الـذّرب

إذا استعجلـت في صلاتك ! فـتـذكَّر أن كل ماتُريد لِحاقـه وجميع ما تخشى فواته بِـيَـد من وقـفـت أمامه … !

[الـذّرب @althaarb]

أستغفر الله اللذي لا إله إلا هو الحي القيوم وأتوب إليه
..
سبحان الله
الحمدلله
لا إله إلا الله
الله أكبر
لا حول ولا قوة إلا بالله

[كساب @xx78028]

الله اكببر عليه والابداع اللي بدون تكلف 👏👏

هديةً طيبه من شايبً طيب
بعض السلع طيبها من طيب راعيها

ما تنصف النصف لا بكرً ولا ثيب
لو اني ابحث لها مانيب لاقيها

زرعان بن سعود الاكلبي .

[سلمان بن حثلين @S_H_188]

قصيدة ناااااارية كالعادة أمام سيّدي ولي العهد
يُلقيها العقيد د. "مشعل بن محماس الحارثي" .

.

ما يحمي الدار غير طوال الايماني
وقومٍ تهقوى بنا (نقصر شواربها) 🇸🇦🔥

[فهد البقمي @FahdAlbogami]

احذروا على اطفالكم من مايسمى
( تعفن الدماغ Brain Rot ) …
سببت كرههم للخروج من البيت
وممارسة طفولتهم بشكل طبيعي
وخلتهم يملون بسرعة ولا يرضيهم شيء
ومهما تسوون لهم يحسسونكم إنكم مقصرين…

[حمد الخضيري @hamad_alkhudiri]

تدريب عملي يوضح كيفية التصرف إذا جرفك الوادي -لا سمح الله- .

شاهدوا المقطع لأهميته.

[وهّاج @_3jim]

بسمتك تجعلني أزهد في حياتي و أغوي
وش تبي مني تبي عمري ؟ جعل عمري فدا

_ محمد جارالله السهلي

[فارس السميري @vv_851]

"ذلول النصافي"

صاحبي في مشاوير الديار البعيده
معك الايام ، تفرض جيّتي وانصرافي

بيني وبين عذبات الليالي قصيده
أرقَب "سهيل" فيها يوم غنّيت قافي

كيف ارد الجميل اللي لـ " داوود" جيده
مثل جيد المهاه اللي تروز الفيافي

جيت له يوم جت بي والمزاهب زهيده
موقفً ما يطاق و صاحبً ما يوافي

وانتصر لي وانا ماني على ما يريده
" جعل الايام تبطي بالرفيق متعافي"

اكبر من المدايح و القصايد ، رصيده
من معاريفه اللي مثل "وضح الشرافي"

المواقيف تصغر ، بالعزوم الشديده
والليالي خوافيها ، تبيح الخوافي

والمشاريه احد من الرهاف الحديده
بين كبوة حصان و بين هقوة سنافي

من يسلّم مشاريه الرياجيل قيده
لا يعلّق رجاها في " ذلول النصافي"

ما كتبت القصيد أردّده و أستعيده
حسّة(ن) فالضمير تطلّع الشعر صافي

اصخره في مواقيف الرجال المجيده
واقطفه من مرابي " عامرات المدافي"

مرهقات القلوب معاملات المكيده
موردات الاصحّا ، للثرا و المشافي

نازح البعد ما خلّا لـ قلبي شريده
دونه البيد صفحه ، و الركايب قوافي

ما يعبر المفاوز غير ساعي بريده
لو تهيّا مطارات الدول و المرافي

يسمل الحال في عز الحياه الرغيده
لا تجاهل مواصيلي و صدق اعترافي

لو تصادمت مع حكم الظروف العنيده
" منه حلو العناد و منه حلو التجافي"

[محسن بن مترك @aprvip]

