عمر الوهيطي

شاعر.

[عمر الوهيطي @whe6i_]

نقض ليل الشتاء قافٍ من .. لحون البطا مفتول
وصحى جرحي على صوت الرقيبه يوم مشذوبه

على صدك ملامة خافقي .. يا فكري المشغول
لو ان عذرك سمين و كلمتك عذبه و محسوبه

يمّر الليل .. و يطل النهار .. بـ وجهه المخذول
وانا اللي كن عيونه عن شعاع الشمس محجوبه

اغامر .. و اتمنى .. و " الاماني سيفها مسلول "
واداري دمعةٍ من ضحكة محياي منهوبه ..

ياملهوف الحشا مدري مِن القاتل مَن المقتول
ما دام ان وصلك عقوبة مثل ما هجرك عقوبة

حبيبي والله اني .. بين ضيق .. وبين قِل حلول
سوات اللي كلاه الهمّ من .. " راسه لـ عرقوبة "

عزاي ان ما بقى لي غير صوتك فـ الضمير يجول
وآكابر ، و اجحد جروحي معه ، و امجد عيوبه

وكثر ما كنت اماري في عيونك واشقر المجدول
اوصيّ، كل عاشق لا يبكي عين .. محبوبه ):

يقولون الليالي تطوي الماضي طوي واقول ؟
انا للحين اضيع ان ذعذع النسناس من صوبه

تدور أوهام .. وصله كل ليلة .. لين دار الحول
ونار الشوق كنها من ضلوع الصدر محطوبة

فراغات السطور اللي تهيّب عقلي المذهول
تجرّي كل كلمة من شعور الصدق مسلوبه

عسى عامٍ تجلى به ثغرك وهرجك المعسول
فدا ليلٍ بعده تدور .. الغفران و التوبة

انا من علق فـ صدرك قصيده " وزنها من لول "
( كتبها ) والزمان يقول له .. ( ماهيب مكتوبة )

[عمر الوهيطي @whe6i_]

@Bis6aam ما اطيب من القصيد اللي يجوز لك يا بسطام 🤍

[عمر الوهيطي @whe6i_]

تزبرّي فوق القفار الجرد يا الغر النصوب
عسى مخاييلك على عوج الحنايا تستهِل

البارحة نسناسها ضيّق على العين الدروب
ما كن في مترامية الاطراف شبرٍ ، يندهِل

اشدد ركاب الطواري عن ملاهيف القلوب
واسقي ثرى محراب وجدي دمع عيني وابتهِل

متعبني ان ذكرى رحيل اللي معاريفه تجوب
قريب من مولد حفيدٍ من قراحه ينتهِل

اقسى مراحل هاجس الاشواق فـ الوجه الشحوب
نفسٍ ما نالت صادق اعجابه و روحٍ تكتهل

كثر ما شفته في عيون ابوي له زولٍ ينوب
كني معاه ازخرف الابيات و اهيجن و اهِل

طرقٍ موشح من عروق المجد و الميقاف ثوب
ماهو سهل .. في بال قرايّه و في بالي سهِل

اسمع طواريقه تسابق مع ذعاذيع الهبوب
وارسل مع النسمه سلام ولحن قافٍ ما جهِل

احفظ تفاصيله و وقفاته و صفراه الهذوب
ومجالسٍ لا مرّها الضايق يعوّد مسفهِل

صدى تراحيبة يداريه الهوى من كل صوب !
حتى السحاب ان مر مدهاله .. تهادّى ممتهل

اسمه من يشيله سهل يدحم ثقيلات الخطوب
عادي يشوف ان الجبال الراسية , مثل السهل

ما نقدر نرده و لكن سيرة الصدر الرحوب ؟
وقفّ عليها كاتب التاريخ ، وقفة منذهل !

[فالح بن غشام @Faleh_002]

ودي أضيع في قفرً من الشعر ضاع
فيه الاعشى ، و أغني لـ المساء وينها ؟

لو ما احصّل من أبيات القصيد إنتفاع
يكفي الشعر فخْر ان قيل في عينها

بنت من يشتري بـ الموت خضر البقاع
كل ما حل في ديره سبا عينها

مثل ما كان يفرق بـ الطروق وتذاع
بنت ابوها طبيعي تفرق بـ زينها

تلوي ارقاب وتذل القوي الشجاع
نظرةً مافلح من حاول يهينها

فارعً ما اكتفت بـ الناعسات الوساع
فوق سطوة هدبها فعل جدينها

طولّت كل قاف وقصرّت كل باع
لين ما صاروا عداها محبّينها

أيه شاعر وغاوي من هنا لـ النخاع
اسعد الضايعين و خير غاوينها

ليلةً كدت اموت من الهوى والضياع
غير لطف الولي غطّا على شينها

يوم سالت مدامعها لـ طاري الوداع
أستحال الحشا منديل خدينها

منظر الدمعة اضفى لـ الجمال إتساع
كانت اجمل حزينه شفت من حينها

ياوجودي ليا ارخت لـ الهجوس القناع
وارتحل بين عاتقها و كفينها

ينهمر كنه خفاقً من الوجد ماع
لا طروا اللي يحب اعتى معادينها

ياحشاشة خفوق العاشق ويامتاع
روحً تلوذ بك عن لاهب سنينها

لاتيتّم مشاعرنا ورا الانقطاع
انصر وصالها يوم انتصر دينها

[محمد معضد @MM0tb]

