يستوطن الياس في قلب الجزوع الملول
و يحارب الياس .. قلبٍ همّته عاليه
لو ما نقابل من .. وجيه الليالي قبول
ما ننكف .. من الليالي باليد الخاليه
الحلم ينجب من بطون المشاكل حلول
و الصبر له جرعتينٍ " مرّه و حاليه "
استبرد الجمره اللي في طريق الوصول
و تعيش في ذاكرتْك اللحظه الغاليه .
عاذرك ومقدر ظرفك وكثر أشغالك
ومرخيٍ لك خافق ما جاك منه زله
بس بكره لا قصر باعك وقصر ظلالك
اسلم و سلم على وجه الملام وقله
شل يا جمّال حملك في ظهور جمالك
ما وراك إلا ديارك و الطريق تدله
- سعيد بن محماس