عـلي 

لاتضع حياتك بأشياء لاقيمة لها .. فالعمر لايتكرر🫰🏻؟.

[عـلي  @ali_saeed94]

مانسيتك ياعذاب الروح لو انك عذاب
كيف بنسى وطيفك كل يوم يمرني

مابقى عندي كلام الا ظهر وسم الغياب
غير بيت في ضميري ، لا نشدتي تحبني؟

اييييه احبك وادري ان الحب قطاع الرقاب
طالبك خذني وخلف الضلع الاقصى خبني ..

[عـلي  @ali_saeed94]

أسعد الله صباح الغالي اللي تغلّا
ومستحيل ايتغلّا شخص ماهوب غالي

يا حبيبي بعد طول البطى ما بقى إلّا
الجواب الحقيقي منْك على سؤالي

الغلا والمحبّه باقيه صدق ولّا ؟
إخدعتْك السنين وغيّرتْك الليالي !

[عـلي  @ali_saeed94]

وليفي عساك من الزمان وغثاه مجار
نسيت الوعد ولا تناسيت صارحني

من أيامنا وش عاد باقي من الاعمار
اذا منت مداوي جروحي لاتجرحني

اظني سمحت من المواعيد والاعذار
مع اني مهب بأدناة حاجة تسمحني ..

[عـلي  @ali_saeed94]

المهم أني فقدتك وشفت من العذاب
اللي خلا خاطري ضايق وقلبي حزين

ي صوابي من غيابك ويا كبر الصواب
مستحيل يردك الوقت اعرف الوقت زين

حمل كتوففي بـ حمل تثاقله الركاب
من صواديف الليالي وسكات السنين

منّ سمعني قال شايب وانا لازلت شاب
ومقتنع..والحمدالله رب العالمين..

[عـلي  @ali_saeed94]

خذاه النصيب ولا عطاني سوى فرقاه
و دفعت الكثير اللي وراي وتخسرته

يقولون دور لك على مثله وشرواه
و أنا اقول ذا بابٍ فتحته وسكرته …

[عـلي  @ali_saeed94]

،

عاد صوته فالمسامع وزوله فالعيون
وعاد له بين الحنايا مداهيل ومحل ..

[عـلي  @ali_saeed94]

.

ماذا فعلت بقلبي حتى أتذكرك دائماً..؟

[عـلي  @ali_saeed94]

.

لافقدنا شخص تكثر فـ الدروب اشباهه
كن وجهه في وجيهه العابرين يوزع ..

[عـلي  @ali_saeed94]

أحنه من الدنيا و أحبه نقا و أغليه
وهو بالغلا عندي يجي بعد شيباني

واداريه حتى من النسانيس لا توذيه
واخصه بدعواتي لاصليت وانساني

له عهود قلبي تالي الوقت وماضيه
ما ابدل مكانه لو يقفي ويجفاني

بعوّد على العزله واردد قصيدي فيه
وهو لو قسى وقته بيرجع ويلقاني ..

[عـلي  @ali_saeed94]

ليه وجه الصبح ينشدني وكنه داري
وين خلك ليه ما صبح على اغلى ناسه

والله ان الصبّح ما جاب لغيابك طاري
بس انا مشتاق وابغى احطها في راسه .

[عـلي  @ali_saeed94]

،

هاتي صباح الخير معك وتعالي
انا من البارح .. مجهز لك النور ..

[عـلي  @ali_saeed94]

ترا حبك الطاهر على ما حصل موجود
تماري به ضلوعي و نفسي و وجداني

على عهدنا نبقى ولا نترك المقصود
اخذها من عيوني و اخذها من لساني ..

[عـلي  @ali_saeed94]

صاحبي ، مامرّ يوم إلّا ولك جيّه وروحه
وش بقى غير الطيوف اللي لها قد ومكانه
ٰ
كنت أقول إنّ المشاعر عنْك توبتها نصوحه
وأثرها عمرٍ مايعطى فيه عهد ولا ضمانه
ٰ
لاتحمّلك الخطايا هم عذر .. ولا سموحة
ارجع أنت .. وكل شيٍ فات يرجع في مكانه !

[عـلي  @ali_saeed94]

زل الوعد وانبح صوت المنبه
وانا على حطت يد الانتظارات

بهر دلال الوصل والشوق صبه
لا تقتل شعور الغلا فالبدايات

القلب لا منه كفخ من مربه
لايمكن يعود على فايت فات

ياعوق قلب اللي يحبك وطبه
تعال " واغتال الهجر والتشتات

اما تصبحني ،، صباح المحبه
ولا تصبحني صباح الشريفات )؛

[عـلي  @ali_saeed94]

أقبلي يمي ولا لك سوى حسن القبال
غير ترديد التراحيب ما أنتي لاقيه

مرحبا والساعة اللي تجيبك راس مال
في دقايقها نعيم القلوب الشاقيه

ليلة جادت بـ وصلك بعد شح الليال
ليلةٍ .. ماهيب مثل الليال الباقيه ..

[عـلي  @ali_saeed94]

،

علا طاري الغلا اللي مايبي له نشده وتبرير
يا كيف يسج منك واحدٍ ما غبت عن باله .

[عـلي  @ali_saeed94]

ما خبر قلبي على . . قلبك ردا
بس هجرك صابني في مقتلي

عاذرك عن كل حاجه ما عدا
كيف هالشهر ما باركت لي ؟

[عـلي  @ali_saeed94]

اتذكر يوم عادك تسولف لي واهيم
يا عساه ابرك مواجه مع ابرك سالفه
َ
عاد لك في جرهد القلب وعموق الصميم
حاجةٍ ماهييييب تنسى .. ولا هي تالفه

[عـلي  @ali_saeed94]

.

ماينتهي حبي لك لو طال البعد
تبقى في حفظ الله ثم عيوني . .

[عـلي  @ali_saeed94]

على النسيان ما مرَّ الطريق ولا كساك إنصاف
مثل ما اواجه أقدار العمر : ذكراك أواجهها

تبيِن بْكل غيمة ما تضرّ ــ وكل غصنٍ جاف
أشوفك فالوجيه اللي أحبّ، وفاللي أكرهها