طويل بال

لأ اجيد المقدمات

[طويل بال @_twi3]

عسى يداعب وجنتك كل ما ضقت
صبحٍ نسانيسه تدفّ الستاير

أخاف من غبة هوَاك إن تعمَّقت
أنا أتجمع فيْك فرد وعشاير

ما نامت عيوني على ذكرك وفِقت
إلا لقيتك بين روح وضماير

اِضحك ويضحك لي على شانك الوقت
وأنسى التعب وأنسى الظمأ والخساير .

[طويل بال @_twi3]

محتاج لي عزله عن الناس واحتاج
جوٍ مافيه امن المخاليق دوعي

بوادر التأثير من جو الازعاج
خرّب على خصايلٍ من اطبوعي

في خاطري عقب التغلاق منهاج
وممشى على مشهاة شفي وطوعي

يامل قلبٍ فيه سجه ودولاج
شطرٍ ماهيب اتمل منه السموعي

ايلامس شعورٍ طواريه درّاج
متمكنٍ في جوف حدب الضلوعي .

[طويل بال @_twi3]

صباح الخير
وعيدكم مباركم
وكل عام وانتم بخير 💐 .

[طويل بال @_twi3]

#الخليج_خط_احمر

تشرق الشمس وتصيب النفوس القناعه
حلم ربي وسيع ورحمته ما تونى

يوم ضاقت على قلب الضعيف الرعاعه
غنّت البدو تخشى القوم هدرة جملنا

قالوا النصر قلنا النصر ماغير ساعه
قالوا الصبر قلنا واهل الصبر حنا

مالنا حيله وشبه الجزيره وداعه
نحتميها مثل مانحتمي سلم أهلنا .

[طويل بال @_twi3]

يمكن تصيب من الوفق ظرف ساعه
تنسيك عثراتٍ مضت مالها عد .

[طويل بال @_twi3]

مساء الخير .

[طويل بال @_twi3]

عشرٍ تحرّاها العيون وتجتهد فيها القلوب
وتعدها نفسٍ ماهي عن ذكر ربي غافله

يارب منك العفو والرحمه وتكفير الذنوب
ليا اجتهدنا فالفريضه واحتسبنا النافله .

[طويل بال @_twi3]

السلام عليكم .

[طويل بال @_twi3]

#Iran #الزلفي
حتى الزلفي ماسلمت منهم .

[طويل بال @_twi3]

إعفني من لمحة الحزن فالوجه الوسيم
وإعفني من لمعة الدمع فالسود الوساع

ولا تخاف أنساك مانساك يالضيف المقيم
أنت كنّزٍ ما يضيّع وسرٍ ما يذاع .

[طويل بال @_twi3]

مساء الخير .

[طويل بال @_twi3]

طاح من عيني ولا عاد يشقيني رضاه
جعل من خان الاجاويد ياقع في نكد .

[طويل بال @_twi3]

اتشافى بك طواري ونزواتي تلوع
مثل ما تشفى البدو بالبروق اللّايحه

رح وضحّك كل رمضى على سنين الركوع
كل قاعٍ وابل خْطاك فيها فارحه

ما تدلّهك الليالي وتجفاك الضلوع
لين ينسى عازم البعد شيٍٍ جارحه .

[طويل بال @_twi3]

الأحلام واقفةٍ على ذمة التحقيق
عسى محقق الاحلام مايخيب احلامي .

[طويل بال @_twi3]

عساك مخلّد ب جنّةٍ تنسّيك الزّمان الشّين
وعسى رحمات ربّي تحف ميامين قَبرك ويسراه .

[طويل بال @_twi3]

مساء الخير ياغالين (؛

[طويل بال @_twi3]

اسرجت للمسراح خيل وحن للمرواح ذود
وعدتني الشيمه وخوف الناس لا يعدونها

اللي تقيدني وانا يابو فهد ما لي قيود
ولا زال تطعني وانا لا زلت اشيل طعونها

اللي مشكل حزبها فيني ولا حزب الليكود
فديتها عسى هل النمات ما يدرونها .

[طويل بال @_twi3]

البارحه مابين ريحانك ونفحات الورود
هبت هبوب الشوق والذكرى تميل غصونها

احييت فيك الطاري المعهود والحبل معقود
وغنيت لك منظومة(ن) طاروقها ولحونها

قصيدة(ن) ياكثر ماجاني عليها من الردود
ويا كثر من غنى لحنها بعد مايقرونها

[طويل بال @_twi3]

ماهيب من طرق الرومنسيه ولا قرق الهنود
أبيات تبقى للزمان ولونها هو لونها

ما ألذ من طعم الغلا ولا أمرّ من طعم الصدود
يالله عسى ربك يعين وجيتك ياعونها

يومن من أيام السنه وليل(ن) تغطيه الرعود
سريت لي في ليلة والناس مايسرونها