عبدالرحمن الشمري ☪︎

وانا ترى شاعر جزاله وأطرق الوزن الثقيل
بين الهجيني والحداء أضرب على أوتارها

شاعر.

[عبدالرحمن الشمري ☪︎ @a_555_o]

كنّه على صدري هوى ضلع حايل
يوم الموادع شين ومْقابله شين

-عبدالرحمن الشمري

#بوح #قصايد

[عبدالرحمن الشمري ☪︎ @a_555_o]

بأمر سلمان كل الشعب له يتبعون
مع ولي عهده محمد شبيه الإمام

أبشري يا ديار العز والجيش عون
نحمي ترابك مْن اللي نوى بالصدام

من شمال الوطن جوك القروم يعدون
لابتي فالحرايب ما تعرْف السلام

ودون نجران ضلعٍ للحِمى ياقفون
من نوى حْدودنا نجعلْه تحت الركام

لو هل الحقد في حِلْف الغوى يزحفون
السعودي بوجه الشرّ سل الحسام

دون حدنا نصد اللي بغدره يخون
نردع الحوثي بسيفٍ يقص العظام

يا ربيب المجوس اللي غدا بك جنون
دونك الموت الأحمر حطّكم في عدام

ويا ذليل اليمن خابَتْ مساعي الظنون
شيعة الفرس مالك في ذرانا مقام

دام عز السعودية وشعبٍ يصون
دارنا د��نها جندٍ تقود الزمام

-عبدالرحمن الشمري
#قصيد
#السعوديه_العظمى_خط_احمر
#شكرا_أبطال_الدفاع_الجوي

[عبدالرحمن الشمري ☪︎ @a_555_o]

@Bn_Shalan911 يابعد حيي هالوجه قطرة من بحرك يالشيخ

[عبدالرحمن الشمري ☪︎ @a_555_o]

يا الحوثي الخايب غسل وجهك العار
صِرْتُوا لأجل طهران عبْدان وجْنُود

إيران تدفع بك على واهج النار
وساقتْك للحفرة كما سوقة الذود

يَا ويل من هو ناويٍ ينطح الدار
يلقى رجالٍ تروي الحد بارود

جيش السعودي للمعادين بَتَّار
يِدِكّ جَمْع اللي نِـوَى خرق الحْدُود

دون الوطن ناقف مثل ضلع سنجار
ونبيد خوّان العهد وأهل الجْحود

مَا ننحني للغدر لو صار ما صار
نحمي عرين الدار عن كلّ نمرود

-عبدالرحمن الشمري
#السعودية_دونها_ارواحنا
#السعوديه_خط_أحمر
#السعودية_العظمى

[عبدالرحمن الشمري ☪︎ @a_555_o]

@zero0o0__ صح بدنك

[عبدالرحمن الشمري ☪︎ @a_555_o]

واقفى ربيع العمر في ليل الاوهام
والروح عقب الترف صارت وجيعه

غابت وباقي طيفها وسط الاحلام
من دونها صكت علي الوسيعه

هدمت صرح الود في بضع الايام
وصارت ملامح دنيتي لك فضيعه

صرنا مثل قصة حزينة بالافلام
وبانت نهايتنا وضاعت صنيعه

-عبدالرحمن الشمري
#شعر

[عبدالرحمن الشمري ☪︎ @a_555_o]

بدع ناصر العنزي

ورد عبدالرحمن الشمري

#قصيدة

[عبدالرحمن الشمري ☪︎ @a_555_o]

عسى الله يبيحك بالمعاذير يوم آجيك
أنا عاذرٍ ظرفك وأنا مقدّر غيابك

يا كيف أقْدر آلومك وصدق المودة فيك
وأنا أسمع صدى صوتك وينساق لأعتابك

تأكد ورب البيت مانيب أنا ناسيك
ولا غبت عن بالي ولا خاطري عابك

خذاني حنيني للمكان وبقيت أرجيك
على جمرة أشواقي وأنا حاسب حسابك

أشم العطور اللي بقت في ثرى ماضيك
وأهيم بخيالٍ لا ذكرته تمثْنى بك

تعال وبتلقاني على العهد يوم أغليك
تراني فدا عمرك وأنا أموت بْترابك!

