احس اكس مافيه الا السعوديين
سناب الكويتين
انستقرام و تليجرام العراقيين
الفيزبوك المصاروه
التيك توك باكستان مدري بنقلاديش على هنود
الواتس اليمن
يوتيوب للشوام بشكل عام
باقي الجنسيات اسفه لكم خلو شي ان يسوي لكم تطبيق
الموظف هذا كانه انا 😭😭
في مره جتني انا وموظف حواله ماليه ومكتوب علاوه من جهه غير شركتنا
ومن اصبحنا وهو فاتح تحقيق مع الكل انت وصلتك؟ومن وصلته!!
والين سألني قلت ايه جتني
قال بتراجعينهم!! قلت له لا صرفتها😴
بغى ينهبل انتي شلون تصرفين شي ماتعرفين ليه جايك!!يمكن بالغلط وتنكبين العالم !!!والله ماهو ذابحك الجوع يوم انك تصرفينها بليله !!
قلت له اذا راجعونا برجعها لهم عادي😴
قال انا براجعهم!
قلت له انت حر راجع بس انا اعتبر اي شي دخل حسابي حلالي
انجلط صرت بنظره طماعه 😭
عاد بعد المراجعات طلعت مستحقه
الحمدلله 😂
بما ان اليوم دوري في زيارة قريبتي تذكرت كلام كل ماجا دوري تذكرته
في وحده من الاقارب كبيره بالسن ومامعها الا العامله و ابوي موصينا انا وخواتي او ملزمنا بشكل اصح كل اسبوع وحده تروح عندها تشوف امورها والي ينقصها وتنظم علاجاتها وتشيك عليها وتونسها واذا عندها موعد تروح معها
وهذا الكلام ماهو جديد هذا له عشر سنوات تقريبا من لما انا كنت مراهقه ووقتها كل مره انا لما يكون دوري اسوي مناحه وانا وش دخلني انا ليه اروح هي ليه مايجونها عيالها وووو وكل مره اهلي يطنشوني ورعه صيحي لين تطفشين
الين مره قلت هالكلام عند امي الله يرحمها وعطتني كلام لليوم كل ماجا دوري اتذكره كأنها قدامي قالت لي اول شي قولي الحمدالله الي سخرنا لها انتي هذي الانسانه ماتدرين وش الاجر الي بيجي من ووراها ووش البلاء الي بيندفع عنك وانتي كل الي بتسوينه شي بسيط ماراح ياخذ من وقتك ولاهو كل يوم هو مره بالشهر و انتي مفروض تنظرين لها نظرتين نظرة انها هي باب خير واجر لك ونظرة انها ماعندها بنات وانها مالقت فعيالها بركه ولا ربي سخرهم لها ترا هالشي يوجع القلب يوم الوحده تحمل وتتعب وتربي ولا كبروا كلن لهى بدنيته وتركها لاعاد اسمعك تقولين كذا وبتروحين ماهو عشاني ولا عشان ابوك عشان نفسك عشان بكرا تلقين هالي تسوينه قدامك
وقتها الصدق اني مشيت معها استغفرالله وكملت اروح وانا مغصوبه وماني حابه الشي هذا
لكن الان بعد عشر سنين انا اتمنى لو طالت ذيك الجلسه وكثر الكلام والان صرت اروح بكل حب وانتظر دوري عشان اجي عندها واخدمها واعطيها عيوني لو تبي 💖💖💖
بصارحكم بشي
تدرون إني أكره اللي بعد انتهاء العلاقة يقعد يقول بتندم علي وبتتذكرني وبتدور علي وما تلقاني؟
صدق أستغرب يعني أنت تقدر تتجاوز أو حتى تكون فعلًا مكسور لكن لا تقعد تكذب على نفسك بكذبة زي هذي
اللي يبيك وما يقدر ينساك ما راح يتركك من الأساس
وعلى كل حال ترى بينساك ولا بيدورك ولا بيندم
فكونا من دراما الأتراك الله يخليكم
آه أبي زوجي يكون لسانه حلو و24 ساعة يغازلني ويهديني أغاني وقصايد أبيه خفيف دم يضحكني وطول الوقت رايق أبي وجوده لحاله يونسني ويخليني أضحك من قلبي مستعدة أتنازل عن كل شيء مقابل هالشرطين
حلاوة اللسان وخفة الدم
@B7733391281045 مؤسف فعلًا أن تصبح نظرة المرأة لنفسها مرتبطة بوجود رجل أو غيابه لكن أظن أن كثيرًا من النساء لا يفقدن القدره على رؤية أنفسهم بل يتعبن من تكرار الخذلان
هي جميلة جدًا مبهرة ولافتة غايةٌ للكثيرين يراها الجميع مرغوبة بينما تخفي في داخلها امرأة أنهكتها فكرة أن من يرغب بها سيرحل ما إن تفتح له قلبها
لا تعرف ما الذي ينقصها ولا لماذا يصبح الرحيل أسهل من البقاء معها كل تجربة كانت تترك في داخلها سؤالًا جديدًا وجرحًا أعمق أهي صعبة؟ أم مملّة؟ أم أن فيها شيئًا لا يستحق البقاء؟
كانت تدفن وجعها حتى لا يراه أحد ومع كل خذلان كانت تفقد شيئًا من لينها حتى احتمت بقوقعتها وأغلقت قلبها… لا لأنها لا تريد الحب بل لأنها تخاف أن تصدّق أن أحدًا سيبقى ثم يرحل ويتركها تتساءل لمرة الأخيرة
ما الذي كان ناقصًا فيني حتى لم يستطع أحد أن يحبني بما يكفي ليبقى؟
وأعود إلى المرآة
إلى ذلك الوجه الذي لم يتغير بينما تغيرت المرأة التي تنظر إليه
أحيانًا ألمس خدي كأنني أبحث تحت الجلد عن تلك الفتاة التي كانت تعرف أنها جميلة دون أن تحتاج إلى شاهد
لا أجدها
فقط أجد امرأة تعلمت أن تخفف ضحكتها
أن تخفض صوتها
أن تختصر وجودها
أن تنسحب قبل أن يُطلب منها الانسحاب
أن تترك الباب مواربًا دائمًا لا لأنها تنتظر أحدًا
بل لأنها لا تريد أن تسمع صوت إغلاقه مرة أخرى.