🌷

" يا واحـدٍ ماودي إلا بـه "

[᷂نحاوي @2lvdi]

كم لي و أنا فاقدك و أتفقدك في كل الوجيه
يا همي إللي لا أقدر أقوله و لا أحتلّت أكتمه

وشلون ما ترحم حبيبك و أنت حبك مبتليه؟
الدم يجري في وريده و أنت تجري في دمْه

وين أنت؟ ياقبلة هوى روحي و روحي تفتديه
يا من همومي تنجلي لا شفت ضحكة مبسمة :)

[᷂نحاوي @2lvdi]

لا ترجى رجعتي لك ولا تصنع أعذار
جزت من طرادة الحب هي و طروقها

كيف تبغى رجعتي وأنت من قلبي فرار
أنت تلعب بالمشاعر عبث و تبوقها

مات الإحساس و تنازلت و أعلنت القرار
و ماتت أشواق المحبين يا معشوقها

أقلعت طيارة الحب و أخلاها المطار
الكرامة قدمها و العزووووم تسوقها

ولا لقيت أسمك مع القائمة في الإنتظار
أنفرت منك المشاعر وخالص شوقها

جيت تبغى لك مكانة بعد طاف القطار
طافت الرحلة ولا شفت حبك فوقها

طارت طيور الغلا من شواهين و حرار
هاجرت يمَّ القطاعه تتل أسبوقها

كيف ما صنت المحبة ولا أحسنت الجوار
للمحبة حق و أنت؟ هضمت حقوقها

أحسبٍ من طب مختار في سوق الخيار
ما أنثنى خسران في السلعه و في سوقها

لين عايشت الحقيقة على وضح النهار
و شفت بعيوني جفّي السنين و عوقها

والله إن لك بين حدب الضلوع العوج دار
و إنك أغلى من دموع الحزين و موقها

أوهموني بالمحبة قصيرين العمار
جعل جلّاب المنايا يدل حلوقها

أتصنع بالسعادة و أقول إني مجار
و السعادة في الهوى ما عرفت أذوقها

و أتحلى بالشجاعة و أقول الذل عار
و أطلب الله بالقطاعة تلوح بروقها

أحسب إني فزت و أقول أنا رديت ثار
ما حسبت حساب طعناتها و فتوقها ؛)

[᷂نحاوي @2lvdi]

أغيب ما تسأل ولا تقول وشفيك ؟
وتقول أحبك كذب ماهي حقيقه

اللي تحبّه لو دقيقه يخليك
تقّوم الساعه عشان الدقيقه ؛)

[᷂نحاوي @2lvdi]

أن كان مالك نفس قلّي ومسموح
ولا تكرّهني بنفسك وأنا أغليك

الروح ماتجبر على معرفة الروح
فكّر وعطني صامل العلم وأعطيك

أن ماحصل من بيننا ضحك ومزوح
بالغصب ؟ ماني يا أريش العين باغيك

ما أبيك تنهي صادق الحب بجروح
أبذكرك بالخير // لا حلّ طاريك ؛)

[nana @anj1_i]

يالبيه ياوجهٍ عليه — الرضا معقود
اشوفه وأشوفك في سنيني معوضني

علي نذر لـ أمسح شيب دقنك بدهن العود
وأضمك لو الدنيا ———وأهلها تعااارضني "

3:30

[🌷 @ar490m]

لبيه لبيه يا صوت يناديني ..

[🌷 @ar490m]

ااه لو اقدر اكلمك:(

[᷂نحاوي @2lvdi]

أنا لو ينسيك الزمن ماني بناسيك
محبتك قصه ما أقدر أكتب نهايتها

لو الوقت يرجع قبل أعرفك وقبل أجيك
وقبل الهقاوي تنثني دون ، غايتها

بـ أروح أنتظر فـ أول مكانٍ جمعني فيك
و بـ أعيد تجربتي معك من بدايتها ؛)

[سآلم . @4mrri_]

فمان الله ياحبٍ طواه البعد والهجران
توارى وانتهى ماعاد له في داخلي باقي .

