MBS

[عسّاس القصيد @3sa__s]

وانا لا سمحت أقفيت واللي وراي أجفاه
اخليه في فاله وانا اروح في فالي

ما كني عرفت اسمه ولا عشت وياه
هذا طبعي الاول وذا طبعي التالي .

-عبد الله بن شايق

[ᴰᴬᴴᴱᴹ @3bhtt]

حزين اي والله ان قلبي حزين وخاطري مكسور
لو اضحك واتظاهر بالسعاده يابحر جده

وانا يابحر يوم اصد واخفي دمعتي معذور
لك اللّٰه يابحر صديت والصده هي الصده

اخاف تقول عني يا بحر ضيدان بن منصور
وقف في يوم من الايام ودموعه على خده

وانا مانيب حي اللّٰه بشر يكشف لك المستور
انا رجل يموت ولادرت الامواج عن سده

ولا اقف ماقف ماهوب قدي لاطغى المغرور
انا قد الكلام وماقفي قدي وانا قده .
#ضيدان_بن_قضعان :

[juju @jujuoutloud]

@ZAaufKROp41cFnw @HdhShg53783 وقفنا عند بابك مالنا مطلوب غير رضاك
معاصينا كبار وعفوك اكبر من معاصينا.

[معكاز شعر @M3kkaz]

الظروف تفر راسي وانا بالي طويل
ما ذبلت عزوم نفسي ولا ذليتها

الليالي ما عطتني سوى الشي القليل
بس روحي من قليل العطا أغنيتها .

[مشعل .. @sa5r1]

انشدوني عن مراقيب الجبالي
وعن زمانٍ راح في خيره وشره

وانشدوني عن دموعه فالليالي
وانشدوني لا بكى لي كيف ابره

وانشدوني عن زعلنا بالتوالي
وانشدوني عن رضانا كل مره

وانشدوني عن هباله مع هبالي
لا ذوى جمر الهوى والشوق كره

من يودك لو تكون ف برج عالي
والله ان يتبعْك في خطوه وجره

[جزيـل .. @jzeel__]

انشدوني عن نجوم الليل وأعطيكم عددها
وانشدوني عن لذيذ النوم واقول اسمحولي "

[قروب اشعار @aShi3ar]

من كثر ما اضحك مع العالم واجاملها
حتى الطقوع المصيّف صار ينصحني .

[قروب شعر @Group_she3er]

خذينا من الايام خبره و طولت بال
و عرفنا من الطيّب مع الوقت و الخيّب
َ
خويي هو اللي فالشدايد ذرى و ضلال
راعي تم و أبشر يا رفيقي و انا قريّب

[قروب اشعار @aShi3ar]

العز في خوة رجالن مطاليق
أهل الكرم وأهل السلوم القديمة

وأنا خويي وقفته كنها طويق
شامخ وله هامة وقامة وقيمة .

[محسن المخيال @MKajme]

لاصرت ياصاحبي فالقلب متواجد
عن المديح الكثير السامج , اعذرني

الصاحب اللي احبه ما امدحه واجد
اخاف لا اكبّره ,, لين ايتصاغرني :))

[عسّاس القصيد @3sa__s]

" وش عاد باقي يا محطات الحنين
تعبت اضيّع في محطاتك عـمـر

صارت قناعاتي .. تمثل كلمتـين
ما الله كتب مالله قسم ما الله ومر "

-سعيد الدحابيب

[عسّاس القصيد @3sa__s]

سود الليالي علمتني حاجتين
أن الحياة دروس .. والعيشة كفاح

إن حاربوني بالنجاح الساقطين؟
أقول حرب الساقطين أكبر نجاح"

-محمد الشمالي

[قروب اشعار @aShi3ar]

يقطعك يا اللي من عناله ما لقاه
منافعه ,, على حسب .. نفسيّته .

[قروب اشعار @aShi3ar]

من تجربة عمري عرفت وتعلمت
ان الردي مـهما نفعته يضـــرك .

لـ ثامر شبيب

[عسّاس القصيد @3sa__s]

وش تبي بالكلمه الناقصه يابن الحلال
ومنطقٍ يشره عليه الغبي قبل الذكي

ماينزل قيمة الرجل ف عيون الرجال
غير طرّاد العذارى وطرّاد الحكي

-محسن بن مترك

[فهاد بن فهد بن جخدب @f_jkdb]

ياما على شانك الفكسار عنيته

ابو ثمان سرندل الابيض الغالي

من شانكم يالغضي ماعاد حنيته

ماهمني كود شوفة غالي ل غالي

[فهد منصور @F_m_aldrawish]

رفيقي عسى تعذر رفيقك على ما صار
ترى والله أني دونك مشمرٍ كمي

لو إن الدعاوي ( مال ) حرّج على الفكسار
أنا مرخصٍ لك حالي و مالي و دمي

لكنك تبي حاجة من ضعيّفٍ بوار
يا ليت الختم عند أبلجٍ من بني عمي

[ℕ𝕒𝕚𝕗 @pc_nfc]

مقوّس الصدام وجنوطه كروم
فكسار منوة كل راعي لزومي

ليا مشى بالخط والخط مزحوم
يروج مثل السيل بين العقومي …

[بيرق @jaid_maid]

ماعاد نقدر نشري الفكسار
قولوا لتويوتا لاتوردها

حنا غدينا طعم للتجار
يومن بعد يومن تزودها

#بيرق_جعيد

[جزلآء 🇸🇦⚔️ @_Rwii1]

ان طعتني دور على اللي فيها
ملامح البي ام والفكسار

اللي من المنكب لين المنكب
وادي لكن وادي بدون اشجار

وعلى الخصر دقق وياماشاءالله
كن خصرها بداية الاعصار

واذا تعديت الخصر وش باقي
يا تصادم الكبري او الدوار

وليا نزلت شوي ودك تصرخ
هيا - بنا نقاتل الكفار