ُ

🤳🏻

[ُ @a_4jn]

ماني ضعيف إيمان لكني انسان
تجرحني الكلمة ويقتلني الظن

قصة مشاعر خلفها الف خذلان
عاشت وكبرت مثل مايكبر السن

انا ضحية صمت في ظلم الأزمان
صابر واقول الجاي يارب احسن

ياكثر شرهاتي على ماضي كان
وياكبر هقواتي على أحلام ماجن

[ُ @a_4jn]

لاغبت عنكم وفي ترابي توفيت
استروا عيوبي وادعوا لي بالثبات

تذكروا الصحبه لو اني قد أخطيت
وانسوا خطاي واذكروا حلو الصفات

[❀ @_q2tii]

الله يسامـح خطـاي و يغـفر ذنـوبي
و يشيل باقي غـلاك . . و نعلن التوبه

[ُ @a_4jn]

العافيه ياخليف تسوى ملايين
وتسوى جميع املاك حي العليا

وتسوى المزارع كلهن والبساتين
وتسوى المواتر كلها لو تـهيا

وش فايدة ياخليف كثر الملايين
لاصرت مريض و الشفا ما تهيا

لاصرت متعافي وسالم من الدين
كأنك امير ساكنٍ في العليا .

[ُ @a_4jn]

خل صدرك يالسنافي على الدنيا وسيع
وأعرف إن الضيق فالقبر والدنيا سعه

كلنا مثل الطرقي مع الخط السريع
نمشي مع الخط ما نضمن نعوّد معه .

[ُ @a_4jn]

ما سلمنا من سكاكين القرايب
ولا سلمنا من اقاويل الصداقه

ابشع الصدات صدات الحبايب
واشنع الطعنات طعنات الرفاقه

يا زمان العجب وش بقى مصايب
دام حبل الوصل مقطوع وثاقه

كم هقينا باللي نحسبهم حبايب
وانكسف وجه الجفى عقب العلاقه .

[ُ @a_4jn]

مالي معك حلّ إلا الصمّت والحِيره
تركت درب العتب من كثر مافيني

طبعك تغيّر معي وصعْب تفسيره
تجرح شعوري جفى وتقول تغليني؟

[ُ @a_4jn]

الحال والاقدار والرزق مكتوب
واللي ماجابه الله لا شك خيره .

[ُ @a_4jn]

مروعني الوقت لو ياخذ طموحاتي
وتروعني الناس في صدمة مباديها

بارد ولا شي يلفت انتباهاتي
تمرني اشياء ما تمشي وأمشيها

مسكر أذني ومقلل علاقاتي
تتساقط الناس من عيني وأخليها

[ُ @a_4jn]

ورى الخوي ماني مدور عذاريب
وان شفت عيب في خويي سترته

اسوق لشوفته جزل التراحيب
وان غاب عن عيني بخيرن ذكرته .

[ُ @a_4jn]

الصمت يكفي و يشفي صدر راعيه
لاصار كلّ الحكي ماله معاني

والقلب ماعاد تعنيه المشاريه
والعين ماعاد تغريها الأماني

ياليت حزني مجرد دمع وأبكيه
ماهو عايش معي بين المحاني

ماهو يظهر عليّ وأحاول أخفيه
وتصير نظرات حزني هي لساني

مدري ذكّرني زمان كنت ناسيه
مدري ذكّرت الزمان اللّي نساني.

[ُ @a_4jn]

مايذبحني الا الجحود

[ُ @a_4jn]

تم قيد مخالفة:
تجاوز السرعة المحددة بأكثر من 30 الى 40 كم/س - رصد آلي
رقم المخالفة:
668*****293
التاريخ:
2026-09-02
الوقت:
11:59
ويمكنكم الاعتراض خلال مدة أقصاها (30) يوماً من خلال منصة أبشر.

[ُ @a_4jn]

لا زمن يرجع ولا غالي يدوم
الدايم الله
وكل شمس تاليها غروب .

[ُ @a_4jn]

🤤.

[ُ @a_4jn]

أكلت عمري بالندم و التحاسيف
و خسرت زهرة شبابي ب شبابي

جريح و الدنيا ما جات على الكيف
وسكرت عن بعض المشاريه بابي

العين صدت غصب و الخاطر معيف
عن الظنون اللي تزيد من اكتئابي

لو العتب يبري جروح الملاهيف
ازعجت نجد بكبرها في عتابي .

[ُ @a_4jn]

ماطاح في قلب الغلا غير الاوجاع
وماشالت كفوف الندم غير ضيقه

اثر الغلا لازاد عن حده انباع
مثل الدفى لازاد يصبح حريقه .

[١٤١٦ @10ill1]

"لازم تشع ان قالها اللّٰه أمانيك
مهما غفت في ليل الأقدار شمسك

لا يشغلك عن فرحة الجاي ماضيك
ولا يسرقك من واقعك صوت هجسك

ولا تيأس ان يبست منابت مساعيك
بكره يسيل الغيم ويطول غرسك

رضاك عنك عن رضاهم يكفيك
ويغنيك عن حب البشر حب نفسك"