مـروة

زوجة ثمّ أم، أتفكّرُ مليًّا في قولهم: "أتَقبَلُ أن تُجَرِّبَكَ الحياةُ ولا تُجرِّبها؟".

[مـروة @anothermarwa]

أول مرة بفيق أنا والبشر سوا دائماً فايقة لحالي
شكراً كأس العالم

[مـروة @anothermarwa]

🤯🤯🤯

[سياق @isyaaq]

وقَبَّلتُ رسمَ الدارِ حُبًّا لأهلِها
ومن لم يجد إِلا صعيدًا تَيَمَّما

ابن خفاجة

[مـروة @anothermarwa]

مبارح كان في أمسية لحذيفة العرجي -اللي ما بحبه بالعادة- بجدة وكان حاضر حاتم نجار -اللي أتفق مع معظم آرائه إذا مو كلها- وأنا ما دريت إلا اليوم، بخصوص طيب كان نفسي أنهل قليلاً من العلم بصحبة العلماء

[ڡڃر @Faj11er]

«عصمنا الله وإياك من الحيرة، ولا حمَّلنا ما لا طاقة لنا به، وقيَّض لنا من جميل عونه دليلًا هاديًا إلى طاعته، ووهبنا من توفيقه أدبًا صارفًا عن معاصيه، ولا وكلنا إلى ضعف عزائمنا، وخَور قُوانا، ووَهاء بنْيَتنا، وتلدُّد آرابنا، وسوء اختيارنا، وقلَّة تمييزنا، وفساد أهوائنا» — ابن حزم

[الفجر البعيد @BRANCH1_]

«اللهمَّ أوتِد هذا القلب على ما ترضى.. أقِمهُ حيث ترضى، أمِتهُ حين ترضى» يا ربّ يا كريم*

[مـروة @anothermarwa]

من الشغلات الفخورة فيها أيضاً إنو المحشي من الأكلات -القليلة جداً- اللي عملتها قبل ما إتزوج حتى، واضح لكم كمية الحب تجاه الاختراع هاد؟

[مـروة @anothermarwa]

عملت أكلة محشي سفاحة جبارة قتالة مستحيلة قد ما طيبة، شكراً لأهلي لأنهم علموا لساني يدوق الأكل الطيب وبالتالي يعرف يوصل له ويعمله.

[مـروة @anothermarwa]

وفليفلة خضرا جمبه
وفليفلة حرا حسب الرغبة كمان برانية مشان حرحر وبرّد عمزاجي

[مـروة @anothermarwa]

أساسيات المحشي بالنسبة إلي كالتالي:
- بهارات الحشوة ملح وفلفل أسود فقط لا غير
- الحشوة مكس سمنة وزيت زيتون
- المرقة مكس صلصة طماطم وعصير طماطم طبيعي
- أرض الطنجرة لازم عظم ولية عشان المرقة تطلع مفيدة وطيبة
- التسويكة خطوة مهمة يتجاهلها البعض

[مـروة @anothermarwa]

التسويكة هي نقع الكوسا والبيتنجان بمي (مية شرب) وتوم مدقوق ونعنع يابس وملح لأطول فترة ممكنة (من ساعة إلى ١٢ ساعة لو حافرين قبل بيوم)، بعدها بنشيلهم من المي بنحشيهم وبنصفهم بالطنجرة وبننزل عليهم هدول الميات مع البندورة اللي حنضيفها وشكراً وعفواً.

[مـروة @anothermarwa]

@As982s تشوّه شرياني وريدي AVM بس حجمه صغير أو هيك فهمت عالأقل (٣٧مم)، بعضهم قال علاجها عملية وبعضهم قال بأشعة معينة وبعضهم قال اتركوها طالما مو عاملة أزمة ونوبات وهيك، للآن ما قررنا شو حنعمل الله يختار الخير

[مـروة @anothermarwa]

بفترة حفلة تخرجي بالجامعة وشدة انبساطي اكتشفنا مشكلة بالدماغ عند أختي، تشوه بالأوعية من الولادة (عمرها ٢٢) أو شي هيك ولازمه علاج والموضوع مقلق وكنت مستحية انبسط لأنو أهلي مكتئبين بهاد الخصوص.

[د. بيان جانوديْ. @janoudi00]

كلّما تذكرت أن "لَلَّهُ أرحمُ بعبَادِه من هذِه بوَلدِهَا" هدأت.

[مـروة @anothermarwa]

هلأ لما هدي الموضوع بالنفوس وتقبلناه وعم ندور على أنسب طريقة للعلاج والكل تمام فقررت أعمل حفلة تخرج صغيرة لرفقاتي، بابا طلع عنده كتلة على الكلية وشاكّين إنها سرطانية ولازم تنشال، الحمد لله على كل شي ويارب تعافيهم بس حاسة إني سخيفة جداً فاهمين؟

[مـروة @anothermarwa]

هي شخصيتها هيك كإنسانة مو كأم فاهمين قصدي؟ يعني هي هيك مع كل الناس مو بس مع عيلتها، كتير متعب لإلها وللناس صراحة دعواتكم بالتغيير للأفضل.

[مـروة @anothermarwa]

حياة ماما صعبة
كتير بتفكر
بتفكر كتير
بتفكر زيادة عن اللزوم بكل شي بيخصها أو لا
بالتالي دائماً مهمومة وقلقة ومتوترة وموتّرة اللي حواليها معها

[Marwa @marwaalhafizz]

"يا ما أُغَيْلى بعَيني حُسنَ منظركُمْ
يا ما أُحَيْلى مثاني ذِكرِكُمْ بِفَمي.."

-محمد مهدي الرواس.

[مـروة @anothermarwa]

مرات بحب إني أخت كبيرة

[مـروة @anothermarwa]

المهم أنا فوراً رفضت -ما دخلني بس أبديت رأيي إنو ما مناسب لأختي وللعيلة- وماما وبابا لسبب ما تحمسوا له وعصبوا إني عم اتدخل😭المهم سألنا عنه وطلع عنجد ما مناسب فكنت سعيدة إني أثبتت إنو عندي نظرة ثاقبة ولازم المرة الجاي يسمعوا كلامي

[مـروة @anothermarwa]

اختي خطبتها وحدة من الشغل
اكتر شي كوميدي لهلأ

[مـروة @anothermarwa]

وقال ابني صفحته عالانستقرام مفتوحة فيكم تشوفوه، ياخي السوريين مشكلة ما نحنا هيك هيك كتا حندور مافي داعي تحكي كتير وتطلعي بالمنظر البايخ انتي وابنك السوري التاني
قال كاتب بالبايو made with love in Syria وهو عمره فوق التلاتين، ما كبرنا؟