عبيّــد

مُحِب للشعِر .

[معكاز | شعر @M3kkaz]

ماني ورا العالم مسيّر وملزوم
أمشي مخيّر بين خلقه بكيفي

[مدواخ شعر @Medwkh]

ليا سجوا العالم مع الوقت ما سجيّت
خذيت الطريق اللّي فجوجه تسليني

[عبيّــد @abdluhh10]

يارب عطني من عطاياك ثنتين
صبر على الدنيا وحسن الخاتمه .

[دِيـلان @oiil__5]

والنفس لاطاوعتها صرت مغبون
ملزوم في بعـض الامـور تعصاها

[مـقـدام @jh_u9r]

أنا اشفق على لبّيه من صوتك المبحوح
لا حلّ الظلام، وعوّد الطير في وكره

– سعد بن جدلان

[عبيّــد @abdluhh10]

يقول سعد بن جدلان الله يرحمه :

من ينكرون الجمايل لا يهمونك
و ردود الافعال منهم لا تغاربها

حتى لو عطيتهم وحده من عيونك
قالو هاذي عينه اللي مايشوف بها .

[لاَح @tb77h]

خلك على دينك ونيّتك زينه
يعطيك ربي من كثيرات الارزاق

واذا تجنب عن شروعه ودينه
في القبر قدامك عذابً و مطراق

طبّيب

[دمــث @v80r_1]

رشيد الزلامي ، اختصر تصرفات بعض الجهال
ببيت من ذهب يقول :

دايم لسان قليـل العرف مسموم
يجـرح شعور محكميـن الضماير

[سِيـن @lsriill]

َ- سيرة ذاتية /

" احب التفرّد في زمان المتشابهين
حاجةٍ تلهف وراها الناس — اعوفها "

[شمريّ. @r36ir]

عن فقدان الشغف
احدثكم من بيت لـ سعد علوش :

قال انت جالس لحالك تنتظر من يجيك
قلت انتظـر نفسي اللي .. ماعرف وينـها

[مُ. @Cyjm99]

⠀
⠀
– يا سلام الله علينا وحنا الطيبين !
ننطح وجيه الليالي.. ونخلف ظنها.
⠀
⠀

[شعييل @0ickk]

سقت الغلا لك والنوايا مغاتير
ولاهمني حقد القلوب المغله

مدري صباح الخير ولا مساء الخير
مير الوكاد بوجهك الخير كلّه :)

- مطلق بن شويه

[عبيّــد @abdluhh10]

خطير علي لا اجر عقب الونين صياح
واسولف مع المجنون وانقد على الصاحي

سبايب زمان مايوريني الأرباح
وسبايب نصيب(ن) شين لو ارفعه طاحي

ف أنا طالبك يامنقذ اللي ببحره طاح
تفرج هموم القلب واعيش مرتاحي

همومي بحور وتغرق الماهر السباح
ويغرق بها من كان ماهر وسباحي .

[عبيّــد @abdluhh10]

ضايق ومستانس وراضي وزعلان
مدري وش الي جمع الكل فيني
-
احيان اجر الصوت مغرم وطربان
واحيان اجر الصوت وتهل عيني .

[عبيّــد @abdluhh10]

زلةالطيّب ماتجرح متينين الجنوب
عقّب اللي زلة من رفيقه تفحمه .

[‏᷂عسر٨٨ @Qhta10ni]

لا اكتسى وجه الفتى شيمة وقيمة
فك له رب السماء باب الجمايل

[عبيّــد @abdluhh10]

وماتضيق الحياه وعند ربي سعه .

[عبيّــد @abdluhh10]

وارثين الطيب من كل النواحي
ونحمد الله ما مشينا بالرديه .

[عبيّــد @abdluhh10]

من باشرك بالعذر لا تلحقه بعتاب
ولا تشوف نفسك شيخ والناس عمّالي .

[عبيّــد @abdluhh10]

برقٍ يفوتك لو مزونه مراهِيش
لا تستخيل أمطار سحبٍ مقافي .