انت حلمي و انت الاول فـ الحياه و راس مالي
و انت ذيك اللحظه اللي ضاع عمري يحتريها
يكثرون الناس من حولي و لكن في خيالي ؟
منتظر لي ساعةٍ … بـ المال و الحال افتديها
- ناصر بن مفلح وانا
اوف لو الوقت يرجع بي على سنين الطفوله
يوم كان الحلم .. يرتع فـ الملاهي و البقاله
كنت لا فزيت لي في شي اخذته بـ السهوله
و بـ السهوله كل شي اخذته الدنيا .. ختاله
نقض ليل الشتاء قافٍ من .. لحون البطا مفتول
وصحى جرحي على صوت الرقيبه يوم مشذوبه
على صدك ملامة خافقي .. يا فكري المشغول
لو ان عذرك سمين و كلمتك عذبه و محسوبه
يمّر الليل .. و يطل النهار .. بـ وجهه المخذول
وانا اللي كن عيونه عن شعاع الشمس محجوبه
اغامر .. و اتمنى .. و " الاماني سيفها مسلول "
واداري دمعةٍ من ضحكة محياي منهوبه ..
ياملهوف الحشا مدري مِن القاتل مَن المقتول
ما دام ان وصلك عقوبة مثل ما هجرك عقوبة
حبيبي والله اني .. بين ضيق .. وبين قِل حلول
سوات اللي كلاه الهمّ من .. " راسه لـ عرقوبة "
عزاي ان ما بقى لي غير صوتك فـ الضمير يجول
وآكابر ، و اجحد جروحي معه ، و امجد عيوبه
وكثر ما كنت اماري في عيونك واشقر المجدول
اوصيّ، كل عاشق لا يبكي عين .. محبوبه ):
يقولون الليالي تطوي الماضي طوي واقول ؟
انا للحين اضيع ان ذعذع النسناس من صوبه
تدور أوهام .. وصله كل ليلة .. لين دار الحول
ونار الشوق كنها من ضلوع الصدر محطوبة
فراغات السطور اللي تهيّب عقلي المذهول
تجرّي كل كلمة من شعور الصدق مسلوبه
عسى عامٍ تجلى به ثغرك وهرجك المعسول
فدا ليلٍ بعده تدور .. الغفران و التوبة
انا من علق فـ صدرك قصيده " وزنها من لول "
( كتبها ) والزمان يقول له .. ( ماهيب مكتوبة )
ودّي اسري لين تفخت عيني انوار المدينه
يمكن القى في بساتين الخلا زهرة شبابي
فاقدٍ زولٍ تقول الشمس تشرق من جبينه
جيته بعذرٍ عساه يفيد ويبرّر غيابي
مرحبا يا اغلا من الشعر بعيون مدوّنينه
سولفي ماهيب والله حزّة الصمت العقابي
والقصيد اللي يبيّن حبك وتستاهلينه
ليه اخشه والكفن قد قالوا ان ماله مخابي
قصيدتي في مرحلة الـ 48 من #شاعر_المليون_12
في أمّي التي تعلمت القراءة والكتابة بعد الستين عام
يستجدي الحبر حنّاها زمن .. بين الجبل والفياح
من ضفرة اول جديلة لين ما جاها بـ ستينها
مع ربكة الحرف الأول يوم بعروق أبيض الطرس ساح
تلاشـت أميّة أمي وانجلى قيدٍ عن يْمـيـنـها !