نقض ليل الشتاء قافٍ من .. لحون البطا مفتول
وصحى جرحي على صوت الرقيبه يوم مشذوبه
على صدك ملامة خافقي .. يا فكري المشغول
لو ان عذرك سمين و كلمتك عذبه و محسوبه
يمّر الليل .. و يطل النهار .. بـ وجهه المخذول
وانا اللي كن عيونه عن شعاع الشمس محجوبه
اغامر .. و اتمنى .. و " الاماني سيفها مسلول "
واداري دمعةٍ من ضحكة محياي منهوبه ..
ياملهوف الحشا مدري مِن القاتل مَن المقتول
ما دام ان وصلك عقوبة مثل ما هجرك عقوبة
حبيبي والله اني .. بين ضيق .. وبين قِل حلول
سوات اللي كلاه الهمّ من .. " راسه لـ عرقوبة "
عزاي ان ما بقى لي غير صوتك فـ الضمير يجول
وآكابر ، و اجحد جروحي معه ، و امجد عيوبه
وكثر ما كنت اماري في عيونك واشقر المجدول
اوصيّ، كل عاشق لا يبكي عين .. محبوبه ):
يقولون الليالي تطوي الماضي طوي واقول ؟
انا للحين اضيع ان ذعذع النسناس من صوبه
تدور أوهام .. وصله كل ليلة .. لين دار الحول
ونار الشوق كنها من ضلوع الصدر محطوبة
فراغات السطور اللي تهيّب عقلي المذهول
تجرّي كل كلمة من شعور الصدق مسلوبه
عسى عامٍ تجلى به ثغرك وهرجك المعسول
فدا ليلٍ بعده تدور .. الغفران و التوبة
انا من علق فـ صدرك قصيده " وزنها من لول "
( كتبها ) والزمان يقول له .. ( ماهيب مكتوبة )
يارب العباد اللي ما تؤمن بغيرك رب
وعن طاعتك ماهي تكاسل ولا تلهى
أعذنا من دروب الغيا والهوى لا هب
واجتاح الحزن عوج الحنايا من أولها
لا ثبّت قلب اللي ما شافك وحبك حِب
على الدين لو دنياه تكثر مشاغلها
يشوف الحياة بدون طاعتك غيهب جب
ويشوف الحياة بطاعتك نور بـ أكملها
@sgr_3o5
ما قلّ وزن اللي مقفى وموزون
كم له وهو ياكل ويشرب بجاشي
يا اول محطاتي وانا كنت مفتون
فالارض والما والزهر والمناشي
مرت ليالي ، مثل ناسٍ يمرون
وخذت ملامح ضحكتي واندهاشي
واللي بقا لي ، صورةٍ ما لها لون
أشوفها قاعد وواقف وماشي
الصفر من دونها اللي يكربون الحزام
من يوم نجد العذيْه تستطلي و تغلي
يا مدورين الكلام اللي عليه الكلام
أغلب غزايز هل الصفرا بنات جملي
حنا خذينا من الأمجاد راس السنام
ياللي كفاكم عن الطاله لسان الطلي (:
نصرّح و ندحم و نكسب نهار الزحام
وان جاء نهار الممارى ما يمارى علي
صمخ النخب من عصر مشعل وهي كل عام
اما " مع واصلي " .. ولا " مع عبدلي "
قبل سنتين ونص
كنت ارى في هذا الذيابي شاعر عظيم قادم
موهبة قادمة لشعراء عتيبه في الكويت
وفي كل مرة استمع لقصيدة اتذكر نظرتي وموقفي تجاه ابداعه
و اقول الله يحفظ المبدعين اللي مثله
تثق بنجاحه في بداياته
ويستمر بالابداع حتى مايخيب توقعك
والله انني
استمعت لقصيده في جميع الاغراض
كان ثابت لا يقدم الركيك الذي تستنكره
حريص على الابداع في كل مره
وفي هذه القصيدة اعجبني
في
يا قلك يوم قلت حيلتك واحساس غيرك صاب
وياكثرك في عيون اللي عشقك وما غفى موقه
صويب الحب لامنه لمح في عينك الاعجاب
تقبل كل جرحٍ من يدينك وانكر احقوقه
يا سلام ياسلام