فواز

متذوق شعريا

[فواز @_i8lf]

عزلتني عن عالم ماكنت انا عنه معزول
اطرد وراك العمر كله كني اطرد لي سراب
سمعت قولي وانت قلي ودي أسمع وش تقول
أنا طرحت لك السؤال وانتظر رد الجواب

[فواز @_i8lf]

تعال يا اكبر من اللي يحتويه الضمير
واعذب من النسمة اللي مع صلاة الفجر
ٰ
لا يلحقك شكّ فـ اللي صار بيصير خير
من عادة الناس ما بين الرضى والضجر

خل المواصل على بالك ولا تستشير
ما هو بـ لااااايق عليك تحبّني وتهجر

[فواز @_i8lf]

مرحبا ياغاية القلب وأقصى منتهاه
ريف قلبي جعل عُمري معك ماينتهي
والله انك وسط قلبي وهذا مبتغاه
والعمر من دون وصلك ترا مايشتهي
والله انك زين مبسم وطبع وزين جاه
جعل عين الناس منك تسج وتلتهي
واحدٍ مافيه مثلك وربي قد عطاه
الحسن والذوق والعز والوجه البهي

[فواز @_i8lf]

ودى أجيلك ومتردد من أسبوع
ودى ولكن خايف كيف ردك
أخاف تحسب جيتى لك بها خضوع
وتزيد فى كبرك من الغيظ هدك
ما أكذب عليك أن قلت لك منك مفجوع
يا قو باسك كيف طولت صدك
يلوع بى همى وأناديك ويلوع
الشاعر قلبى بسبايب ما جزيته بيدك

[فواز @_i8lf]

مرحبا قبل السؤال ومرحبا بعد الأجابة
ياهوى القلب العليل وبلسمه من كل عله

مابعد صوتك جمال ولا بعد شوفك رحابه
أنت اللي تستحق الغلا دقه وجله

من يشوفك يبتسم لو كان عايش في كئابه
كيف عاد اللي بقلبه لك مكانه مستقلة

[فواز @_i8lf]

ودّي أسولف لك عـن شعور الغرام
و أعلمّك و شـ كِثر انا أحبّك و ابيك
لكنّي لا مـن شفّتك يـضييع الكلام
وآصير هايم في جمالك يوم أجيك
هـاك المحبّه والـغـلا و الاحـتـرام
وعطنّي وصالك بس وطمنّي عليك

[فواز @_i8lf]

"عرفتك صدفهٍ بيوم من بين الأغراب
وغديت بكل يومٍ أدور عنك وأحاتي
قربت منك وقلبي من الحب مرتاب
بسبّه بقايا شين التجارب بذكرياتي
لكني فتحت للمحبّه بصدري الباب
ولقيت فيك جميع اوصافي و رغباتي
أقول إني ما أحبك وأنا والله كذاب
ياشلون ما أحبك و أنت كل حاجاتي

[فواز @_i8lf]

لو اني نويت احب غيرك ياعذب الصوت
لقيت الحبايب لو اتلفت بـ الجمله
لكني صملت اصون حبك الين اموت
وانا ما لعب بي يا حبيبي سوا الصمله .

[فواز @_i8lf]

انفدا العيون الوساع وسوادها والشفتين
وصف غزالٍ لعب بالقلب ومداهيله لعب
دخيلك أرفق بي واسمح لي منك بحبّتين
وأرفق بقلبٍ واحدٍ من بد الناس منك ماتعب
تسرقه منهم طيوفك يبعد وياخذ له لفتين
ويثقل عليه نسيان طيفك ويبين له الأمر صعب
كل ما حاول يتناسى ويلهى يتلهمه لك حنين

[فواز @_i8lf]

