اللهم صل و سلم و زد و بارك على سيدنا و نبينا و حبيبنا محمد خاتم الانبياء و المرسلين عدد ما ذكره الذاكرون في كل حين و عدد ما غفل عن ذكره الغافلون ، صلاةً دائمة إلى يوم الدين 🌷
اسمع لـ ضيدان و سعد و امرؤ ألقيس
" و امر شارع ، يسكنونه عربها "
👇🏻
البارحه بيني و بين الهواجيس
نارٍ على صدري تزايد .. لهبها
كم لي و انا ادحر و اتعوذ من ابليس
و ابليس ملعونٍ ، يزوّد حطبها
عن هرجة الساقط و وجه الدنافيس
صدّيت لي صدّه تساوي ذهبها
اسمع لـ ضيدان و سعد و امرؤ القيس
و امر شارع يسكنونه عربها
و اطرقت راسي لـ الشعر و النسانيس
و ابدعت لي عصمًا تكاشف زهبها
لا يغرك المظهر و خلف الكواليس
مسرح جريمه و اعرف اللي سببها
يا مساعد ربيّع و محمد ابن فطيس
من شاف ريمٍ مستذيره و كتبها
من لام حادي العيس لا حاد للعيس
و مثلك مثل وضحى تزايد طلبها
شامت لـ ابو تركي بدهم الغطاليس
و انتي مثل نجد العذيه و حسبها
اذكر لامن شفت عين القرانيس
و المرهفات اللي خذت من هدبها
يا كيف ما اقدس محبتك تقديس
و لو اغترب صرتي بلاد اغتربها
اليا انشدتني ويش فن المراويس
قلت بدويٍ بنت شعره خطبها
ما يعرف الا الجنون المحابيس
اللي ليا من فرّعت يرتقبها
في ساحة الشعّار له خير تكريس
كنه يقول الشمس محدٍ حجبها
…🌷
اسمع لـ ضيدان و سعد و امرؤ ألقيس
" و امر شارع ، يسكنونه عربها "
👇🏻
البارحه بيني و بين الهواجيس
نارٍ على صدري تزايد .. لهبها
كم لي و انا ادحر و اتعوذ من ابليس
و ابليس ملعونٍ ، يزوّد حطبها
عن هرجة الساقط و وجه الدنافيس
صدّيت لي صدّه تساوي ذهبها
اسمع لـ ضيدان و سعد و امرؤ القيس
و امر شارع يسكنونه عربها
و اطرقت راسي لـ الشعر و النسانيس
و ابدعت لي عصمًا تكاشف زهبها
لا يغرك المظهر و خلف الكواليس
مسرح جريمه و اعرف اللي سببها
يا مساعد ربيّع و محمد ابن فطيس
من شاف ريمٍ مستذيره و كتبها
من لام حادي العيس لا حاد للعيس
و مثلك مثل وضحى تزايد طلبها
شامت لـ ابو تركي بدهم الغطاليس
و انتي مثل نجد العذيه و حسبها
اذكر لامن شفت عين القرانيس
و المرهفات اللي خذت من هدبها
يا كيف ما اقدس محبتك تقديس
و لو اغترب صرتي بلاد اغتربها
اليا انشدتني ويش فن المراويس
قلت بدويٍ بنت شعره خطبها
ما يعرف الا الجنون المحابيس
اللي ليا من فرّعت يرتقبها
في ساحة الشعّار له خير تكريس
كنه يقول الشمس محدٍ حجبها
…🌷
عزة النفس عند تميم العريني عندما قال :
يا هنوفٍ تحسبيني تحت حكمك اسير
الكبر " لله "وحده ولا نرضى سواه
الحياه هذي محطة و " لله " المصير
ما خلقت ارضي ضميرك ولا بتبع هواه
لا رضيتي زان للطير فالجو المطير
و ان زعلتي قلت ما حنا على حزنك وصاه
عزتي عندي مهمه و لو مات الضمير
باقيه ما دام راسي على قيد الحياه
… 🌷
ياكثر ما تلزم الصمَت و عيونك تنوب
لحظة فيها لسانك رهين الإعتقال
— جابر النشيرا
لكن نبي نعطي عيونك زمام الكلام
خل النواعس تقوم و تدلِي بدلوها
— عبدالله السراهيد
خل الكلام من اللسان و اخذ الكلام من العيون
