﮼ᵃᵇᵈᵘˡˡᵃʰ

[الراقي @qrooos85]

لو طلبتِ العين تفداگ ، العيون
ولو طلبتِ القلب قلبي لگِ فدى

ي بعد من يعشقون و ، يكرهون
لگِ خفوقي يعشقگ لـ ابعد مدى

[سـين ➰ @7bb_q8]

-

كل يوم أصافح طيوفك غلا مدري مبرّه
ووين ما لديت أشوفك وجهتي فـ أربع جهاتي

ماقدرت اعيش لذات الحياه المستمرّه
لا بغيت أواكب الحاضر رجعت لـ ذكرياتي

يوم جيتك جيّت اللي يدري إن الموت مره
تاركٍ من خلفي الدنيا و أهلها و أمنياتي

ايه و اللي نفسي بـ يده و رزقي و المجرّه
انك إللي تستحق أفضلك عن مغرياتي

مستعد أفرش لك الفرحه و البسك المسرّه
بس أبي تحفظ غرامي زين يا زينة حياتي

[ِ @almrarjni]

انا اشهد اني من بعدك ادور الضحك ادوره
لوقلت لك ماني حزين اكذب عليك الا حزين

ماعاد باقي بيني وبين الممات الا شعره
الله يسامح من جعلني في موادعك استهين

[. @vs_5ii]

أنا مقصّر . . وأنت حسنك تام
والقلب يشكي . . والشعور يلحّ

ما لك شبيه من اليمن لـ الشام
ومن الخطا لين الصحيح يصحّ

معذورة . . ( الاوراق ، والاقلام )
وش ذنبها دام . . الحروف تشحّ

صدّقني . . حتى ريشة الرسّام
مهما تحاول ما تجيبك صحّ

[َ @6puil]

الوضع الحالي أشبه بـ /
على حروة بكا، وتنهيدة، وغصّة، وضيقة بال
وعلى رجوى الرحاب تمرّ صدري كل فجريّة

تمرّ سنين من عمري وأنا في وحشة الترحال
أخاف من التعلّق، والقسى، والدمع، والكيّة

يعذبني شعور أن الشعور أحيان ما ينقال
وشعور أني على وعر الطريق أحيان منسيّة

[َ @24cij]

على كثر الوجيه الغايبه عن راسي المزحوم
حضر وجهك نيابة عن عموم وجيه غيَّابي

يعسّ بـ قاع بالي فيضة جروح، ومناقع لوم
وينصب له خيام من السهر ويطيّر أسرابي

خذاك الحلم من نوم العوافي لين صح النوم
وخذاني ليل لا جيت أرقده وقّف على أهدابي

[nana @anj1_i]

اشتقت لـ أوّل شعور ولهفة أوّل لقى
مابين رجفة عظام ، وبين ربكة كلام

يوم السهر كان ضحكتنا .. بليّا شقى
يوم : الأغاني .. رسايلنا قبل لا ننام !

هجرت من بعدك الأحباب والأصدقا
كلّ العلاقات مرّتني " مرور الكرام " !

ماعاد يغري شعور ، ولا بصدري بقى
سواك ذكرى حزينه ماانتهت بالسلام "

[بوح غفراني @bo77_1]

بعيد من الغَضب وإلَّا قريب من الرضا، والجوْد
تمهَّلْ، ما ورا عِنق الغزال إلَّا مواطنْها

حبيبي جادَ صوتي والبدو تعطي من الموجود!
و��نا لو ما عذرت ظروْفَها، ما جِيْت ضامنْها

أعرْفك! وأتردَّد مع سيوفك.. والهوى مردود
يا ربي لا تَسكّن روحي.. إلَّا في مساكنْها

ترى حتى هروجِك فالسّحاب وفي هبوب النود
أنا ما أصدّ عنها.. لو تصدّ أيَّامنا عنها

تذكَّرني إليَا مالت حياتي؛ مع ليَان العود!
وعلَّقني: (سنينٍ) في رجاوِي عينك (أرهنْها)

عساني لا وقف عمري ما بَيْن النار، والبارود
أدَاعِب وَجْنتك.. لين الحقايق «تأمِر، وتنْهى»

ديارٍ ما تغافلها الربيع.. أشوفها في زود!
أعرف أشجارَها، وأعشق هواها، قبل لا أسكنْها..

وِش يشدّ العواصف؟ وأنت بابك للهوى مَسدود
تجرَّى! والله إن حلو المحبَّة من (مجنَّنها)

أنا لولاي أحبَّك ما بذلت لـ ضحكتك مجهود!
ولا غنّيت في بيوت القصيد.. وبيتك أثمنْها

إذا ما سِقت لك صفو الحياة، وصافي القرهود
تمرَّد، واِسْرق حقوق العرب؛ لا سنَّت سْننها

تحمَّلت اللَّيالي.. في ديَارك! ما قدرَت أعود:
وأنا ما أقدَر أخوْن أيَّامها.. لو قلْت لي: خِنْها

أحبّ أحلى مشاوِيْري لـ عينك يا أوَّل العنقود:
وأعرف إن الصباحات الجميلة.. تنخلق منْها.