ياسارقة نظرة الاعجاب من كل صوب
انا ماحب الطريق اللي عليه ازدحام

ياما تجاهلت لاجل انجا بـ قلب طروب
لي فتره اصد به ويردني لـ الغرام

خذنا من الحب مايكفي ونبغا نتوب
وفي كل حاجه ما أخذنا غير ذروة سنام

نعرف نصيد الجوازي بالحيّل والسلوب
وتردنا الشيمه اللي ما عليها ملام

حنا نعرف الكلام اللي يخطف القلوب
ونعرف حتى الكلام اللي يجر الكلام

بعد الثلاثين لو اسرق لسان الكذوب
ماتعبر خطة التمويه كذبت همام

ياصغر قلبي ليا ذعذع نسيم الهبوب
وياكبر عقلي ليا جات الامور الجسام

كبرت عمري على شان اتفادى الذنوب
وصراحه ان عمري العقلي ثمانين عام

ون قلتو الغطرسه باب الجهل والرسوب
قلت الجهل لا جهل قدرك صغير المقام

صحيح ماني على بعض الكلام مغصوب
لاكن توضيح من باب اكتمال المهام

ياكثر ما اصد عن جربٍ تحك الجنوب
تقدير لـ الشاهد اللي من وسوم الحشام

اقدر اللي يضيق بي وساع الدروب
واكره من يشوف رد الاعتبار انتقام

تبآ لمن يحسب ان الصمت خطة هروب
وشكرآ لمن يعرف ان الصمت حنكة اكرام

قنعت بـ أن التغابي فالعلاقات نوب
يمشي الوضع لو ماهو على مايرام

واللي يشوف التجاهل عيبٍ من العيوب
طبيعي انه يشوف المستحبه حرام

على العموم القصيده جات وقت الغروب
وموضوعها كان ( داخل دايرة الاتهام )

كتبتها وامطرت بالشعر دهم النصوب
اللي مطرها شرايد فكر ماهو غمام

كان البدايه سؤال وكان صدري رحوب
وصارت تجارب وسيرة شاعر بشكل عام )؛

[سليمان السهلي @ALshemasyah]

#العرض_الصيفي
تبي تاكل خبز بدون اي مشاكل ولا سمنة لازم ترجع للقمح القديم والزراعة القديمة على المطر فقط. وهذا ما نحافظ عليه بالشماسية بالقصيم منذ مئات السنين. محصول هذا العام بين يديك 2025
- إذا لم تكتشف بأنه أفضل قمح ذقته بحياتك فهو مجاني
#السعر_قبل 450﷼
#سعر_العرض 345﷼
#شحن_مجاني
#وزن_40ك
- خذ كيس وخله بالفريز يكفيك سنة.
#واتساب_المبيعات
0535985848
https://t.co/JwDX0c2r9T

[عبدالله السراهيد @Alsraheed]

الواثقين « يحدّدون » المسارات
مهما الظروف القاسيه تعترضهم

تحكمهم أحكام الشيم والقناعات
ما يحترون ( أحلامهم ) تفترضهم

واللي ما تلزمهم ، مبادي وعادات
فيهم مرض والله يشافي مرضهم

يجون ويروحون .. مثل الفقاعات
كالعادة يدفدف بعضهم بعضهم

[مقعد بن كديس @Abnkdees]

#بيان ابناء محمد الباتل "رحمه الله"

[الـذّرب @althaarb]

@sahraachannel

نبي تردد القناه على عربسات

[الـذّرب @althaarb]

@MAlsyahd @rakaanj

نتمنى من مجلس الصياهد إظافة حلقة مجلس الصياهد كامله فاليوتيوب كما فالسابق حتى من فاته اللقاء يرجع لليوتيوب لمتابعة اللقاء وشكراً

[عبدالمجيد الشيباني @mjeeed852]

اولاً / نشكر الشاعر #سلطان_الجلاوي على كلامه الواضح الموزون حينما الجم من سأل ذا السؤال الذي خلفه الف استفهام وتعجب لان السؤال وراه مقصد 🤔

لاكن ابو نايف حط النقط على الأحرف واشاد بابن عمه #سفر_الدغيلبي وذكر انه هرم وركن من اركان الشعر 👌🏻

أنا لا اعلم ماذا يسعون له !؟

هل برنامج #ليالي_الجادة برنامج يوعي وينقل صوره مميزه للفعاليات او برنامج يسبب زعزعه وفتنه بين الاقارب وصنعها ؟

للأسف شاهدنا مادار مع البقمي والليله الاخرا أتى بابن عمه لك الحق ترد وش ذا التشتت في المواضيع الغير هادفه وغير مفيده للمشاهد !!