اذا بغيت تترجم شعور العرب . . و احساسها
— محمد الشمالي
عرفت ما تخفيه في صدرها لي
من واقع النّظرات منّي و منها
— عبدالله بن زويبن
… 🌷
﮼ ~ مزيد الوسمي ~ ﮼
كنت ابيك تكون شي .. و صرت شيٍ ثاني
و الخطا ما هو خطاك انا الخطا بعيونه
يوم اهيم بصوتك الفيروزي الرحباني
و اتخيل كل كلمة من فمك موزونه
خاب ظني .. ليت ظني فيك ما خلاني
ابني احلامي على حاجه ماهي مضمونه
و ليت ما جاني من احساس الندم ما جاني
شيٍ يحطم صميم القلب قبل ركونه
الجفا اللي عقب لذة و صلك الإنساني
و السلام البارد اللي عقب طول المونه
اعتذر لك عن خطاب اسلوبي الوجداني
الآدمي مهما حصل يبقى رهين ظنونه
… 🌷
الهوا ، حظّ و نصيب و دمعتي عذرا جفوني
للجفون سلوم و الدمعه تخاف من النقيده
ليه ؟ يا من تسرق الودّ ، من نظرة عيوني
ماحسبتي غيبة اللي لا نوا الفرقا فقيده ؟
كنت اظنّك ما تعيشين العمر لحظه بدوني
و اثر ما للظن غير اللوم و لحون القصيده
ناصر مناحي
… 🌷
كنه سعد الهويدي اللي يقول :
بين النجوم المدبحه فارق بشكلك يا الجدي
مثل حبيبي يا الجدي في كل شيٍ .. ما عدا
انت البشر فالدرب لا من ضيّعت ، بك تقتدي
و الفرق ، من شافه غدا و اللي يشوفك ما غدا
تخلف عقول الناس و الكافر لا شافه يهدتي
و المسم ان شافه ما فكّر فـ الظلاله و الهدا
… 🌷
الشاعر الامير : سليمان بن تركي السديري
يوم حس ان الله بياخذ امانه كتب له قصيدة طويلة يوصي فيها ولده فيصل و هذي الابيات من عرض القصيدة :
اشوف ديّاني وقف لي على الباب
يبي الوفا مني و يطلب حسابه
ما ينّسي دينٍ تقفّاه طلّاب
الدين ما يوفيه كثر الطلابه
يا فيصل اودعك توديع من غاب
لا ترتجيه انه يجي من غيابه
غيبة دهر ماهي شهر عد و حساب
في مظلمٍ ينهال فوقي ترابه
ابيك لا تجزع و تفزع و ترتاع
ان جاك من ينعي و يشلق ثيابه
عمر البكا ما فاد حيٍ ولا ثاب
لو سر غيرك كان .. سر الندابه
… 🌷
جعله فالجنه هو من الشعراء اللي لو انه على قيد الحياه كان الان مايشوف اهل المعلقات السبع شي ، و ارثاه ابن عمه محمد ال شواي بمرثية ملئية بالحزن و في نفس الوقت مليئة بالعذوبة حتى في احزانهم عذبين و قال :
ثنا عود نسياني من الذاكره ذعذاع
على طاري اللي شتت الهاجس و لمه
ليا هب ذكرني غيابٍ بلا مرجاع
و انا في غيابه اخطي العلم و اخمه
ادوّر على درب الحزن للفرح مهزاع
لكن القدم تفكيري يسوقها يمه
غيابٍ فرا الاضلاع و اللي ورا الاضلاع
غدا اضيق من الخاتم و ذمة ابو ذمه
عفا اللّٰه عنه كثر قاف لفكره طاع
و كثر ما تموت الهمّه و يحييّ الهمّه
حصرت المشاعر فيه من باب (شي و ضاع)
بعد ما اكتشفت الذاكره فيه مهتمّه
بكته المراجل و الطواريق بالاجماع
و رجّالٍ بيبطي و هو ما نشف كمّه
وجيه الليالي تلبس من الغيوب اقناع
و صكاتها عجله و حنا لها يمه
كتبت القصيده من دوافع حزن و ابداع
و ابن عمٍ أستاجع من افراق ابن عمه
يقولون مابه قمة تستوي بالقاع
و انا اقول تحت القاع ودّعت لى قمه
… 🌷