الله . . ؟ ي ذيك العيون الي تناظري سحى

تعال ي نسج الخيال الجرح عيا لايطيب
القلب تلقائي ، ليامن شاف زلاتك محى .

_ ملاذ