[َ @veteranskyz]

أنا كبدي بقاياها رماد و خاطري موسوم
بعد ذيك الدموع الشعر وش يكتب على شانه !

ياطول الليل كنّ الصبح كسبٍ في يدين القوم
نهار الشيخ توخذ حكم��ه من راس شيطانه

لو قيودي حديد اشوى و لكنّ القيود سلوم
و مجدٍ ما يطاول طول سقفه غير عمدانه

يشاف لحال لو من فوقه نجوم و تحته نجوم
فرق عنهم مثل فرق الشعر عن باقي اقرانه

خلقنا الله لا نسحب بشوت ولا نشيل ختوم
ليا منا سحبنا الحدب شلنا الراس ب امتانه

ماعاد البال يدله عن ملامة مكثرين اللوم
أنا أول من لقى حريته فقيود سجّانه

أعز الحب حبٍ فوقه اسراب العذاب تحوم
يردّ القلب مثل الحاكم ليا زال سلطانه

يا شوف عيوني أطلال المعاتب دارسات رسوم
عليك العين يذكر وسمها و الروح ضميانه

نسيتك ! والله اني عقب ذيك الجمرتين التوم
سوات الي على فراش الوفاة و حوله اخوانه

يواسو��ه بقوله طيب و عسى بقاك يدوم
و تقول عيونهم ف وداعة الرحمن و امانه

يسومون المحبة و انت ساكت ما فرقت السوم
حبيبي لا بعدك خيانة ولا قبلك خيانة

تواسيني جروحي من يدك لو خنجرك مسموم
دخيلك يوم تجرح من جفا ولا من ميانه !

غدينا كنك اردى الناس و انا الطرقي المعدوم
لو انشدك ارخص الي في يدك ماقلت لي عانه

اخذت من الهوى ما ياخذ المعطى من المحروم
و عطيت من الهوى ما يعطي الشاعر من احزانه

عسى عينٍ تذوّقك المفارق ما تذوق النوم
و لا تهنى بشوف إلا تشوف الضيق و اعوانه

شرد ذهني و حارت حيلتي و لّا وراي علوم
لو اسولف بها شفت الملحّن يلعن آلحانه

ورى ناعس هدبك الي من الله كن فيه سهوم
ليا اقرى جفنه اعزّ السلام يكبّ حجَانه

تناعس له مصابيح السماء قبل النهار يقوم
متى ما اذّن و صلّى ليته يصلي من إيمانه

ليا اعتقت الحرير و حال دون العسجد المردوم
خطير يحوز ظلّك عن هله و يوقّف وزانه

احسب اني عليك اجرى من البارق على الديموم
يا حيّ الموت و لا الهقوة الي مالها خانة

هقيتك كلمةٍ يردع بها الظالم عن الم��لوم
و أثرك الكلمة الي بين قلب الزور و لسانه

عسى ما بيني وبينك ما بين البارحة و اليوم
يا لو كنّك حدا قصايدي في هيئة إنسانه

نهار اني تمثنيت البحر قدام اعرف آعوم
عشان الي نهار موادعه وادعت نسيانه

ماشفت الدانه إلا شفت والله موتي المحتوم
أنا ما دامني حيّ الحياة اغلى من الدانه

أنا بعدك ما كنّي غير طيرٍ يوم ملّ الحوم
على كثر الشجر وقّع على شباك زنزانة
- متعب البقيلي

[TEDxOkadh @tedx_okadh]

جدول فعاليات #TEDx_عكاظ متاحًا الآن عبر الموقع الإلكتروني ✨!

يمكنكم الاطّلاع على تفاصيل البرنامج الكامل لليومين، والتعرّف على الجلسات وورش العمل والمتحدثين، مع إمكانية إتمام التسجيل مباشرة عبر الموقع https://t.co/ZqvxMPdVL3

لا تفوّتوا فرصة أن تكونوا جزءًا من #أثرٌ_يمتد..
تجربة ملهمة تثري الفكر وتصنع الأثر.

