منيف

شي مقدورٍ عليه وشي فوق الاستطاعه

[منيف @_lkoq]

خروجي عن العادي وبُعدي عن المألوف
ما هو بـ الخروج ، اللي يخرّج من الملّه

[سمح . @j2ri_]

اسوأ انواع الغياب حين يغيب احدهم ويجعلك في حيره ، لاتعلم اين هو ولا كيف احواله

والله اني ميسٍ من رجعته من يوم دبر
ودي ادري هو بخير وغيرها ماودي ادري "

خالد مبارك

انقطع و حبال الاخبار من دونه قصار
والله مدري هو تحت الارض ولا فوقها ):

سعود الشطيطي

[منيف @_lkoq]

لا عاش منهو تعذر منك
ولا عاش منهو يمنعه ظرفه

وان كان قلبي تخلى عنك ؟
ماهوب قلبي .. ولا اعرفه

[منيف @_lkoq]

كنت ابتسم وافرح وانا ماتكلّمت
لـ الطاري اللي .. هامته ما توطّى

ياوجهٍ آغوتك الظروف ، وتلثّمت
مثل السنا اللي بالسحاب يتغطّى

الذكريات آمرّها بعدك بـ صمت
كنّي . . على أعتاب القبور آتوطّى

البارحة .. ذكرتك ، وما تبسّمت
يبدو علي إني " بديت " آتخطّى

[منيف @_lkoq]

على الوعد ماجيت و العمر محدود
و نفسيتي في غيبتك / لك عليها

ما باقي الا ضحكه تغيب و تعود
حتى ماهيييب الضحكه اللي تبيها

[— @_f018]

ياللي سنا وجهك مثل نور البدر
غيابك الزايد .. ماحب اطاوله

ان كان لي عندك تحفّاي وقدر ؟
امنعني من الدق تحت الطاوله :(

لـ ابو فهد 👏🏻
@_lkoq

[منيف @_lkoq]

أحسب إنك تيمّم بإتجاهي وين ما يمّمت
أثر لا أنته ورايه في الطريق ولا أنت قدامي !

[منيف الجراش @JrashM]

لطيف الحشى له 9 اسابيع عني صاد
اظن العذارى ثالث العيد ناضلته

وعسى من حرمني عنه يحرم لذيذ الزاد
مثل ماحرمني …. دوجةً في مفضلته :)

[منيف @_lkoq]

في غيابك لا حياه لمن تنادي
كل مارديت دمع العين حوّل

يوم مرتنا ليال العيد ، عادي
اثرك انت اللي محلّيها من اول

[منيف @_lkoq]

ما بقى الا الموادع والجفا والرحيل
وافترقنا وكلن حوّلت دمعته

[مُلهِم @7ilbin]

عبدالله بن دايس
@QAbdullhsaad
شاعر كما يقول : لا يمكن اني امر عابر سبيل

لا يُمكن إنّي امر الشعر عابر سبيل
ياللي دخلته خلي وظهرت منه خلي

ماعندي الا القصيد الغالي ومستحيل
ارخصْه لو مـ املك الا ثوبي اللي علي
-

يتحدث عن حالة الغرور والكبر ويتطرق لها في أغلب قصائده وكأنه يقدم للجميع نصيحة قيّمة

احيان متكبر و مغرور و احيان
متواضعٍ ينكف خيري و شرّي

وقال
من الكبر احيان مـ ارد السلام
ومن التواضع ؟ يمكن ان تنقد علي

وقال في قصيدة أخرى:

اللي يوريك الثقل والتغلي ؟
حاول توريه السمو و الانافة

خله يقال ان فيك كبر و تعلي
ولا يقال ان فيك ذل و ضعافة

انسان يعرف متى يستخدم الغرور ومتى يتخلى عنه

ماهوب شرط انك تبادلني الشعور
لاكنّ عاملني مثل ... ما عاملك

بـ جاملك في كل شي الاّ " بالغرور "
لايمكن اني في الغرور أجاملك

ايضًا بيت لـ عبدالله انتشر انتشار هائل قال :

جعل العوض في ماضيً ماله جميل
مستقبلًا ما تنحصى جمايله

بيت من اربعة أبيات لـ عبدالله دائمًا اكرره في كل يوم وكل ساعة يقول :
انسان والأنسان مخلوق من طين
مهما تعاظم نفسه وشاف روحه

-
عبدالله تغرب عن داره لفترة طويلة بحكم وظيفته التي تلزمه بالإبتعاد وله قصائد كثيرة يتحدث عن الغربه ومن ضمنها قصيدة قال فيها