ما والله أبلقى بالخلايق حد يساويك؟
وقلبي يهيم بوادي الحب بأسبابك!

يموت الوله في جوف صدري وهو يطريك
وتجف الدموع اللي جرت يوم فركابك

-عبدالرحمن الشمري
#قصيدة #شعر
#viral

[عبدالرحمن الشمري ☪︎ @a_555_o]

جيتك وأنا عمري ثلاثة وعشرين
أحمل طموحات العمر في يديني

جيتك غلا ما هو بحاجة براهين
يا ضحكة أيامي وبهجة سنيني

ما جيت أدور في غرامك عناوين
جيتك وأنا كلي أمل تحتويني

يا ولف قلبي يا ملاذ المحبين
قربك هو اللي يرتضي به حنيني
-عبدالرحمن الشمري
#قصيدة #شعر

[عبدالرحمن الشمري ☪︎ @a_555_o]

عُودي على قلبٍ كما ممحل القاع
في سيل دِيْمٍ شُوق نفسي كتمها

مع كل قطرة ينبري جرح الأوجاع
وتطري عيونٍ خاطري ما رِحمها

الجو غيّم والمشاعر لها فزاع
والروح طاري الشوق يمّك جزمها

صوت المطر يحيي غرامٍ وْقَد ضاع
في ديرةٍ عِفنا البِشاير عدمها

يا منوة الخفّاق والناس هجّاع
نفسي وراك وحفظ عهدك لزمها

سيل المطر يِجري وهالقلب ملتاع
يبكي وعيني طِيفْ زولك رسمها

تقفي بك الأيام والدمع ذرّاع
ونفسي تبي شوف الذي قد حكمها

-عبدالرحمن الشمري
#شعر_شعبي #قصيدة
#شعر

[عبدالرحمن الشمري ☪︎ @a_555_o]

@nj3555 نص جميل جداً جداً يامبدع الله درك ما خليت لنا شيء ياحزام
صح الله لسانك

[عبدالرحمن الشمري ☪︎ @a_555_o]

@hur2n صح الله السانك شاعرنا الكبير 👏🏻

[عبدالرحمن الشمري ☪︎ @a_555_o]

راية وطنّا فوق ميراد الأنو��ر
أطهر ثرى تِفداه هامات ورجال

من ليلة التأسيس والمجد له كار
متوشّحين السيف في كل الأجيال

سلام يا دار الشهامة والأحرار
تبقي ملاذ الجود مع كل الأبطال

سعودي المنبت وللعز مقدار
ابوي وجدودي لهم فخر ما زال

حـنّا هل الأمجاد ونقوله جهار
وحـنّا هل العروبة بكل الأحوال

حكامنا إخوان نورة هل الدار
أهل العدالة والفخر يـوم الأفعال

سلمان يزهى بالمهابة والإكبار
ملك عظيم وشامخٍ مثل الأجبال

ومحمد الرؤية له القلب مختار
قاد الوطن للقمة بعزم خيّال

حنّا لدار العز حصنٍ وأسوار
شعب المهابة بالملاحم لها جال

نفخر بيومٍ فيه نشعل لنا نار
يوم الوطن نفديه بالحال والم��ل

ودون العقيدة نجعل الدم مدرار
لا ثارت الهيجا على طحن وقتال

يا الله تمد بعمر سلمان الأخيار
خادم بيوت الله ومضرب للأمثال

عاش المليك وعاشت اديار الأبرار
و��بقى السعودية لنا خير منزال

-عبدالرحمن الشمري
#اليوم_الوطني_السعودي_٩٦
#السعوديه_العظمى
#اليوم_الوطني_السعودي_نحو_القمة_96
#شعر

[عبدالرحمن الشمري ☪︎ @a_555_o]

وشلون ما أحط لرجول أمي مقام
وهي العظيمه بالبشر بعد الرسول

يا كيف ما أقبّل قدمها بـ اهتمام
وهي الملاذ وجنةٍ عرضٍ وطول

أمي غلاها لحالها بين الأنام
لا شفتها شفت الحياة لْها قبول

-عبدالرحمن الشمري
#امي_الغالية
#شعر #قصيدة

[عبدالرحمن الشمري ☪︎ @a_555_o]

@5lnttw صح بدنك يابعد حيي

[عبدالرحمن الشمري ☪︎ @a_555_o]

