كحيلان

هاوي ل شعر القلطه والنظم 🌹

[جمال بندر @JamalBander]

القصايد على بنت الاكابر تليق
شيخة المترفات وفاتنة عصرها
.
ان بغت تنقذ اللي في هواها غريق
بصرها وان بغت ما تنقذه بصرها
.
ودي ارتاح واخذي لي زفير و شهيق
وارفع الراية البيضا على نصرها
.
يوسفيّة جمال وهرمزيّة مضيق
مشكلة هرمز انه فيه من خصرها
.
ما تشوفون شبّوا فيه حرب وحريق
مثل ما سووا الخطّاب في قصرها ؟

[صالح النشيرا @saleh_neshaira]

يوم كان الفن .. في مصر .. العزيزه
والجنيه .. يقاوم .. الغزو ( الفرنكي )

شيٍ .. .. نجيزه .. وشيٍ .... مانجيزه
مايوطي .. صوتنا ( تحويل .. بنكي )

كل .. ماجينا .. نقول ( الفن ) ميزه
صاحت السودان مع ( وّد الكرنكي )

[محمد ظافر @ip1616_]

عشان ما الّفت عين واشد انتباه
افهم واسوي نفسي اللي ما فهم

الموت ما تمنع منه .. سترة نجاه
خصوصاً اذا صار في قلبك سهم

( تعال ) ياللي بين هاه وبين هاه
واعلمك معنى الحقيقه والوهم

ترى الحياه الي معك هي الحياه
والا الحياه اللي بدونك ما تهم ):

[جرّاح العتيبي @AL___9999]

الغالي اللي دايم يقول ويطول
ناهي ومتفرّد ومدرك وواعي

ماودي ابعد عنه واصير معزول
والهم والتفكير تغسل شراعي

ان غبت عنه الضحك غيّب على طول
مايصنعه حتى الذكاء الاصطناعي

وان جيت عنده صرت مدري وش اقول
تقـول صايبني رهـاب اجتماعي :)

[عبدالله السراهيد @Alsraheed]

لا على عيني ؛ " غشاوة " ولا وجهي قناع
مقتنع في حجم علمي وفي حجم جهلي

البشر فيهم هوامش ومن سقط المتاع
ما لهم ( تأثير واضح ) .. على مستقبلي

والحياة - ومجريات التلاقي - والوداع
خضت لي فيها تجارب وجيت بْما يلي

يوم فضّلت انعزالي ؛ على كل اجتماع
استرحت وصارت الراحة ألزم ما علي

[عبدالله السراهيد @Alsraheed]

بين لحظات التجلّي ولحظات الشتات
روحي أدنى ؛ ما يتلّ - الشعور - يتلّها

كلّ ما قامت تغنّي طرب .. لـ المقبلات
رجّعتها - كل - « ثورة حزن » مَحلّها

يشتويها الخاطر اللي جروحه مرمسات
والعيون . . اللي ( تدوّر دموع ) تهلّها

صاحبي من باب ماجا على ألسنة الرواة
ماأطيب مْن الحاجة اللي تجي في حلها

الظروف اللي تحدّك من الاربع جهات
حلّها عند الله .. اللي جدير بـ حلها

والهقاوي حملها آثقل من جبال السرات
لا تعلّقها على اللي ماهو بـ كفوٍ لها

مشكلتك إنك تهقوى .. بدون مبررات
ماتحسب حْساب دق العلوم وجلها

ولّا من بد الشجر والغصون اليانعات
شجرة الزقوم من ينسدح في ظلها ؟

والله إنّي يوم أبدّي على الهرج السكات
تندبل كبدي . . بـ كثر الهروج وقلها

مبتعد عن كل زحمة بشر مجلود ذات
بين ( يا ليت الليالي ) .. ويا لعلّها

وسارحٍ مع ذكرياتٍ قديمة وأمنيات
خايف إن كبدي عليها تموت بـ غلها

من تركني حاير البال مهزوز الثبات
لا صمل ؛ يِجهز على روحي ولا بلّها

التشبث فيه مثل التشبث فالحياة
بس أنا حتى . . حياتي بديت آملها

ما بقى من حبه .. ألا بقايا ذكريات
ودي إنه « راح كله » وأخذها كلها

[عناد الشيباني @enadm1]

حنا نميز كلام " الخبل " و المتزن ..!
الهرج واجد وهرج الضيق غير السعه

بعض الحكي مثل ظلع النير لو ينوزن
وبعض الحكي ما ندقق فيه لو نسمعه

ومع احترامي لكل اللي علينا يزن
ما نرخص الانفس ولا نلبس الاقنعه

من الحيا ما تبعنا كل بارق مزن
جعل الحيا ما يزول وجعلنا نتبعه

الروس شابت مهوب القافية والوزن
انفوسنا طايبة .. وجروحنا موجعة

معاد نبغى الحزين اللي يجيب الحزن
نبي لنا واحدٍ يضحك ونضحك معه

[جرّاح العتيبي @AL___9999]