من اسمه قد عرفت ان الليالي لو تعقد الراي
ما هزت فالمواقف من يشوف ان ربعه عضوده

[عمر الوهيطي @whe6i_]

@MM0tb يا طيبك و يا طيب قصيدك 🤍🤍🤍

[عمر الوهيطي @whe6i_]

رَبِّ اجْعَلْ هَٰذَا بَلَدًا آمِنًا﴾ ❤️🇰🇼

#صفارات_الانذار

[عمر الوهيطي @whe6i_]

@nassre_ تستاهل يا أبو مفلح وفالك التوفيق

[عمر الوهيطي @whe6i_]

@Myz9r الف مبروك فالك التوفيق يا أبو فرحان 🙏🏻

[صقر فهد @Sq3tb]

في سكون الليله اللي مَاليه عيني رحابه
كل حاجة ساكنة تفضح من يتمتم بصوته

ياحبيبي .. من يحبك ماقدر يشكي صوابه
انت حظ الطيب اللي ما تخيّر في بخوته

لك علي ان السهر لو طال ماطال ارتيابه
عاشقك لو هاب دورات الزمن ماهاب موته

وان تمادى صمتي اللي كان باسباب الكئابه
" المُحب تسولف عيونه اذا طوّل سكوته "

[مشاري العبدلي @pp_3e]

ما تغرّبت عن وجهٍ من الله حياوي
لي زمن قلبي مولّه و بابه متيّت

طيحةٍ في نحر نَجلاء العيون متساوي
ما تبى غير راسٍ طيّب وقلب ميّت

في مداهيلها مدهل كبار العزاوي
ودون بيبان ابوها فرصةٍ ما تهيّت

فارعٍ ما تجي لـ المهتوي بالمناوي
اخطبوها ثلاثه قبل مده و عيّت :)

[محمد معضد @MM0tb]

نسايم الصبح لا جتني على غفله
ما لي غنا عنك يا قمرية الوادي

قلبي من البعد ما وقف ، يوقف له
يا كم لفىء ضيف لكن رده عنادي

وانتي لفيتي مثل ما تلفي الطفله
واخذتي اللي ما يوخذ غير بمرادي

كن القريحه تحفوت فيك محتفله
تهنفلت لين غرد و اسهب الشادي

يوم ان غيرك رضى باللي يصفف له
مايرضيء العادي الا الشاعر العادي

اللي ما شافك امانه كيف اوصف له ؟
وشلون اخون الامانه ، وانتي بلادي

حبيبة المفرده من مطلع لـ قفله
قدام لا اموت فيها شفت ميلادي

[عمر الوهيطي @whe6i_]

@s9aff ما اطيب من القصيد اللي يجوز لك يا أبو احمد ومرحبااا 🤍🤍

[عمر الوهيطي @whe6i_]

وش لزوم المكابر في حضور الحنين؟
يدمح الله ذنوبٍ .. ما تعديتها

لي سنه عيني تداري لها دمعتين
وليلة البارحة طاحت و عزيتها

يا رفيقي تعاتبني و قلبي رهين
بسمةٍ يسري الغادي على ليتها

لا تشرّه على طرق القصيد الحزين
اشره ان نادت طيوفه ولا جيتها

اريشٍ ما جذبه الا الشعور الثمين
ولا خذى من القلوب الا نعاتيتها

غلطته ماسمعني ( يوم اعاتبه ) زين
وغلطتي طول عمري ما تمنيتهاا

احسب ان الموادع كلمة وخطوتين
وأثر حتى الخطاوي ما تخطيتها !

كل حاجة تعاتبني عليها السنين
لو ترجعني الأيام .. سويتها ،

[عمر الوهيطي @whe6i_]

@tmaah_ طيييييييييييييييب

[عمر الوهيطي @whe6i_]

@9z80k ارحب ارحب

[عمر الوهيطي @whe6i_]

@T3tibe يا مرحبببا 🤍

[عمر الوهيطي @whe6i_]

@_liieo10 🙏🏻💐

[عمر الوهيطي @whe6i_]

@sb_a2000 يا مرحبا بـ محامينا الغالي 🤍

[عمر الوهيطي @whe6i_]

@sa2hli @MM0tb مرحبا مرحبا مرحبا 😍💐

[عمر الوهيطي @whe6i_]

@_r3u8 🤍🤍💐

[عمر الوهيطي @whe6i_]

@MM0tb تسلم يا ابو معضد 🤍

[عمر الوهيطي @whe6i_]

@a_bd2 يا مرحبا يا أبو صقر 🤍