نايف ليا منه نوى الصيد يختال
يهوي كما نجمٍ من الليل إذا بان

حرٍ كما الموت الحمر لا نوى نال
مخلابه الصارم كما السيف شامان

لا هد خلا في المعاليق الأوجال
يفري جيوب الريش فريٍ ببرهان

عينه تشق البعد في كل الأحوال
والضربة اللي من كفوفه لها شان

يا طير شوقي رف بجناحك وشال
حرٍ تنومس بالهدد طول الازمان

نادر وصوفك ما تثمّن بالأموال
تدمي مخاليبك قلوبٍ وجنحان

ما يقتنيك إلاّ الصناديد الأبطال
يوم اسمك مشيخة شيوخٍ وفرسان

-عبدالرحمن الشمري
#شعر #��صيدة

[عبدالرحمن الشمري ☪︎ @a_555_o]

يسري بدم ا��آدمي سري زلزال
ويقود في حبل المنيّة زمامه

رمحه عطيب ويرثي لحال الأبطال
كم شيخ قومٍ طاح يطلب سلامه

من صابه المجمول في رمش قتّال
يسهر طوال الليل يبكي علامه

عزّاه للي جرحه اليوم ما زال
كـنّ المعالق صالياتٍ خيامه

يطرد سراب الود والدمع همّال
والقلب غادٍ في عماه وظلامه

هذا الهوى لو زان في عيونه آمال
تـالـي سـلـومـه للعواشيق شامه

-عبدالرحمن الشمري
#قصيدة_جديدة
#شعر

[عبدالرحمن الشمري ☪︎ @a_555_o]

مسباحي اللي من حلاتك تباهيت
يا جوهرٍ يزهى بنور الص��احي

كل ما لمستك بالأنامل تسلّيت
تطرد همومٍ بالضماير تشاحي

خَرَزْك صافي يبهج النفس لا جيت
مثل البروق بْنايفات الوشاحي

أنت الخوي اللي بْقدره تعلّيت
يا هيبةٍ تعطي الوقار الصلاحي

-عبدالرحمن الشمري
#قصيدة #شعر

[عبدالرحمن الشمري ☪︎ @a_555_o]

@nj3555 صح الله السانك يالجزل ابدع ابدع مليون

[عبدالرحمن الشمري ☪︎ @a_555_o]

@nj3555 انا سعدك وشاعرك وابنك البار
ومعرب الجدين واسمي على جد

صح السانك يامبدع

[عبدالرحمن الشمري ☪︎ @a_555_o]

@ff__3o صح بدنك يابعدي

[عبدالرحمن الشمري ☪︎ @a_555_o]

(أقسم بربٍّ صاغها)

وش ذا الدلال اللي غدا في مشيها جرحٍ وكيد
تمشي وتنهزّ المشاعر من نعومة خصرها

عودٍ ليا مالت به النسمة تخايلها العبيد
كنها من آيات الجمال منزّله في عصرها

وخشيم ريمٍ فوق مبسمها ووصفه ما يحيد
كنّه سيوفٍ تجبر الفرسان تخضع لأمرها

وفمٍ على طيف القمر لا من نطق سحره يزيد
فيه الحلا سكر ماقد ذقته سوى من ثغرها

ورمشٍ ليا طالع عيوني قام يومي بالوعيد
موجّه سْهوم الهوى صوبي ولا آمن غدرها

وجديلها لا هبّته ريح الشمالي من بعيد
سواد ليلٍ ينكتب فيه الشِعر من شَعرها

ووجهٍ جميلٍ زادها زينٍ على الزين الفريد
كن الجمال اختارها في ليلةٍ هي بدرها

وجيدٍ رفيعٍ زانه الرحمن بالحسن الأكيد
يلفت عيوني واكسر قيود السكوت بنحرها

هي ماخذه كل الدلال وكل زينٍ له رصيد
وش عاد خلّت للبساتين الخضر من زهرها

وردة ولا هي تنقطف لو مرّها ظرفٍ شديد
تزهى على طول العمر في شكلها وبعطرها

أقسم بربٍّ صاغها ما قد خلق منها عبيد
يا ليتها تدري بقلبي وش كثر حب أثرها.

-عبدالرحمن الشمري

#شعر_قصايد #قصيدة