سبحان الله وبحمده🌹

[مبارك حمود @mbark_63]

اتماسك بالصبر ويضيع من يدّيني
كني حاكم وخذت بلاده وضاعوا شعبه

بحلف لك حتى لو انك ما حلفتيني
الحياه ف بعدك تخوف ورب الكعبه

[مبارك حمود @mbark_63]

عزالله اني قنعت من الهوى واكتفيت
بس انت فيك الجمال اللي يثير الفضول

لو ماعطتني الليالي غايتي .. ما شكيت
يكفي عطتني الليالي في عيونك قبول

[مبارك حمود @mbark_63]

جناح الغلا يكفخ من الشوق مابه ريش
سحاب الوصل يغريه .. برقه و رعّاده

حديث النديم احيان يجتاحه التشويش
حروفه تقوم .. و تنكسر داخل امهاده

برغم التعب جيتك و انا سيّد التطنيش
كأني < غريبٍ > خطوته .. ترثي ابلاده

يا ريم الفلا مدري علامي ولا ادري ليش
اصادم ( هوى نفسي ) قبل يبلغ مراده

انا ادفع ثمن هذي العلاقات لجل أعيش
تماديت في صمتي و صار الألم عاده

على كثر ما دست الخفوق ف ليال الطيش
تعلّقت فيك .. و شفتك لْـ جرحي ضماده

عطيتك حكم قلبً مهو يعشقك بشويش
يحبّك .. محبّة شايبٍ لاوّل احفاده

انا اول عشانك كنت اصارع كتايب جيش
و هالحين .. اقاوم ظلمة الليل و سهاده

عقب جرحك التالي لو افارقك حتيش
انا قبلك مْفارِق طموح اغلب السّاده

مثل منت فارِق في خفوقي ولّا لك قيش
بتبقى بـ عيني فارِق و ( فارَق اشداده )

مضى ما مضى و الحر ما يقبل التهميش
مهو مثل ابن زيدون .. بـ فراق ولّاده

إذا ( ودّع الصَبرَ مُحِبٍ ) معاك يْعيش
يموت الكلام .. اللي بدى يوم ميلاده

[مبارك حمود @mbark_63]

أتوه بـ رحلة ايامي و لا مِن تهت كيف ادل ؟
أشوف العمر شمسه لـ البعاد تلوح مكسوفه

[مبارك حمود @mbark_63]

صار الغريب إن مرّني يقراك ما بين السطور
لكن غريب .. انك قريب و حالتك متقلبه !

[مبارك حمود @mbark_63]

يا كويت يا عزنا من كانت بيوتك من الطين
أسمك يكفّي ليا قالوه ... ما ينقال غيره

ناديتي السبت و عيالك على صوتك ملبين
لانهم يشوفونك انتي الذخر .. صاروا لك ذخيره

في ظلّ من بشته يذرّي له شعوب وبلادين
في كوكب الارض ماهو بس في شبه الجزيره

الشيخ مشعل عسى الله يحفظه لـ دار و الدين
ويدومه لـ شعبه .. ( الحر الأبيّ ) و يدوم خيره

و ولّي عهده صباح الخالد اللي للمعادين
ليلٍ ظلامه يخطف ابصارهم في كل ديره

دار السلاطين وتزبّن من الوقت السلاطين
يشهد لوقفاتها التاريخ .. والخيل المغيره

[سبحان الله وبحمده🌹 @a_7iiei]

استقبلوا أقداركم بنفس راضية ..
وتذكروا دائما (والله يعلم وأنتم لاتعلمون )

[مبارك حمود @mbark_63]

دورات الايام فينا ماعليها ضمان
مرات نمدح بها واحياناً نذمّها

فـ ان شفتني رحت مع بقعا ودار الزمان
ماني ولد خالها ولا ولد عمّها

مثلي مثل غالي من الناس قدر ومكان
ادخل مع كمّها واطلع مع كمّها

عادي لو اني اذوق الضيم والامتهان
واذوق من مرها واذوق من سمّها

يالله ياللي إليك الذل قبل الهوان
أتفّرج لْـ نفس عبدٍ راحت بهمّها

وتغفر لي ذنوب نفسي يوم حان الاوان
واشرب من افضال خيرك ربي أجمّها

[معكاز | شعر @M3kkaz]

كثر التشّره والعتب يوجع الراس
من زان لك زن له ومن شان خله .

[متداول اليوم @Darwishiat]

الشيء الوحيد الثابت بأيامي هو أن لُطف الله
دائمًا يحاوطني .. وهذا كافي جدًا.

[سبحان الله وبحمده🌹 @a_7iiei]

الكامل الله والخطا طبع الانسان
والدرب يفرق عن يساره ويمينه

و الصاحب اللي له معزه وله شان
ان جاني بشينه تذكرت زينه

[سبحان الله وبحمده🌹 @a_7iiei]

@millions_poet الله يوفقك يابوحامد شاعر جزل ومبدع وفالك البيرق👏🏻👏🏻

[سبحان الله وبحمده🌹 @a_7iiei]

@Q8Abrike كفو يابو سعد 👏🏻

[سبحان الله وبحمده🌹 @a_7iiei]

#فلاح_بن_جامع
#بدر_الدهوم #العوازم

.

وقفاتنا ترهب .. عقول الحاقدين
وافعولنا وقت الزحام ادهى و امر
ٰ
ولا جات للنخوه .. وعون المستعين
حنا مقر الطيب " ما حنا ممر "

#فلاح_بن_جامع

[سبحان الله وبحمده🌹 @a_7iiei]

قال تعالى:

يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلَا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ .( المائدة)

[سبحان الله وبحمده🌹 @a_7iiei]

حدود الرفاقه دونها حال ملح و عيش
تهون النفوس إلها لكن ترفض الذله
.
نعيش نتجاهل و نتجاهل عشان نعيش
تعبنا و حنا نغفر .... و ندمح الزله
.
#المبدع_علي_حامد

[سبحان الله وبحمده🌹 @a_7iiei]

علينا من الدنيا ، ضغوطٍ تهدّ الحيل
فلا تحسب إن الله خلقنا على شانك #المبدع_علي_حامد