سنجـــار ☪︎.

سَمحين .. "مانجهل "الخافي لكن نعدّي .

[سنجـــار ☪︎. @_snjar1]

في عزلتي وابعد عن الناس و اغيب
نفسي على العزله كذا مطمئنه

ترتاح روحي ماهو ذنب ولا عيب
العيب اجامل عالمٍ مستجنه

يا صاحبي مادام ماتعرف الغيب
خل العقول الراقيه مستكنه

[سنجـــار ☪︎. @_snjar1]

حلمت بك.. وعساي ألقاك وأعلمك
عن حلمٍ عادي ما به دموع وأشواق

طيفٍ لـطيفٍ مرّ بالبال يسلّمك
عساه خيرٍ يـبهج الصدر لا ضاق

[سنجـــار ☪︎. @_snjar1]

واللي سهرته . . وشال النوم من جفني
والله غالي . . و دوك العين وحلفها

-

[سنجـــار ☪︎. @_snjar1]

حتى لو إن المواصل يعتبر مستحيل
أحس عادك بـ ترجع بس مدري متى

#جرعةأمل

[سنجـــار ☪︎. @_snjar1]

ياغزالٍ علق الوسـم في قلبي وراح
يحسب إني مثل ناسٍ تضيع حقوقها

ما درى إني صاحي للهجاد وللصبـاح
قاعد بفكري وأعرف الديار وسوقها

"وان بغيت أرميه رمية عداوة كان طاح
بندقي تـرمي المنايـا وانـا ما بوقـها

مير أخاف من المناقيد ياظبي المـراح
الفشـق وام الفشق قافلٍ صندوقهاا"

[سنجـــار ☪︎. @_snjar1]

ضايقٍ صدري وفاقد لي حبيب
واحد قفى ولا ادري ويش سوى

ولا ذبحني غير قبل انه يغيب
غير يوم انه على صدري تلوى

[سنجـــار ☪︎. @_snjar1]

حبيبي والله ما أنهد لي حيل
إلا بعد ما غابت سوالف عيونك

الليل موحش و اللي أوحش من الليل
صبح الجمعه ليا تنفس بدونك

[سنجـــار ☪︎. @_snjar1]

قالو تشوفه .. قلت أنا واحلالاه
اشوف زولـه .. في حياتي دقيـقه

[سنجـــار ☪︎. @_snjar1]

قالو نسيته قلت انا مااقدر انساه
قالو تحبه قلت هذي الحقيقه
.
قالو تزوره قلت انا وين ابلقاه
قالو تحاول قلت كيف الطريقه

[سنجـــار ☪︎. @_snjar1]

إيـه يا اول مـن بنى . . بيتـه على خفاقي
مانت باللي مر في عمري واخذ له لفه

انت حلم لو كسرتـه . . كاني اكسر ساقي
مثل حلم القدس في رام الله وفي الضفه

انهزمت من الفـراق . . وحـزن قلبي راقي
والشجاع ان حب توخذ بندقه من كفه

[سنجـــار ☪︎. @_snjar1]

ضاق صدري من غثى الوقت عقب الاتساع
جعل يسقى يوم عندي على الضيقه مدا

الطواري تدمر الحال بعد الانقطاع
اشهد ان ما عاد لي من طواريك مغدا

[سنجـــار ☪︎. @_snjar1]

الأيام ظلمه والليالي عديمة راي
مشاويرها حرمان ودروبها حرّه

خذت مني أغلى ماتمنيت في دنياي
وخلت لي اللي ما تعوذّت من شرّه

[سنجـــار ☪︎. @_snjar1]

في مثل هذي العيون اللي هدبها كثيف
تسلّم الروح ويموت الشجاع بـ شرف

راحت بـ قلبي مثل ماراح حكم الشريف
مراح غرسٍ جرفه السيل .. يوم انجرف

[سنجـــار ☪︎. @_snjar1]

الشوارع كئيبة والمدينة تحيّر
والقلق منتشر بين البشر والمباني

أختفي ، وأتضايق ، وأحترق ، وأتغيّر
في مكاني وأحسّ إني ماني في مكاني

ليت الأيام ترجع بي يوم إنّي صغيّر
للهوى ، للفيافي ، للصبا ، للأماني

الشغف قلّ والعمر القصيّر.. قصيّر
غير هذا العمر محتاج لي عمر ثاني

[سنجـــار ☪︎. @_snjar1]

«يصبرني على بعض الشعور أنك لازلت بخير
أنا أحوالي ليَا منك غديت بخير، مستوره»

- صالح بن حمد

[سنجـــار ☪︎. @_snjar1]

والله أن الوجه هذا خابره، ماني مشبه
قد تفرّد بالغلا بين الضلوع اللي نزلها

[سنجـــار ☪︎. @_snjar1]

غطو عيون البنت لا تذبح القوم
أنا قتيل وراضيٍٍ بالمصيبه

[سنجـــار ☪︎. @_snjar1]

ردي عيوني في غرامك مساجين
ما كن حوا انجبت لك بدايل

وغير الجمال اليوسفي فيك ثنتــين
ثقلك وعقلك في زمانك قلايل

انتي خذيتي شاعرك ما تعسين
مشاعره داخل ضلوعه تهايل

يابنت والله لو بقلبي تويقين
صحتي وشافن ناعساتك هوايل

[سنجـــار ☪︎. @_snjar1]

وانا بلاي المووووت بين الحجاجين
كن يتنخى به شويش وعدامه

لا جردو حدب السيوف المسانين
بكونٍ عليهم مثل كون الرغامه

تصبح به العقيّل مثل المجانين
ويشيب المولود قبل فطامه

والله لو ما اخاف للحتسي وجهين
لا اقضب ولي الزين واقرص ابهامه

[سنجـــار ☪︎. @_snjar1]

تفرق عن كل البّني المزايين
فرقا النهار عن العتيم وظلامه

الله عطاك من الحلا يا اريش العين
وسامةٍ ما بعدها من وسامه

اخذت من عين المها والشياهين
واخذت من عنق الضبأ لك علامه

واخذت من توصيف الامهار وصفين
واخذت من بطنه عسيفٍ عظامه

[سنجـــار ☪︎. @_snjar1]

ماجيتك العب بالمشاعر واخليك
وماجيت لجل استغفلك واستغلك

كيف أنشغل عنك وأنا منشغل فيك؟
ليت الشعور اللي بقلبي وصل لك

جيت اهدي العمر لفخامه معاليك
واضيع بدروب المحبه وادلك