ليش الكويت الى الأبد ... اخوة ودرع وسند ؟
لو تسألوني كان باذكركم بماضي بعد.....لكن ابدا ما ابتعد
الكويت هذي قدمت ما قدمت
وبلا عدد..كتب الدراسة والرعاية والعناية بصحة اهالي البلد..شيبة وولد
الكويت ما منت بما اعطت على فردٍ احد
يوم الفقر ضارب ربوع الدار لبت بالمدد
ليش الكويت نقول اخوة للأبد
دار الصباح وشعبها كانوا لنا ذخر وسند ولا زالوا الوفين وافين العهد
يوم البعض عنده نفط والعالم بخيره شهد
ما جاء الينا الخير إلا من كويت
الخير ....حتى قطرات العلاج عن الرمد
عبدالله السالم برؤية انفرد...رأى
بما لا يراه اللي على نفطه رقد
رأى الأخوة هي عليها المعتمد ...آحس أني عدت لأيامٍ جميلة يوم كنا طلبة بذاك العهد...
الله يا زين الزمان اللي بذاكرتي احتشد
كل الرجال اليوم من ذاك الزمان المتقد..فيه الأخوة..ولا ترى فيه الحسد...الله ينجينا معاكم من حسود اذا حسد.
ليش الكويت لها الاخوة الى الأبد...
الكويت كانت للإمارات العضد.