عليك المنّ والسّلوى وسلام الله وظلّ الغيم
يا أكثر من نقش أسمه على معظم تفاصيلي
أنا لولا حيا قلبي وأخاف العيب والتّحريم !
كتبت أسمك على وجه الحياة وقلت : يا ويلي
يزورك من هبوب الرّيح مالا يرتعش له ديم
وأقصّ آثار خطوات الوداع .. وينقطع حيلي .
«أعرفك والبروق تلوح وبيوت القصيد جياد
أحس إن المطر في ديرتك والعشب في عيني
أمرّك وأتردّد بين حزنك.. والعيون سهاد
وأموت من الوله في غيبتك والشعر يحييني
تمهّل لا تساورك الشكوك في غيبة الأجواد
أنا ما أشوف في صحراء ظماك إلا بساتيني»
على أكتافه خذاني لأكبر أحلامي ويوم أجـزاه
خذيته للمكان الممتلي وحشة ! على أكتافي
لي أكثر من سنه لا جاء العصر ولمت له مركاه
عجزت استوعب إن غريّب اللافي ماهو لافي :(
— مشعل الضوي ، في والده رحمه اللّٰه .
«على بيّد الحقايق مرّني يا العاتق المنقاد
عسَّى ماشر وش يسّرق عيونك عن عناويّني؟
أشوفك كل ما ضاقت درَوبي في البلاد بلاد
ومواعيّد السّنين .. الّلي تقارب بينك وبيني
هّواي إني أحبك وانت غالي والسّنين جهاد
اقول ان الظما في غيبّتك وأثر الظما فيني!
تمثلت المسَّاري بين أجافي ديرتك وأعتاد
انا اقسّى والقسّى يغلب رضاي وعذري وليني
تطيح أغلى مشاريه الهّوى وأطري المعواد
لو إنها ما تزعلني عيونك .. كيف ترضيني!
فدا وجهٍ نسّانيسه على غصّن الرضا تنعاد
هّقاوي نفسي وشرهة ظنوني وأول سّنيني
انا لولا جروحك ما خذيت من السَّكوت ضماد
ولا مديت لك كف الوصّال وذابت يديني
ما بين أخاف صّوتك وأرتمي له بارت الأضداد
طلبتك لا تخلي لّي خيّار .. ولا تخليني
اعرفك والبروق تلوح وبيوت القصيد جياد
احس إن المطر في ديرتك والعشب في عيني
أمرك واتردد بين حزنك .. والعيون سهاد
وأموت في غيبتك والشعر يحييني
تمهّل لا تساورك الشكوك في غيبة الأجواد
انا ما اشوف في صحراء ظماك إلا بسّاتيني!»