[ٍ @e1lri]

بعد سلامك وتوديعك نسيت السلام
كل شيء موحش بعد عينك ولا له طعم

تمر الأيام بعدك ما تشدّ أهتمام
كل التواريخ من بعدك مُجرد رقم

كبَّرتني بعد موتك كل يومٍ بعام
وأنا من أوَّل معاك بزحمة من النعم

والحين لو أتحدَّى في البكاء هالغمام
ما عاد تدري عن دموعي ولا لك عِلم

[🌷 @ar490m]

"يكذب اللي يقول ان المفارق عوااافي"

[🌷 @ar490m]

اسمع اهدائك كل يومٍ على طيفك :)

[عساك توحيღღ @23_MTA]

موقفي ثابت ولا غيّرت رأيي لو تغيب
راح أحبك لين مايبقى شعور تبادله

الحياة العادلة إنّك تكون آخر حبيب
لو أدوّر لي حبيب بغيبتك مو عادلة

بجلس أحبّك إلين أموت ما أعتبرك غريب
من يقول اللي رحلّ خلّه ماراح أجادله

الغلا لواحد يطيب الجرح وإلّا مايطيب
لو أقسّم هالمحبّة تخرب المعادلة

[᷂نحاوي @2lvdi]

طحت في حبك الجذاب من دون غايه
أفقد العقل ساعه وأسترده دقيقه

كل من لامني قلت أدع لي بالهدايه
البحر ما يطاوع موجه إلا غريقه ؛)

[᷂نحاوي @2lvdi]

(( ادعيك من سبّه، او بدون سبّه ))
ارتاح لاجا اسمك بطارف لساني

والله ماسلا خاطري فوق تبّه
ولا الخلا ولا الشعر والاغاني

الا مكان تحلّ فيه وتطبّه
واقول ذي داري وهذا مكاني

والى ضحك لي وجهك اللي احبّه
اقوم اضحّك كل حزنٍ بثاني
❣️

[᷂نحاوي @2lvdi]

أنت العمر وأنت المبدا وأنا فيك
هايم ولاغيرك جذبني هيامه

البعد من عينك وقربك وأراضيك
ضيقه وليلٍ مايفارق ظلامه

لو البحر وجباله السود تخفيك
ماردك من القلب والعين هامه

أنا غلاك الي يحبك — ويغليك
وذراك لو قامت علينا القيامه

[عساك توحيღღ @23_MTA]

اخترت درب الغياب وغبت عن مهتويك
وخليت بين الضلوع اللي تحبك وسم

اللي بقى منك جعل الله يستر عليك
حب نقشته على القلب ورسمته رسم

وطيوفك اللي تكون بين هذي وهذيك
ورسالة عتابك اقراها وانا مبتسم

ياليت عيني بدرب الوصل ماتحتريك
دام الليالي تقافت والفراق انحسم

[ِ @l6rr_]

كنت أقول إن المشاعر عنك توبتها نصوحه
و أثرها عمرٍ مايعطى فيه عهد و لا ضمانه

الغلا في كل يوم يطيح صرحٍ من صروحه
إدرك اللي باقي من الحب قبل يفوت أوانه

" لا تحملك الخطايا هم عذر و لا سموحه
أرجع انت و كل شيٍ فات يرجع في مكانه "

- عبدالله السراهيد

[هَـ @_i8ul1]

يحن لك قلبي وانا بالحيل مشتاق
ليتني كل ما أشتقت أقدر أشوفك

لا ما نسيتك كيف بنساك مادام
ذكرى الفراق تهزني لو نسيتك

وأكذب عليك إن قلت لك روح ماأبيك
عمرك سمعت بعين ترمي نظرها ؟

[وهـايب @iweb98]

ايه والله احبك احبك من ضمير
من يوم حبيتك وحبك ماهدئ

ومافيه غيرك في سما قلبي يطير
وحدك ترد الصوت والباقي صدى

مهما حصل مهما جرى مهما يصير
كل العيون تروح لعيونك فدئ

احبك احبك وببقى احبك للأخير
لاخر نفس لاخر رمق لاخر مدى