دكتوري قالي لا عاد تكتبين الأهداف او الاشياء الي بتسويها ..
اكتبي الاشياء الي سويتيها بيومك وسجلي كل شي تسوينه
سكت ماعرفت ارد عليه واقوله ان أصلا يومي كله إما نايمه إما اتجهز للدوام إما في الدوام
مافيه وقت لي او لأهدافي عشان كذا احسني مستنزفة من كثر ما خططت بدون تطبيق فعلي
ماعاد فيني شغف لشي بس استمر عشان الحياة تتطلب ذلك فقط لا اكثر ولا اقل لان الوقوف ما عمره صار حل ولا علاج ولان فيني من الاكتئاب ما يكفي لقتلي ولو توقفت يعني انتهت اسباب السعي يعني رغبتي في الموت رح تتفاقم مالي إلا اني استمر من باب إلهاء النفس عن الانهيار
اقسم بالله وظيفة الكاشير اكثر وظيفه تستنزف الانسان نفسيا وجسديا واجتماعيا وصحيا لكن هانت كلها شهر واستقيل والله يعوضني بالأفضل
كمية ناس بشخصياتها وأخلاقها وأنواعها تمر عليك عشان تختبر صبرك بس وتقتلك بأسلوبها وقلة تربيتها لكن حسبي الله على كل من أذاني قولا او فعلا حسبي الله وكفى
صح اني اخذ ادوية نفسية واتعالج بس مدري ليه إلى الحين أنا مو بخير فيه شي ما عرف دكتوري يوصل له أو أنا ماعرفت اخليه واضح له شي مكتوم يوجعني اكثر من اي شي ثاني احس بالإرهاق النفسي جدا مهما نمت من ساعات ما يخف
فيه وجه آخر للاكتئاب قليل الي يعرفه
وهو الالم المبهم الغريب الي يسكن مابين صدرك ومعدتك تقعد في الحمام اطول فترة ممكنه تحاول تستفرغه بس ما يطلع معك شي .. مجرد الم مبهم ماله مخرج من جواتك