كونوا بالقرب! 🇸🇦

[سـين ➰ @7bb_q8]

-

تسولف، لا تغنّي، لا، خيالٍ ما لحقت أقصاك
بغيت أستوعبك شحّ الخيال وضاقت آفاقي

سَهى قلبي معاك وفاحت الدلّه ولا قهواك
على صالي حشاي اركى لك الدله ولا فاقي

سرقته بالحنان وهرجك الخاثر وشفته جاك
فزعت أرد قلبي واثرني حبيت سرّاقي

وصلت آخر مداي وقلت لك خلّك على مركاك
لو أن الموت كأسك بـ.. أشربه يا حضرة الساقي

توّسدت الجراح وكل جرحٍ ما يطيب فداك
تنه��دت الغياب ونبت بين إيديك مشراقي

تعذّر لليالي لي غدى ورد الطريق أشواك
ترى كل الدروب اللّي مشينا ما ثنت ساقي

لو إنّه ما بقي عندي بهالدنيا ياكود أهواك
لأقول إني خذيت اللّي خذيت ولا بقى باقي

- مساعد الرشيدي الله يرحمه

[مًلهمً @l4kn1]

عليه جسم غير عن كل الاجسام
مهما لبس من لبس تقول متعري

وعلى كثر ما شاف من خير وانعام
جميع مـا ياكل بـ جسمه يمري

على المفاصل كنه يربط حزام
والجلد كنه داهن بسمن بري

[᷂نحاوي @2lvdi]

لا ترجى رجعتي لك ولا تصنع أعذار
جزت من طرادة الحب هي و طروقها

كيف تبغى رجعتي وأنت من قلبي فرار
أنت تلعب بالمشاعر عبث و تبوقها

مات الإحساس و تنازلت و أعلنت القرار
و ماتت أشواق المحبين يا معشوقها

أقلعت طيارة الحب و أخلاها المطار
الكرامة قدمها و العزووووم تسوقها

ولا لقيت أسمك مع القائمة في الإنتظار
أنفرت منك المشاعر وخالص شوقها

جيت تبغى لك مكانة بعد طاف القطار
طافت الرحلة ولا شفت حبك فوقها

طارت طيور الغلا من شواهين و حرار
هاجرت يمَّ القطاعه تتل أسبوقها

كيف ما صنت المحبة ولا أحسنت الجوار
للمحبة حق و أنت؟ هضمت حقوقها

أحسبٍ من طب مختار في سوق الخيار
ما أنثنى خسران في السلعه و في سوقها

لين عايشت الحقيقة على وضح النهار
و شفت بعيوني جفّي السنين و عوقها

والله إن لك بين حدب الضلوع العوج دار
و إنك أغلى من دموع الحزين و موقها

أوهموني بالمحبة قصيرين العمار
جعل جلّاب المنايا يدل حلوقها

أتصنع بالسعادة و أقول إني مجار
و السعادة في الهوى ما عرفت أذوقها

و أتحلى بالشجاعة و أقول الذل عار
و أطلب الله بالقطاعة تلوح بروقها

أحسب إني فزت و أقول أنا رديت ثار
ما حسبت حساب طعناتها و فتوقها ؛)

[حُـب @k0qa3]

ليت من يدري بحبَّه وياثق من غلاه
لا سعى بجروح قلبي سعى بعلاجها

واحدٍ ربي من الزين والقبلة عطاه
يست��م عرش المحبَّة ويلبس تاجها

مثل ما يحتاج الانسان للماء بالحياة
الدروب اللي تودي عليه أحتاجها

[‏﮼فهاق @h918278]

اسعد الله جميع اوقاتكم ، اما بعد :

ورمي الهوى من عيونه رمي شاخوفه
ما يضرب العاشق الا بين حجانه

ياما تعنيت له والنفس ملهوفه
ادوره بينهـم لـين أقعد وزانـه

واغض عنه البصر ماكني اشوفه
وانا مجيي ومقعادي على شانه

راشد بن قيما

[ِ @almrarjni]

عليه جسم غير عن كل الاجسام
مهما لبس من لبس تقول متعري

وعلى كثر ما شاف من خير وانعام
جميع مـا ياكل بـ جسمه يمري

على المفاصل كنه يربط حزام
والجلد كنه داهن بسمن بري

[nana @anj1_i]

ادري ان حبك خطيّه وانا عييت اتوب
سامح الله قلبي اللي تمادى ف الخطى
َ
انت وصلك ذنب واغليه من بين الذنوب
خصّ لامن جابك الشوق من عقب البطى .. "

[دلال العتيبي . @dal5ll]

ومن حلاها ماتوصفها الحروف الابجديه
كيف توصف وردةٍ يبري من العله شذاها

الورود تغار منها مزهرية مزهرية
وان تباهت عذرها معها يحق لها تباها

مايشابهها شبيه ولا يحاليها حليه
جل ربٍ يوم صورها فرقها عن سواها

لـ أقبلت هيجنت وان اقفت جذبت السامريه
واعذابي ان عطتني وجهها ولا قفاها .

[مـيلاف @5_v3ll]

كيف أخليك لـ الأيام و أنتي حلالي
و المعرّب يموت و لا يخلي حلاله

و كيف أبنساك و طيوفك تساير ظلالي؟
والله إني لـ أعيش العمر ماني بـ داله

أنتي أخير ما جابت بطون الليالي
و هني من يعرّب فيك منسب عياله