عبد الله بن عيد

شاعر غاص البحر من جاله اليا جاله
لين طوع في خياله كل طرق قاسي
شيّده واتقن بناه ولا اختلف منزاله
وارتوى واروى عروق مبطيه يباسي

[عبد الله بن عيد @abdullah_eid66]

بعض الرجال دروع وحصون وجبال
مايتبعون القال ومطارد القيل

ولا بعضهم مثل قول ابن هذال
عقرب ثراء مسمومة الراس والذيل

[عبد الله بن عيد @abdullah_eid66]

يارب سامحني على كل تقصير
الوقت يمضي وآخر العمر فاني

مادام وضعي زين واموري بخير
وش عذري من المسجد اللي وزاني

[عبد الله بن عيد @abdullah_eid66]

والله لو الوقت يسمح ياولد عمي
لـ جيك واحب خشمك وآخذ علومك

لكن ليا جاكم التقصير من يمي
وقت الشدايد تراي اقرب من هدومك

[عبد الله بن عيد @abdullah_eid66]

صب فنجال القصيد ومد لي فنجاله
بـ تقهوى واطرد عماسي واكيف راسي

والقصيد اللي ينومس قايله لا قاله
نابع من جوف وجداني وصدق احساسي

شاعر غاص البحر من جاله اليا جاله
لين طوع في خياله كل طرق قاسي

شيّده واتقن بناه ولا اختلف منزاله
وارتوى واروى عروق مبطيه يباسي

والرفيق اللي ليا ثقل الحمل يشتاله
يعتبرني محزمه لن دقت الاجراسي

يبشر بفزعة رفيق يرتكي للقاله
فزعة فيها نذكر كل رجل ناسي

صدري اللي كل ضيقه في الزمن تحتاله
ضيقة الدنيا مهيب اللي تلين باسي

نحمد الله كاسبين الطيبه والطاله
ثابتين ارسى من الضلع المنيف الراسي

المواقف يرخص الرجال فيها حاله
لحظة فيها الرجال الصادقه تنقاسي

والحظيظ اللي مع الله في جميع احواله
مايفكر في ملمات الزمان القاسي

مايخيب من يعلق في رجاه حباله
واحد بيبان رزقه مالها حراسي

[عبد الله بن عيد @abdullah_eid66]

واذا صدّوا الاقراب وان كفّوا الاصحاب
معي واحد ماهوب تاركني لحالي

[عبد الله بن عيد @abdullah_eid66]

ياشين وضع الصديق اليا نقص قدره
وقام يتردى وشانت مجمل علومه

من عقب ماكان ضمن اصحابي الندره
اليوم ضيع دروب الطيب وسلومه

[عبد الله بن عيد @abdullah_eid66]

@BanderALAssadi صح بدنك وتسلم طال عمرك

[عبد الله بن عيد @abdullah_eid66]

خفايا الضمير اقفل عليها وصك الباب
وعلى غير رب الكون حذراك تشكيها

ليا راحت وجيه الليالي جناح غراب
تنصّ الكريم اللي مطالبك يقضيها

عظيم كريمٍ كل ماحلة الانشاب
هو اللي عطاياه الكريمات يصخيها

ولا تلحق الطيب ملامة زعل وعتاب
ترا من حقوق الصاحب انك تعديها

وترا الطيب زرقة رمح والطيبين اقراب
ونفوس الكرام الها حقوق توفيها

ولا كل صاحب في الشدايد ذرى وحجاب
ولا كل رفقه للمهمات تحسيها

ولا كل رجال يعوض ليا من غاب
ولا كل كلمة للرياجيل تبديها

مثل مانعرف الكذب من نظرة الكذاب
ترانا نميز خطر الناس وش فيها

[عبد الله بن عيد @abdullah_eid66]

ياللي تعاتبني على كل زله
ترا مشغالنا بلا حد وقياس

انا مقصر في حقوقي مع الله
ماهوب عاد حقوقي اللي مع الناس

[عبد الله بن عيد @abdullah_eid66]