هل السبب المذيع لاحضنا عدم سيطرته على المجلس والكل يسولف وهو اغلب الوقت ساكت ..

#جادة_الإبل_بالطائف

[الـذّرب @althaarb]

@ly9930136787789 @bin_shman رقمه مسجل في حسابه ادخل على حسابه وتشوف رقمه واضح

[عبدالعزيز بن فارس السويلم @abdelazizswelm]

ابن ضحيان في الشلفا مضاريبه
مثل مضاريب شلفا ذياب ابن غانم

حتى لو ايجيه ابن لبدان وصحيبه
من واجهه فالتحدي مارجع سالم

عامين والشوط يسرح له و يقفي به
في صيهد منيف شافوا وقعه العالم

🔥🔥🔥🔥🔥🔥🔥 حي ذا العود وعياله 👏

[الـذّرب @althaarb]

@a7mad_k_ صباح الخير أحمد

عندي بعض الأستفسارات ياليت تفتح الخاص او يكون فيه وسيلة تواصل معك

[زايد بن ذعار @zaiid_503]

القصيده الحاصلة على الكرت الذهبي في اولى حلقات شاعر القمة في الأمير الراحل بدر بن عبدالمحسن (رحمه الله )

يدري الله فيّ وتجهل الناس حالي
انا مع كُل موتة طيب اموت حرّه

[الـذّرب @althaarb]

@HJHAlathba ؟؟ ليش تخفيض غرامه العبث المفروض يتم تدبيل الغرامه والتشهير بأسم العباث ليكون رادع لهم ويفكون البل من شرهم

[سعد السبوق🇵🇸 @saadalspoq]

لاتزهموني الى جات الامور الجسام
مهوب انا اللي على الماجوب يبغي زهم

ماجيت ابظهر على الشاشة و اثير اهتمام
تبّت يد اللي يدور من وقوفه مهم

كان الحمايا جريمة و الوقوف اتهام
عدوني الليلة اكبر مجرم و متهم

ما غايبوا صلب جدي من كبار المهام
وش خانتي كان مالي بين ربعي سهم

#سعد_السبوق

[محسن بن مترك @aprvip]

ليا حن رعاد الطواري وبرقه لاح
تلاحم خيال الشوق وآنقادت قنوفه

تخلويت بالذكرى القديمه وبالمسباح
وعطيت القصيد امناه والحقته شفوفه

اجسد به الواقع واخاطب به الارواح
اللي تشعر بقيمة معانيه وحروفه

قنصت الشوارد دون رحله ودون سلاح
لو ان قنصها يلحقني ارهاق وكلوفه

احلق معى النسيان وارجع على الملواح
على الماضي اللي شمس رجواه مكسوفه

طوال المساري ماتكفي عن المسراح
لاغنى الهجر صوته على كل معزوفه

احاتي نصيب صار كنه حصاة ارزاح
وحض ركابه للمقادير معسوفه

حذفت الرشى بين النواعير والمياح
وقفيت اردد ماعلى الفايت حسوفه

اشوف الزمن خداع والمبغضين اشباح
وعين الرضى عند اكثر الناس مكفوفه

صدوف الليالي كنها السارق المزاح
ورى كل سلوة خاطر تسوي بروفه

ياكم فرحت متضايق وضيقة مرتاح
مخاسيرها فـ العمر ماهيب مخلوفه

الايام حمّل بـ المصايب وبـ الافراح
ودوراتها بالخير ،، والشر محفوفه )؛