وصوف خلي كلها تقعد الرااس
دايم و توصيفه على الزين يرمز

مضيق خصره لو يشوفونه الناس
سوى مشاكل مثل مضيق هرمز :)

[أحمد الفهيد @alfheedA]

الحمد لله الذي رزق الصديق الغالي بدر الشمري #ابو_حصه، السلامة، وأنجاه بلطفه ورحمته.
اللهم شفاءً عاجلًا تامًا، لا مرض يعقبه، ولا وخزة ألم تقتفيه.

.
.

اللهم هوَّنًَا ولطفًا من عندك، ورحمة واسعة بدخيل القحطاني، ربِّ، يا من يجيب دعوة إذا دعاه، وعدتنا «ادعُوني أستجب لكم»، دعوناك كما أمرتنا، تضرعًا، وطمعًا برحمتك التي وسعت كل شيء، فأرزقنا الإجابة، وأنت أرحم الراحمين، وأنت على كل شيء قدير.

[جرّاح العتيبي @AL___9999]

ياحبيبي خاف ربك و خفّ من العتاب
العمر محدود و الوقت ما ندري عنه

لا تذوقني ياعذب اللما طعم العذاب
برّني بالوصل لو كان ساعه فـ السنه

وان جبرك الوقت ولا تحلويت الغياب
طالبك مطلوب صوتك لا تقطعني منه

صوتك الدافي علاج القلق و الاكتئاب
والصداع المستمر والسهر و الملعنه :)

[سنام @eiirrs]

١- ديّة العواجي 500,000
٢- ديّة الفدعاني 6,300,000
٣- ديّة الجهني 500,000
٤- ديّة الهُذلي 350,000
٥- ديّة العسيري 500,000
٦- ديّة الحربي 1,600.000
٧- ديّة انتصار 3,500,000

ياكثرك وانت واحد .. @shafialsgri ❤️

[ضاري البوقان @dharialbogan]

@majed_almhl منهج بن زويبن :

ان جاتنا الطيبة بالطيب زدناها
الطيبة بالعسل والسمن نمزجها

وان جاتناا الثانية نصبر ونرفاها
يمكن إلى فاق راعيها يعالجها

وان عادها عودة مـاعاد ينـساها
من حربة في صميم الصدر نولجهـا

مسمومة يبلـش الدكتور بدواها
مايقنع الخبل لين أنه يلامـجـهـا...»

[عناد الشيباني @enadm1]

ابيات جديده بجانب
رمز الشعر والادب طول الله في عمره "
-

الربا فالحب مهوب عيب ولا حرام
لا عطيتك حب واحساس رجعها دبل

[جرّاح العتيبي @AL___9999]

ياعيني الي تحبين السهر ناااااامي
ويا قلب لا تعتبر فـ اللي مايعتبرك

كم لك تصدّر من عدود الهواء ضامي
يصير واااقعك حلم وحلمك مفبرك

حمل المحبة ثقيل وجرحها داااامي
من ثقله الرجل يبكي والجمل يبرك

ياخلي اليوم وصلك صاااير الزاااامي
صبري نفذ وانت باقي ما نفذ صبرك؟

من غيبتك غاب حتى واهس الهامي
لا تختبرني عسى وقتك ما يختبرك

يمشي بي العمر وايامي هي ايامي
وروتيني الي على خبرك على خبرك:)

[جرّاح العتيبي @AL___9999]

شعور الحنين اللي يجي كل ليلة عيد
يلخبط شعور الفرحه اللي نصايدها

اللي فاقد ٍ له بنت اكابر وشيخة غيد
و قبل ما يعايد نص ربعه يعايدها

يصوّت ضميري فـ الحشا كنه بن مهيد
على الطلّه اللي فـ اول العيد فاقدها

حلالاه ياذاك المعنّق و ذاك الجيد
اليا علّقت فستانها و نقشت يدها :)

[وهّاج @_3jim]

الخمر ما هو خمر أهل اللهو و الضلال
الخمر في عيونك اللي في هدبها خمول

_ مبارك بن رادعه

[شايع @7idr93]

من عشق له وحدةٍ ماهي بـ حوله
والله ان يبطي وهو عينه شقيّه

- صالح النشيرا

[هلوسه يامي♛ @saking980]

عزم الرجل مايظهر الا عند زرقات السهوم
ولا السعه حتى الهنوف تهوش دون اخوانها

#نجران_الان
#مساء_الخير

[‏᷂عسر٨٨ @Qhta10ni]

الحياه الرغيدة والترف والنعومه
لا تخرّج صبور ولا تخرّج عصامي