بعض السوالف تنقص قدر راعيها
حتى لو انه صدوق ونيته زينه

وحنا مشاعر هل الطاله نراعيها
ولا رضينا عليهم سمعة شينه

والكلمة اللي تجي في غير داعيها
تحط من قيمة الرجال وتهينه

[عبد الله بن عيد @abdullah_eid66]

يامل قلب مابين اقبال واعراضي
يسري مع الفكر والهاجوس يحتله

له عام واكثر ماهو قانع ولا راضي
الناس تدله وهو باقي على حله

يالله ياللي بحكمك للبشر قاضي
ياعالم الغيب عبدك للهدى دله

كم لي وانا اسعى ومسعايه على الفاضي
اطرد ورا حلمي اللي ودي آصله

واركض ولا فادت عزومي و مركاضي
متى على الله تزين وتبري العله

عز الله اني نهضت وزان منهاضي
عن رفقة اللي يجور اليا لقى زله

وانا تجاهل وطرفي للكفو غاضي
مادور المخطيه في اجواد خلق الله

وعن شوف بعض الاوادم معرض اعراضي
مرتاح من رفقة اللي مالهم مله

لاشفت برق الجفاء من يمهم لاضي
اصد صدت عزيز طيبه إجبله

ماعاد صدري يحن اكثر من الماضي
اليوم من غاب قلت الله يسهله

[عبد الله بن عيد @abdullah_eid66]

@Dexter36739260 @majed_almhl تسلم

[عبد الله بن عيد @abdullah_eid66]

@ehtwa7 @majed_almhl صح بدنك

[عبد الله بن عيد @abdullah_eid66]

ثنتين يفرح بها اللي واصلاً حده
في عين محتاجها كالوابل الماطر

الفزعه اللي تجي في ساعة الشده
والكلمة اللي توسع ضيقة الخاطر

[عبد الله بن عيد @abdullah_eid66]

روس الرجال مقدره ومعروفه
ولاخير في عشر تعود ثماني

احرص على الصاحب واداري ظروفه
وليا بغاني في الشدايد لقاني

وان صد واقفى مالحقته حسوفه
وعليه ماعلقت رجوى الاماني

اشوم شومة عايف مايشوفه
واصد صدت مبغضين الهواني

[عبد الله بن عيد @abdullah_eid66]

يا إله الكون ياكافل ارزاق العبيد
جعل خاتمتي بسجده ودمعه سايله

وجعل مايدري بسدي قريب ولابعيد
وجعل ذكري باقي في الحياه الزايله

طالبك عفوك ليا صرت في قبري وحيد
ياعظيم تعلم اللي بصدري شايله

ظلني يوم القيامه بظلك ياحميد
يوم لاينفع شقيقي ولا اسم العايله

[عبد الله بن عيد @abdullah_eid66]

ادحم ظروف الوقت والزم مباديك
ولاتفكر في الضعوف ورداهم

ولا اخطوا عليك ربوعك الله يعافيك
خلّك وسيع بطان وادمح خطاهم

[عبد الله بن عيد @abdullah_eid66]

مر ثلث الليل والعين ماجاها المنام
من هموم داخل الصدر عيت لاتروح

كن من بين المعاليق مضراب الحسام
والطواري والتفاكير في راسي تلوح

راحت الدنيا بعيني كبر بيض الحمام
ماجداي الا اتنهت من الضيقه وانوح

قلبي اللي من عنا الشوق طاويه الهيام
حابسٍ جمر المفارق ولا يقدر يبوح

كل ماعرضت صدري مراويح الغمام
اعترض لي طيف خلٍ على قلبي جموح

يالطيف الروح خذني على صدرك وسام
دام تقدر في المواصيل ياطب الجروح

انت غالي والمحبه لها قدر ونظام
والمحبه داخل القلب مافيها مزوح

قصرنا اللي قد بنيناه شارف للهدام
لايطيح القصر مادام عمرت الصروح

بكره يزين المواصل وينزاح العسام
واتقهوى من وصالك وانا طايل شبوح