أنا أكثر إنسان أحبك لو يحبونك
لا تترك النفس تلقى منك مصرعها

تغانم الوقت لا تمشي على هونك
بعض القرارات يخدمها تسرّعها

حاولت في كل شي إلا إني أخونك
لو ننقطع من بعضنا لا توقعها

لو عندي القدره أسرق بـ سرق عيونك
و أحبها و أنت ما تدري و أرجعها

- محمد ظافر

[فواز @_i8lf]

أستبيحي حرمة فؤادي و حلّي يا جميله
بالمقام اللي يعيّش صاحبه حسن الاقامه

من كثر ما مر طاريّك على بالي و اخيله
ودي أنه كل ما مره ذبحنا له كرامه

هذي اللي وصفها فالشعر حاجه مستحيله
كيف أوصفها وهي تستر مفاتنها لثامه

[فواز @_i8lf]

ان خفتي ادور بدالك تحلمين
الي تعلق فالهوى يموت فيه
اشوف وجهك في وجيه العابرين
مع فارق التشبيه يالوجه النزيه
ابيك و الدنيا تبي و انتي تبين
واليا اجتمعنا صار كل الي نبيه

[فواز @_i8lf]

أدور على وصلك لو انك تحب تغيب
احامي عن الماضي وأحافظ على الباقي

اسولف معك في كل حاجه بلا ترتيب
كلامي حقيقي واشتياقي من أعماقي

[فواز @_i8lf]

يا غرامً يندعابه على الصدر الرحوب
من ظفر به يشكر الله على حسن المئاب

انت غاية من تمنى ونكسة من يتوب
معك ياهون المصايب ويا كبر المصاب

فيك مصياف الخواطر ومرباع القلوب
وفيك من نجد العذيّه عواصيف المهاب

وفيك يلقى اللي يحبك من الواقع هروب
ما درا انه رايحً من عذابً في عذاب .

[فواز @_i8lf]

عليك السلام الوافر الي بدون قياس 
ياعنقٍ عليه معلق باقي امالي

مع انك بعيد وطرقتك تتعب العساس 
انا اشوف حلي فيك واشوف ترحالي

يطل القمر ولا يغيب القمر لا باس
الاغلى تهون بـ حضرته قيمه الغالي

عن الطله اللي تنتظرها جميع الناس
أنا في انتظار الطله اللي على بالي

[فواز @_i8lf]

وش يرّد عقل ٍ في غرامك غدى مسحور
أنا طحت في شي ٍ على البال ما يطري

فتني بهاك ولا على الفاتنات قصور
أسرني هواك ولا أْعرِفْ وش يفّك أسري

على الروح صرت ِكنّك الحاجب المنصور
يا مستوليّة زهراي ردّي عليّ قصري

مفاتنكْ مسرح حسن وعيوني الجمهور
تصفّق لها نبضات قطعة ورى صدري

[فواز @_i8lf]

تدري ان الليل يجيب ذكراك ؟
وان الفجر فيك يوحشني

كأن الليل يقول الهوا هواك
وكأن الفجر للوقت فيك يرجعني

ودي ارجع مع الشوق واقول ابغاك
لكن اخاف اجيك بالاول وتردني

[فواز @_i8lf]

أنا على محبتك عندي شهود
وعندي دلالات وثبوت وقرآين
بياض قلبك يجلي ايامي السود
القلب صالح والعروق المداين
اهم شي انك على الارض موجود
وباقي الامور والي وراها هواين

[فواز @_i8lf]

@j6m5_ وش هو ذا الفيلم اللي يخلي الواحد يعيده عطيني اقتراحش نشوف يطرد طفش شوال ولالا🤣

[فواز @_i8lf]

@6rbosh22 صح منطوقك يامبدع

[فواز @_i8lf]

عطني عهد وأعطيك كل المواثيق
عطني الغلا وأعطيك كل المودة

عطني حنانك والوفا دون تفريق
واكسب رضى روحي لروحك مودة

روحي صفت لك واخلصت دون
تبريق تتبع رضاك ومن يودك توده

بادلني الإخلاص قبل التفاريق
مادام حبل الوصل تقدر تمده