الوجيه الطيبه تعرف الي تبيه
ماتدور رضى العالم ولا تركض وراه
من يجامل وجيه ويستحي من وجيه
راح عمره وهو يمشي بدون اتجاه
البس الي يعجبك واكل ماتشتهيه
دامك ف طاعة الرحمن عيش الحياه
لا تروح لمكان إلا وراحتك فيه
ولا تجي من مكان إلا بسيره وجاه
انا غرب واللي خاطري ينتحي له شرق
بعيداً وطن مظنون عيني عن اوطاني
حصل في غروب الشمس بيني وبينه فرق
عسى الله يقرب دار من حبه اشقاني
اليا جا لذيذ النوم يسرق عيوني سرق
ذكرته بعيد وعافت النوم الاعياني
الا يالله انك لاتعيد الحمام الورق
وراه يتلاحى بالطرب لين يشعاني
تولعت يوم انه شعاني بحلو الطرق
ومن الولف اظنه جاين الورق ماجاني
من اربع سنين ومهجة الروح فيها حرق
نتيجة ندب عيناً سهمها تمثناني
وساع العيون الساحرية طعنهن زرق
لها نظرةً من صابته طاح وجعاني
سقا الله اليا قام يتكاشف علي البرق
وانا اشوف زوله بين ربعي وخلاني
تفتح لعيني يوم اشوفه وساع الطرق
وانا قبل اشوفة مثل يعقوب عمياني
تهشم نظيره من هميل الدموع الزرق
وعمي لين جابوا له قميص ابنه الثاني….