عبدالله بن هندي

(انا مَثل ماني مِثل ) "شاعر حسب المزاج "السناب👇🏻J

[عبدالله بن هندي @amm_707]

الزله اللي ضيّقت صدري وانا صدري وسيع
من ( واحدً ) ما كنت،، ( متوقع ) علي ايزلها
.
الاوله والثانيه والثالثه بتذب ريع
اخوكم #عبدالله_بن_هندي

[حمد @79il7]

النشاما للنشاما ربي مسخرها
والرجال افعولها وشاح على اساميها

لا تقول الطيب وين ! الطيبين اكثرها
ما يحبون الهروج وفعلها يكفيها

لي رفيق يعشق الفزعه ولا يذخرها
قد وقف لي وقفه اتبيض وجه راعيها

الرجال تعد وقفاته وانا خابرها
وهو نسى من كثر ماهوب ايتجمل فيها

ابلج متجمل فيني ولا يذكرها
والله اني مذكره فيها وهو ناسيها

يا عسى يفداه من يقفي وهو يقدرها
الجميله في يديه تجيه ويخليها

- عبدالله بن هندي
@amm_707

[عبدالله بن هندي @amm_707]

@Fahad_Qatnan ينصر دينك انت
صح الله بدنك

[عبدالله بن هندي @amm_707]

ترى اصناف الرجال فمجتمعنا انواع واخطر نوع
ضعيف النفس لا دنس مجالس من يجالسها

مقادير الزمان دروسها تشرح لك الموضوع
تعلمنا وشفنا واستفدنا من مدارسها

لقينا اللاش يضرب فالشحم والكفو ميت جوع
وعرفنا ان النشامى عزها في عزة أنفسها

#عبدالله_بن_هندي

[عبدالله بن هندي @amm_707]

نور وجهك لا اجتمع مع الظلام الحالك
صارت القمرى ونور البدر ماهيب اللي

#عبدالله_بن_هندي

[عبدالله بن هندي @amm_707]

تراب الاراضي تفترق عنده الاخوان
واذا مات واحد منهم بندفنه فيها

#عبدالله_بن_هندي

[عبدالله بن هندي @amm_707]

@badriafaifi صح الله بدنك

[عبدالله بن هندي @amm_707]

حي الكريم اللي يهين المال ويحب الرجال
بنك المراجل والكرم لا قيل وين ابنوكها

اللي لا مر اسبوع ماشافوه في سوق الحلال
قامت مجلبت السمان تردها ف اشبوكها

#عبدالله_بن_هندي

[عبدالله بن هندي @amm_707]

ضروف الانسان مقدوره ومنحلّه
وضعيف الايمان فالعالم يعلّقها

اللي يحسب الفرج بيدين خلق الله
قولو له ان الفرج بيدين خالقها

#عبدالله_بن_هندي

[تواصل قبيلة القنازعه @alganazaah1]

مساهمة قبيلة القنازعةمن العبيدات غامد بمبلغ #408000# اربع مئة وثمانية الأف ريال في #عتق_رقبة_إبراهيم_ظافر_الغامدي ونسأل الله ان يرحم المتوفى ويعجل بخروج إبراهيم وتقربه اعين والديه في القريب العاجل والمبلغ محول على حساب الإمارة المخصص للدية ومثبت بإيصالات تم تسليمهالأصحاب الشأن

[تواصل قبيلة القنازعه @alganazaah1]

الشيخ/عثمان ابن سويعدشيخ قبائل بني كبير وصحبة الكرام في ضيافة الشيخ/مناحي ابن عشق يوم السبت الماضي وكان في إستقبالة الشيخ/مناحي سلمه الله وعددمن اعيان القبيلةوتخلل المناسبة عددمن المشاركات الشعرية ترحيباً بضيف الشيخ.ونتقدم بالشكر الجزيل للشيخ/عثمان سلمه الله على تلبية الدعوة

[عبدالله بن هندي @amm_707]

ياللي تبا الطيب ترى الطيب في كل دار
لا تـحـصر الطيـبـيـن وتـنّـقصر دونـها

كانك تشوف الرجـال بنص عين احتقار
تـدور الايـام ويـجـونـك ويـعـمـونـهـا

#عبدالله_بن_هندي

[عبدالله بن هندي @amm_707]

@Fahad_Qatnan هذا عظيم يابو قطنان
صح الله لسانك

[عبدالله بن هندي @amm_707]

من يشعل الفتنه يمينه للعطب
جـعـله ليـامـن شبـّها يـطـبـّها

اللي ليامنه سمع طـاح الحطب
يجيـك شايـل ليـفـته ويشبـّها

#عبدالله_بن_هندي

[عبدالله بن هندي @amm_707]

@zafr_frhan مشتاق شوق الفقير لشوفة الحاجه
اللي يبي مُلكها " والحاجه" ترده

[سليمَـان . @suij_5]

في نظري أصعب مرحله ممكن يمر فيها الإنسان هي اللحظة اللي يبدا فيها يعاتب قلبه على الشوق اللي يحمله لمحبوبته ويقول فيها الشاعر : عبدالله بن هندي

يشب الشوق ناره والهواوي فيه مايكفيه
أثر قلبي هو اللي قرّب الولعه من الليفه

ولكنه عاد يبرر لقلبه يوم قال :

تلومونه ؟ وقلبي مايلام اليا فقد راعيه
فقد راعي محله ياجماعه مافقد ضيفه
@amm_707
يا ا ا ا وّك .

[عبدالله بن هندي @amm_707]

تمهلت واهملت المطالب ونلت الجور
واثـر نيـلـها بالغـلب ماهـوب بالـمنـوه

لا تعـذرني بوصـلك تـرى ماني بمعذور
ديـارك بعيـده وانـت تـستـاهل العـنوه

#عبدالله_بن_هندي

[عبدالله بن هندي @amm_707]

لا جمعنا الحب ووجيه العواذل ولّت
ألبسي تاجك وقومي واعتلي في عرشك

كل ما اذكر غيبتك ودموعي اللي هلّت
قلت اجل وشلون لو اني موادع نعشك

كنت ماتطرحني سْيوف العداء لا سِلّت
كيف اصارح ربعي ان اللي طرحني رمشك

#عبدالله_بن_هندي

[عبدالله بن هندي @amm_707]

نطحوني نجد وانسام الهبوب البارد
ناوي اقفي عن دروب العشق والعشّاقه

المواصل وارد ودرب المفارق وارد
والصراحه والله ان معاد فيني طاقه

والله اللي ماتبعتك يالغزال الشارد
البدو مايتبعون الا المطر والناقه

#عبدالله_بن_هندي

[عبدالله بن هندي @amm_707]

خشم البنادم دوب جلدً وغضروف
لا يرفعه .. حتى الخشم فالبهيمه

#عبدالله_بن_هندي

[عبدالله بن هندي @amm_707]

ضايقً صدري وفي قلبي حسوس
والدموع ادنى سوال ايهلها

والله ان كبدي تقلّب فوق موس
لا اقدر احميها ولا ابرد غلها

اتباعد لين تاخذني الهجوس
عقدةً يصعب عليكم حلها

داخلً حربً مثل حرب البسوس
والضروف سيوف يوم اتسلها

ضيقةً تفرح بها ضعاف النفوس
( وانا كنت اهينها واذلها )

#عبدالله_بن_هندي