ᴀʙᴅᴀʟᴀᴢɪᴢ

نويتك سر لكن عيوني بالهوى سولفت بك

[ᴀʙᴅᴀʟᴀᴢɪᴢ @a__z81]

تعال ما دام الهوى الغربي .. يلاحيه الجريد
معك يطير الطير ويعوّد على الغصن الندي
>
اللي عليّ حلو الكلام ودمعتين .. وضمّة ايد
واللي عليك تحول ما بيني وما بين اسهدي
>
ٰوإن شفتني دايم حزين وشفتني لحظه سعيد
ترى السعاده والحزن في يدك ماهي في يدي

[ᴀʙᴅᴀʟᴀᴢɪᴢ @a__z81]

على كثر ما أشوف إن يدينك تشح دواي
أجيك الحزين اللى من الهجر مستدرك
>
مع إن الزمان في كل ليله يجيب أقصاي
لكني ما اعرف أهين قدري ولا قدرك
>
لو تغيب يكفي شوف طيفك على يمناي
ترى لك بصدري شيٍ ما هوب في صدرك

[ᴀʙᴅᴀʟᴀᴢɪᴢ @a__z81]

@alajm3ii ي سلام

[ᴀʙᴅᴀʟᴀᴢɪᴢ @a__z81]

جرديني من حنيني والمعاناة العميقة
واجمعيني في سكون الليل وأطراف الرسايل

كيف أعدي كل ذكرى تردف الضيقة بـ ضيقة
كيف اعاتب كل دمعٍ قامت عزومه تمايل

صوتك اللي صرت أخافه كيف أنامه واستفيقة
كيف أبادلك التجافي والجفا ماله بدايل

شاعرك ناحت شجونه .. في معاليق الخليقة
ليه رمشك لا هداه الله ولا رد الجمايل

[ᴀʙᴅᴀʟᴀᴢɪᴢ @a__z81]

رهين الخوف قبل أعرف طريقك واتجاهي وين
وبعد ما عانقت روحي سماك انساب واديها
>
متاهات الحقيقة دربها .. بين القسى واللين
أعرْف الليلة اللي تمتحنّي .. من مواريها
>
معك عشت الشعور اللي يقرّب دعوتي لـ آمين
من أوّل رفعة كفوف الدعاء لين أبتهل فيها

[ᴀʙᴅᴀʟᴀᴢɪᴢ @a__z81]

@alajm3ii ي سلام

[ᴀʙᴅᴀʟᴀᴢɪᴢ @a__z81]

@alajm3ii الله

[ᴀʙᴅᴀʟᴀᴢɪᴢ @a__z81]

تراجعنا وجزنا عن خطانا والوله ما تاب
توديه المشاغل والنسيم العذب ياتي به
،
يانسناس الهوى شاب الغراب وملّوا الكتاب
تلذذ بك عباد الله وأنا القى فيك تغريبه
،
أنا جرحٍ قديم عالجه كف الزمان وطاب
عقب ماغابوا اللي رسموه وطالت الغيبه

[ᴀʙᴅᴀʟᴀᴢɪᴢ @a__z81]

وشلون أخاف الغرق لا صار في بحرك
في بحرك أنت الغريق أسعد من الناجي

كنت أحسب إني مرامك فـ الهوى وأثرك
ماني سوى من ضحايا طرفك الساجي

[ᴀʙᴅᴀʟᴀᴢɪᴢ @a__z81]

الليل تاليه . . يفتح للحزن كل باب
تشوف فيه المشاعر .. لاعبه دورها
>
على القلوب المصّده ما يفيد العتاب
كنك تسولف على الأموات فـ قبورها

[ᴀʙᴅᴀʟᴀᴢɪᴢ @a__z81]

سمعنا كلمة الدنيا فسيحه والدروب وساع
وصبرنا لين صارت في محاجرنا .. مغز ابره

[ᴀʙᴅᴀʟᴀᴢɪᴢ @a__z81]

@alajm3ii دايم يجي بأوقات غلط

[ᴀʙᴅᴀʟᴀᴢɪᴢ @a__z81]

كل ما طال السكوت بسور صدري طال باسي
كني اللي راضي التعذيب .. من قو المضرّه

والله اني ما تحلويت الجفا .. لو كنت قاسي
ميير قلبي من كثر حبه عجز منك .. يتشرّه

[ᴀʙᴅᴀʟᴀᴢɪᴢ @a__z81]

الفؤاد اللي معلّق صورتك .. في ذاته
الظروف القاسيه والبعد .. ماتمسحها
،،
أنت لو تجرح خفوق الصدر من مثناته
فدوتك كل الضلوع العوج لو تجرحها

[ᴀʙᴅᴀʟᴀᴢɪᴢ @a__z81]

تضيق بوجهي الدنيا وألاقي في رحابك باب
وأحسك مثل شيٍ كان ينقصني .. وكمّلته

[ᴀʙᴅᴀʟᴀᴢɪᴢ @a__z81]

على مفرق بدايات الجروح ودمعة المقهور
عرفت إن الزمـن لا شان وجهه ماتت آمالي

[ᴀʙᴅᴀʟᴀᴢɪᴢ @a__z81]

وان هزتك من سود الأيام ليلة
اذكر بياض قلوبنا .. يوم قفّت

[ᴀʙᴅᴀʟᴀᴢɪᴢ @a__z81]

@x_ll_ii ي سلام👍🏻

[ᴀʙᴅᴀʟᴀᴢɪᴢ @a__z81]

لا طارت طيور الهوى والجو غطّاه السحاب
ما كل قلبٍ يقبل أعذارك عقب ما تجرحه

[ᴀʙᴅᴀʟᴀᴢɪᴢ @a__z81]

على قيد انتظاري جالس وباب الوصل مردود
أكابر والمواصل أدري إن ماهو على مرادي
>
صنعت لبابي أضعف قفل ماتبذل له المجهود
على شان الحضور الي يسبب لحظة إسعادي