كل ما صدفني فالهوى عابر ومآر
قمت أنشده وشلون حاله .. وكيفه

منْه اتحفى بالسوالف والاخبار
مثل تحفاي المضيّف بـ ضيفه

إلين قال :

لا تلومني يوم أتغرّب عن الدار
رزقي على الله ثم على ذا الوظيفه
—

وعن حب الوحدة والإختلاء بالنفس برر وقال

فـ ان شفتني جالس مع نفسي وحيد
تأكد اني بـ جو لا يُعلى عليه .
وايضًا كرر الأمر وقال

والله يـ الوحده آخير من الجليس
اللي بلا حافز … ودافع معنوي

وعن معرفته بأحوال المحب والكاره يقول :

رفيقي اللي جعل عيني ما تبكيه
من قبل لا افتقده .. وتفقدونه

خلوه يستوفي من الحزن والتيه
كان الله بعون امنياته وعونه

انا اعرف الكاره من مصافح ايديه
مثل ما اعرف اللي يحب بـ عيونه

الكل يتمنى وجود رفيق يعلم ما يخفيه صدرك والكلام الذي يدور في بالك

وقال عن الرفيق ايضًا :

ورفيقي ماحبه مكدر و مجروح
لو الفرج في ضيقتي و انعماسي

وعدوي ان ماكان طيب و طحطوح
بدري عليه يحط راسي بـ راسي

ايضًا عبدالله في النصيحة يقول

لا تتظاهر انك طيّب وماعليك خلاف
كلام الحزن بيّن وصوت الحزن بيّن

أنا مستعد ادفع ثمن ضحكتك اضعاف
لو اتسلّف الطائل من المال واتديّن !

لا تلقي بـ نفسك لـ الملذات والاسفاف
تحسب العمر هيّن وهو ماهوب هيّن

في هذا الزمان الممتلي طيش واستخفاف
منومسني انك زاهد وعاقل وديّن

-

وعن دمح الأخطاء رغم وجود أسباب العتب يقول

حنيّتني من الكلام الجارح
وانا ادري اْن من حقك تخرّبها

الحاجه اللي زعّلتكْ البارح
والله العظيم اني معاد اقربها

تحدث عن عبدالله عن شعور داخلي ينتابه وقال

احب ابعد عن اللي احب وارحل بعيد
من شان ما اكره العشره ولا املّها

كل ما بغيت احتفظ فيها زمانً جديد
شعور في داخلي يقول لي خلّها

كان دائمًا صريح في مسألة اللقاء والوداع
بيت من قصيدة طويلة يقول في قفلتها

إنّ كان منت بجاي ؟ قلّ ماني بجاي
على الأقل ما أموت وأنا أتحرّى

عن استباق الاحداث في الفراق اعطى عبدالله الضوء الأخضر وقال

ارحل يا أغلى من عرفته من سنين
من وين ما ساق الهوى هبايبه

خلّك تقفّي وانت مجروح وحزين
ولا تقفّي وانت نفسك طايبه .

وقال عن التمادي :

من سمح للي يحبه بـ التمادي
مستحيل يحاسبه من شان زله

غربيني في بلادي .. يا بلادي
ماني اول من تغرب في محله ):

[منيف @_lkoq]

في خيالك مستريح وفي عيونك ساكن
لو رحلتي ، والحزن عاد بشكل تدريجي

أقدر اقول ارجعي لي ياعنيده . . لكن
أسمي الرنّان مايسمح ولا برستيجي :(

[منيف @_lkoq]

ذكريات الراحلين ! اشد من فرقاهم

[منيف @_lkoq]

على نبيذ انفاسك .. الاندرينا
طاحت نفوس الصاملين الاشدّا

[منيف @_lkoq]

غابت وهي من ورا العشرين بضعة سنين
وعادت تحدّا الصبايا في ثلاثينها

ان كان سبة جفاها ما مضى زود دين !
الله ينصر مشاعرها .. على دينها :)

[منيف @_lkoq]

حبني يا ناعس الطرف واشبعني غرور
ويش ابي في باقي الناس وانت تحبّني ؟

[منيف @_lkoq]

انعست عين الغلا والهوى هدا
وخانت الايام والملح والعشره

و ابتديت تشوف نفسك وتتحدى
وانت ماكنت اتغلّى ولا تشره !

[منيف @_lkoq]

حاول تحب يحق لك ، لكن !
ان ما قدرت تحب .. لا تكره

[منيف @_lkoq]

تناسى ضحكتي ، شِعري ، ظروفي ، بيتي ، الريان
و لكن لا تناسى وجهي .. و تاريخ ميلادي

[منيف @_lkoq]

الهوى مثل الوطن والقبيله والنصيب
حاجةٍ تختار الإنسان .. ما يختارها