سِرحان

الجد جدّي . . . والشيوخ آبآئـي

[سِرحان @a3ajmi3]

@_mad7_ يقول مساعد الرشيدي :
منه السوالف اذا سولف تجي ذربه
يحسبنّي اسمع وأنا في بحّته غـادي .

[بآد | @yyd5m]

ان كان لي حيله صبرت و تحملت
وان قلّت الحيلات حيل الله أقوى .

- عبدالله بن زويبن

[نـوران @Nu__3w]

"اليا حصـل لي منه : فنجـال دلّة
والله ليبلش بي مثل بلشة حنيف."

[دمـخ @__s2t]

ترى الدوام اللي على غير مشهاه
دربه ومسراحه مع الصبح علّه

والله يا لولا شي فالنفس وأدراه
إني فلا أداوم ولا قالها الله

[سِرحان @a3ajmi3]

ساعه ركبنا فوقهنه مقفين
جاني بطرق الثوب ناسً عباته

رد السلام ومدلي كفه الزين
يدس عني ماظهر من صفاته

الوجه كنه والنحر والذراعين
لون الحليب الليا انعزل عن رغاته

- بندر الغنامي

[سِرحان @a3ajmi3]

احسب أن حنا عن الحب طاوين الشراع
و اثرني مانيب تايب ولا أنتي بـ تايبه

#زقاره_بعد_الفطور

[سِرحان @a3ajmi3]

"
يادار حقش علينا مابعد رحنا
ولومش علينا الى رحنا ولا جينا
ً
انروح وانجي ع قضيا مصالحنا
والى بدا اليوم الاقشر ما تغيبنا

[سِرحان @a3ajmi3]

وإن قالوا الكثره تغلب الشجاعه
هاذا المثل خارج قواميس الابطال

الموت ساعه والفتى من ذراعه
وعند اللوازم ينثني كل رجال

محمد الجش

[محمد فهد @Mf_mf111]

ان قامت الحرب ، مارحنا مراح الرياح
لو ان حذف الجنايز مثل حذف الحصا

يستسلم الخايف اللي في يدينه سلاح
لاواجه الصامل اللي في يدينه عصا !

[‏᷂عسر٨٨ @Qhta10ni]

ان حربنا فلا حن نعرف الذله
ناخذ اللي نبيه بوقع أيدينا

وانَ سمحنا سمحنا حقنا كله
جدنا العود للعليا موصينا

[سِرحان @a3ajmi3]

اطرافها بَـ الزعفران مخضـوبه
منها الشيوخ تدق نقشة غترها .

[سِرحان @a3ajmi3]

ماجعل كبدي شوايا وخفاقي وسوم
غير حبي لـ النشاما وحبي لـ البنات

__فلاح القرقاح

[سِرحان @a3ajmi3]

عساه ياخذ من سميّه مواري
لو ان سميّه يتعب اللي يجاريه

[سِرحان @a3ajmi3]

ترا بعدك عن العالم مايبعد بك عن المشروه
تلحق بك المشروه لو انك وسط زنزانه

[سِرحان @a3ajmi3]

اسهر طوال الليل مع ضيققه البال
اشكي على نفسي ونفسي كتومه

[سِرحان @a3ajmi3]

لاباس ياراس ملته التفاكير
وعاف المنام وعاف لين الوسادة

لابد من عقب المصاعب تياسير
والآدمي يصبر وصبره عبادة

نتعب ونقطع بالركادة مشاوير
وسعي الطفاقه غير سعي الركادة

ظروفنا صعبة وتبغى مناعير
معها على سود الليالي جلادة

بكره يبين الصبح ويغرد الطير
وامشي مع العالم واوزع سعادة

[سِرحان @a3ajmi3]

الروح شابت والجسد بـ العشرين
من جور دنياً ذوقتني لهبها

ماعاد يغريني طول العناوين
احلام عمري واقعي قد نهبها

[سِرحان @a3ajmi3]

ثلاث حروف لامن جات في بالي
انسى جميع العرب والدار والديّره

[سِرحان @a3ajmi3]

مانفعني من ضغوطات الحياه الا جوازي
السفر مثل الرفيق الى مراويسه بعييده

[دهَـام @3jm7_]

أليا استوى دربي لو أني لحالي
ماعاد تدري هاجسي وين حده

[ناصر الحمادين @nalhmadeen]

والله ماجتنا بارده يارياجيل
كم ليلة ٍ مرت علينا غثيثه ..!