mk.alhajraf

[دمــث @v80r_1]

لا تشوف الناس ضعفك وانكسارك
لو عظامك تنكسر ما جبـروهـا

انتصب كنك طلعت من المعارك
ماخذاً ثار القبيله . . كلبوهـا

ناصر الحمادين

[دمــث @v80r_1]

توكل على الله واصنع من الحظوظ حظوظ
ولا صار عندك حلم لاتنثني دونه

نصيبك من الله . . ثابـت بلوحه المحفوظ
ولو تجتمع كـل البشر ما يردونه

[دمــث @v80r_1]

كان شانـت وجيـه الناس ما شنـا
نبتســم ونحفظ لوجيهنـا ماهـا

الله عـطـانـا . . . لـيــن مـكـنـا
نشبر الارض والعسرات نرقاها

ونتيـاســر هـل النمــه . . تيامنــا
مانشدنا هل النمه عـن حكاها

محمد مريبد

[دمــث @v80r_1]

لو تنبت الدنيا ذهب تحت ماطاك
ما ينفعك في الاخرة غير دينك

عبدالله بن شايق

[دهَـام @3jm7_]

ليا سجوا العالم مع الوقت ما سجيّت
خذيت الطريق اللّي فجوجه تسليني

[‏᷂عسر٨٨ @Qhta10ni]

يارب والنفس بيدك وانت خالقها
محتاج عفوك وتوفيقك وإحسانك

يا كثر الاحلام لكن ما يحقّقها
إلّا انت يا حي يا قيّوم سبحانك

[‏᷂عسر٨٨ @Qhta10ni]

ضاعت تواريخ العرب بين ثنتين
شاعر كذوب وشيخ مدري متى شاخ

[‏᷂عسر٨٨ @Qhta10ni]

يالِيت الزّمن طيرٍ يعوّد على الملواح
بردّه ولا أدرِي ويش أردّه على شانَه

[زيـــآد @za_r123]

" البدو من طبعها تكره مخلطت الوسايم
والمجامل فـ اكثر الاحيان نوع من المذله"

-سفر الدغيلبي

[دمــث @v80r_1]

متصنع الطيب لا يمكـن يجي طيب
يتعب من الطيب ويعود على طبعه

[دمــث @v80r_1]

ما دام لك في ذا الحياه استطاعه
فلا يعيقك جزر الايام والمد

احـرص على نفسك تراهـا وداعه
مهد لها مجرى وشيد لها سد

[دمــث @v80r_1]

عطينـاك سلمك فـ المحبـه و فـ التقديـر
وعطيناك سلمك ف الجفيا وفـ الصده

من يشوف نفسه غير ويشوف وضعه غير
عيون العرب ما شافته مثل ماوده

علي الدعيه

[دمــث @v80r_1]

أنا لي في اللّٰه حسن ظن ورجا وآمال
كأني أشوف . . أقداره البيض قدامي

[دمــث @v80r_1]

قلوب البشر مانيب على ودها مكلوف
ما الله خلقني أحـوز أعجاب خلق اللّه

[دمــث @v80r_1]

مساء الخيـر ، أما بعد :

على الإنسان أن يكون فطنًا ، فـ بعض الرسائـل لا تقال
بـ صراحه .. ويكفي أن نتذكر أن اللبيب يفهم بـالإشارة

النشاما عـن مقاصد بعضهم يعرفـون
والردي لوصبوا العلم فـ اذنه ما عرف

مطحس بن حمد

[موطن القصيد @_mw6n]

سلامي على اللي ما تغيّر مع الايام
" ولا زال يذكرنا ، ولا زال صاحبنا "

[شعييل @0ickk]

راع الهوى لو كان ينوي يكبه
يفز قلبه كل ما حل طاريه

فزة شجاعٍ من منامه تنبه
سمع أصغر عياله يصيح لعوانيه

خذلك مع اهل الحب سجه وعبه
والله على ما يشتهي بك يسويه

والادمي يرضيه مقسوم ربه
يعذبه والا من النار ينجيه .

سعود بن جمعان ( رحمه الله )

[‏᷂عسر٨٨ @Qhta10ni]

ضرينا على بيض الفعايل وكبر الشان
وعلى كل علمً يطلق الوجه واليمنى

ما نرخي مناكبنا سوا لـ طاعة الرحمان
ولا تعترض فـ نحورنا الا محازمنا

[معكاز | شعر @M3kkaz]

حتى لو الارض ضاقت فيك خلك ضحوك
وأحرص على الواجبات وخل صدرك ديار

لا صرت راعي صلاه ومرضي امك وابوك
لا ضاقت الأرض تضرب راسها فـ الجدار .

[‏᷂عسر٨٨ @Qhta10ni]

لاتخلي في رقبتك لخلق الله جميل
الجمايل في رقاب الرجال مكلفه

القبول الزين والجود لو حتى قليل
قيمته قيمه وعذر الكرام يغلفه