علي بن شايع | BIN SHAYA

يا مرحبا في حساب اخوكم علي بن شايع

اتشرف باضافتكم في السناب: aiiish8

[علي بن شايع | BIN SHAYA @aiiiish8]

@khaled_aloseimi صح لسانك 👍🏻

[علي بن شايع | BIN SHAYA @aiiiish8]

@aburzah12 لله درك مبدع مبدع

[علي بن شايع | BIN SHAYA @aiiiish8]

@aburzah12 ياسلااام يبن رزاح مبدع

[علي بن شايع | BIN SHAYA @aiiiish8]

@iia2er مبدع صح لسانك

[علي بن شايع | BIN SHAYA @aiiiish8]

@aShi3ar خاتمة من جرا جدا يسير بزين

[علي بن شايع | BIN SHAYA @aiiiish8]

قربلي اللي سلفه ايدق باللمس
الموتر اللي فـيه عـزم ونـعـاره

فكسار نازل فلمعارض ضحى الامس
لو سيق به مليون ماهي خساره

اقوى من النيسان واسرع من الجمس
عنده على قطع الخرايم جـساره

يِـقرب ديار محنّي الكف والخمس
دار الـحبيب اللـي شـفاته شراره

طلّت جبينه كنّها بديت الشمس
والـحاجب يـشابه هـلال المناره

هرجته تسلي ضيقة الخاطر العمس
عنده على سـلبة خـفوقي مهاره

اللي سواليفه قريبه من الهمس
من سمع صوته ساق فيه البشاره

انشهد ان حبه حمس خافقي حمس
والـحب سـبب للخفوق انصهاره

[علي بن شايع | BIN SHAYA @aiiiish8]

الليل والبدر ونجوم ٍ بكبد السماء
واشراق شمس الضحى وغياب شمس العصر

تخلي العين تذرف دمع ولا دماء
وتشيّد بوسط صدري هم مثل القصر

كن الحزن بيني وبينه مثل الانتماء
من سبة اللي غيابه معميٍ لي بـصر

[علي بن شايع | BIN SHAYA @aiiiish8]

@qer_21 صح لسانك

[علي بن شايع | BIN SHAYA @aiiiish8]

اللي حذفنا بحيدٍ نحذفه بالجبل
حنّا هَل الحربه اللي وقعها محتمي

حنّا جنودٍ لكم يالعود ولاّ الشبل
كل ابلجٍ دون حُكام الوطن يِحتمي
#محمد__بن__سلمان

[علي بن شايع | BIN SHAYA @aiiiish8]

تال الزمن شيخته كنها دوي الرعود
يسمع ولحدن يشوفه لو دويّه ذهل

ابلشتنا يارجل وانته سوات النفود
من راح يمّه وهو تايه تمنّى الاهل

انا ادري ان الصبر فالنايبات محمود
لكن صبرك على الرديان ذل وجهل

[علي بن شايع | BIN SHAYA @aiiiish8]

انا ادري ان الصبر فالنايبات محمود
لكن صبرك على الرديان ذل وجهل

[علي بن شايع | BIN SHAYA @aiiiish8]

@Fahad_Qatnan لله درك يافهد نقوة النقوه

[فهد قطنان @Fahad_Qatnan]

انا عن اللي جاي ما عندي علوم
ومستقبلي ما أعرفه الا بـ ذكره

واثق تمامآ بأن كل شي مقسوم
مثل ما اثق في حمد ربي وشكره

وفـمطاول الايام مانيب ملزوم
ب اعيش يومي بس واحب و أكره

لـ احدٍ يهرّجنا فـبكرة من اليوم
حنا عيال اليوم .. يا عيال ، بكره

[علي بن شايع | BIN SHAYA @aiiiish8]

السيف ما ينغزابه لا حصل به صدا
والمال حط العريف مساويٍ له لوا

ماكل من هاز عمره للنوايف بدا
احدٍ سرح وارتقى واحدٍ سرح ثم ضوا

انا لقيت العرب صنفين طِيب وردا
والجاهل اللي يشوف ان الاوادم سوا

[علي بن شايع | BIN SHAYA @aiiiish8]

ياحظي العاثر علامك عليّه
الى متى وحنا كذا منتوافق

ما ودك بسنك تبسّم شويّه
حتى ولو كان التبسم منافق

ان كان تبغا الصدق ولا خويّه
نطمع بخوة شخصكم ونترافق

الوقت ذا ملوي بتسعين ليّه
وبليّته صعبٍ علينا نوافق

[علي بن شايع | BIN SHAYA @aiiiish8]

قرب لي الدله ونجرٍ ومحماس
ذا الليل انا زايد براسي عماسي

واشعل ع المحماس منراس مقباس
واحمس بوسطه بن يقند لراسي

[علي بن شايع | BIN SHAYA @aiiiish8]

ان كانك تكرّم قليل الكرامه
ماكـنّك الّا تـعطي الزاد ميّت

[علي بن شايع | BIN SHAYA @aiiiish8]

يِـعتب علّي في بدع قافي وجرّه
لـكن مـالي لـوم فـي بـدع قـافي

لا شفت ضايق لا تنبّش لسرّه
مالك ومال النبش والسر خافي

يالايمي لـو ذُقت للـمُر مَـرّه
خطرٍ توطّا للجمر وانت حافي

الـعـز مُـرٍ واتـحلوا لــمُـرّه
والذل مابشربه لو كان صافي