مع الأسف ..

مُمكن شاعر

[مع الأسف .. @_oU7o]

من أقوال عمر بن الخطاب رضي الله عنْه : ألا إنّ الدُنيا بقاؤها قليل ، وعزيزها ذليل ، وشبابها يهرم، وحيها يموت ، فالمغرور من إغتر بِها.

[مع الأسف .. @_oU7o]

أنا يجيني على مدح النشاما ضرم
و شرواك فالمرجله وضعه على ما يرام
ㅤ ㅤ
مدري وش اقول غير أسمك لحاله هرم
طراه عاد الكلام اللي عليه الكلام
ㅤ
الشكر مطلوب لله ان عطى و إن حرم
و تبي الص��احه مع التقدير و الاحترام
ㅤㅤ
جمعتها كلها حكمه شجاعه كرم
لكن لو إنك بحيحي مثلنا يا سسلام

[مع الأسف .. @_oU7o]

لا صار الغياب مجريّ الناعسات السود
تصير الضلوع الناحله مسرح اجرامي

لو إن للحزن ومجاهد الذاكره مردود
بعد كل غصة شوق الاقيك قدامي

من المؤسف انك لا انت غايب ولا موجود
ومن المخذل انك تحسب غيابك إلزامي

لا زادت مشاريهي على دورك المفقود
يوقف بدالك قلبي " بمهنة محامي "

[مع الأسف .. @_oU7o]

إسلم وسلم وأخذ من شعوري ماتبيه
مابقى بـ سماء المعاذير شمس ولا قمر

ودي إني ما أخسرك بس يالله ما عليه
خاسرٍ قبل أخسرك هقوه وفرصة عمر

[مع الأسف .. @_oU7o]

تقول سلمى لا تخاف المقابي��
واقول سلمى ما تعرف الخوافي

العوز ياكل في كبود الرياجيل
في كل ليله موجعن له سنافي

[مع الأسف .. @_oU7o]

سلم على جدي وقلّه طفارى
مافادنا مضراب سيفه وشلفاه

[مع الأسف .. @_oU7o]

فمان الليل واحلام الوصال وبالك النسّاي
وسواليف السهر وعتابك اللي يتبعه عذري

[مع الأسف .. @_oU7o]

عادني راجيه في عيد الضحيه
يوم فات العيد الأول ما صفا لي

[مع الأسف .. @_oU7o]

على البال ياللي كل ما مرني طاريك
بدت كل تنهيده تمارس هوايتها

انا لو ينسيك الزمن ماني بناسيك
محبتك قصه ما اقدر اكتب نهايتها

لو الوقت يرجع قبل اعرفك وقبل اجيك
وقبل الهقاوي تنثني دون غايتها

بروح انتظر فأول مكان جمعني فيك
وبعيد تجربتي معك من بدايتها

[مع الأسف .. @_oU7o]

يجوز لك ما لا يجوز لغيرك
يالغالي اللي تدري انك غالي

اما تعال وكثر اللّٰه خيرك
ولا وراك وخلني في حالي

[مع الأسف .. @_oU7o]

هذا جفاك اللي توعدتني فيه
كنت احسب إنه موت واثره عوافي

مرت مثل كل الليالي لياليه
وابشرك مع اول الليل غافي

مرتاح بالي ما اشغلتني طواريه
انا اكبر من الوصل ومن التجافي

اللي مسح قدره بتلويحة يديه
لا يحسب اني بتلفت خلافي

[مع الأسف .. @_oU7o]

يامجمول غبت وعُدت بـ ابياتي المُهداه
وعاد الشعر في ليلةٍ من لياليّه

انا شاعرٍ في غيبته ماتغيب اصداه
مايختار ساعات الرجوع المثاليّه

تمادى شوي شوي رمشك ايلين ارداه
قتيلاً يمثّل كل روحٍ نضاليّه

تفاصيل وجهك جعل بعض الوجيه فداه
هي اللي ماخلّت لـ النجاه احتماليّه

[مع الأسف .. @_oU7o]

حجزت رحلة ذهاب من مطار الغياب
يا منتظر رجعتي مطاركم سكره

يا كبتن الطايره روح بنا للسحاب
به شي في القاع نفسي منه متعكره

رحلة ذهاب مافيها فكره للإياب
وإن كان به تذكره قطعت انا التذكره

[مع الأسف .. @_oU7o]

رفيقك اللي كل ماجيته تلقاك بقبول
ولا بعد جربت منّه ( لأ ) ولا مفعولها

إن قال لا مره فمن حقه عليك انك تقول
اكيد يبيني اعرف انه يعرف يقولها

[مع الأسف .. @_oU7o]

اسمعو وش يقول اللي يقول الحقايق
يكتب الله رجاه ويكتب الله نصيبه

مستحيل اني اسوي سواة العلايق
لين حتى على قبري تحط النصيبه

ياوجودي وجود اللي من الكون ضايق
لين ضاقت عليه فجوج الارض الرحيبه

استوت عنده الدنيا وعاف الخلايق
مايبي له ونيس ولا يبي له حبيبه

[مع الأسف .. @_oU7o]

ماغير اوزع للوجيه ابتسامات
وانا مشاهيب الفراق احرقتني

[مع الأسف .. @_oU7o]

اعيش لي حربٍ ماترحم كبار العقول
الها ثمان سنين عيت تستوي و تهدي

لولاي اكافح بـ قال الله وقال الرسول
يمديني اشيل عقلي فوق راحة يدي

انا معي خشية مطوع وقلب مهبول
تومي به الريح في شمس الضحى ويغدي

[مع الأسف .. @_oU7o]

عيد الله عليكم مبارك وتقبل الله طاعاتكم .

[مع الأسف .. @_oU7o]

الله يسامح قسوة قلبي القاسي
قسى على ناس ماتستاهل القسوه

[مع الأسف .. @_oU7o]

اقول احبك ولا ماقول احبك
الشك في قلبك مشرع مية باب

ما خفت تجرحني ولا خفت ربك
يعني انا كذاب؟! خلاص كذاب