وهـايب

ما هُنا الا ذائقة شعريه لايوجد لها مقصود ..

[وهـايب @iweb98]

فمان الله ياول من سكن بين الضلوع العوج
عسى دربك سفير ويا عسى الله ما يخليني
ㅤ
توكل لاتوادع رح عسى درب الجفا المسهوج
يصادف درب فرقى عقبها ما تلمحك عيني
ㅤ
سمحت من الهوي ومن القصيد ومن زراق الموج
رميت أغلى مجاديف الغرام و جيت بايديني .

[وهـايب @iweb98]

أنت المبتغى .. وأبرك الناس و المطلوب
عسى الله يلوم اللي على شانك بذل جهده'

[وهـايب @iweb98]

'

[وهـايب @iweb98]

لقيتك مثل همّال السحايب في سنين عجاف
وخذيتك غيث يسقي هالجفاف ويأمن جزوعي .

[وهـايب @iweb98]

صباح الخير يا ضحكة العمر عقب النكايد،
يا سلوة الخاطر اللي مبطيٍ ما صفى جوه '

[وهـايب @iweb98]

لا تجلدين الذات وتقولين عن نفسك قمر
كان القمر آيه من الأيات .. فـ أنتِ البسمله

ترى القمر ما يكتمل زينه سوى نصف الشهر
" وأنتِ طوال العمر كله .. كامله و مكمله "

[وهـايب @iweb98]

يا ملح الحياة وشمس عمري وكل اشياي
أنا من لقلبي غيرك .. ليا انطفأ ضيّك ؟

فداك الزمان اللي مضى والزمان الجاي
حسافه يا عمرٍ قبل أعْرفك ما أهتدى غيّك

قليلك ، لا يهمك دام كله في سبيل رضاي
تراني عن كثير الناس - يغني نفسي شويّك '

[وهـايب @iweb98]

توحدت فيك المشاعر وإمتثل سيد الغرام
من يمينك لي يسارك هاك قلبي وأسعده

من عتب دنيا الهقاوي والتداعي والملام
والله انه جاك مني كل نبضٍ بجْهده

قم تنقى ما تريده من أحاسيس وكلام
لو بشاور ماعطيتك وإنت أصل المفرده

في ثنايا الغيم شفتك حلم يوردني الغمام
والأمل لو كان طيف وكل دربٍ يبعده '

[وهـايب @iweb98]

أرضيك لـو رضاك من غالي الجيب
خلنا نتواجه والقلوب اتصافى '

[وهـايب @iweb98]

تهلَي في خطاويك النسايم و السحاب يهلّ
واغني لك بصوتي .. بين برّاقه و رّعاده

قلايد من عقود الياسمين ومن عقود الفلُ
لعنقك وانت عنقك يستحق اكثر من قلاده

شعورك بالزهر فايح و شعرك بالمطر مبتل
و وجهك عادته يفتن وانا مفتون كـ العاده ..

[وهـايب @iweb98]

يالعفاف المهذّب والحيا والحشيمة
والجمال الحقيقي والوقار المهيّب

كل عينٍ ما تشبع من عيونك كريمة
ما لحسنك شبيه ولا لزينك معيّب

ما تهون المصايب والجروح الأليمة
لين شعرك من العود المعتّق يطيّب

وكل فكرة تغنّى فيك فكرة عظيمة
لين راسي يشيب ولين قافي يشيّب ..

[وهـايب @iweb98]

عطيتك زمام القلب في زحمة الخطار
ومن كثر ماهاب الجفى صاير اهابك

على نايف الاشواق والليل له سمّار
سريت بخيالي لين عانقت مرقابك

عطيتك مواثيق الغلا والسلام الحار
ولا جابك التقدير والشوق ماجابك

حفظت العتب والحب والجرح والاسرار
اخاف المشاعر من مفارقك تغتابك ..

[وهـايب @iweb98]

مرحبا بك في محلك ورى ملقى الضلوع
في مكان مابه احدٍ بوسطه … خاشرك '

[وهـايب @iweb98]

اشاور كل كلمه عالقه في قلبي المزحوم
وادوّر للطريق اللي يلوق بقدري وذاتي

بروح وما بقى لي من حنين وذكريات ولوم
تباريني وانا في وجه ربي من تلفّاتي

سلام الله على وجهك هذاك الواضح المفهوم
وملامح ما رسمها غير روحاتي وجيّاتي ..

[وهـايب @iweb98]

أنتي ولو مريتي بـ عمر آدمي حظه شحوح
ما عاد يبغى من عطايا الحظ حاجه تقنعه ..

[وهـايب @iweb98]

لا يابعد كل الكلام .. الي على بالك يدور
يفداك غروٍ يوم وليته .. على قلبي خلع

ما أنت الوحيد الي يعاتبني على قل الطهور
غيرك .. رفيقٍ ما يحسب حساب نوبات الهلع

كثر ما كنت امشي الايام .. يلحقني قصور
يمكن خطاي اني مانيب الي حبى والي ظلع

والله ما يسبق غلطتينك غير .. فدوه ومعذور
أغلط فداك الي مايبلع غلطتك .. والي بلع

وشلون أبقسى وأنت عودك هش وأحساسك ذعور
تبكي ليا ضيعت في كلمتك .. من زود الدلع

أنت الثمين الي على عنقك .. على عنقك غيور
يوم الرخيص من الاوادم .. لرخيص من السلع

لا صار يجذبك الكلام الي على أطراف الشعور
ليتك تعرف الي بغيت اطلعه ... ولا طلع

شفني ما قلت لطيفك الي ممتحني صف دور
وانا اعرف انه كل ماهيف خذا البال وشلع

وشفني وأنا وياك يـوم الارض وأهلها تبور
على كثر ما ماتت الاحلام الارض ما مات الولع

[وهـايب @iweb98]

ياللي عليك من الرضا والمشاريه
ما يختلف في حكمها كل قاضي

مرّه زعول ادناة حاجه تبكّيه
ومرّه تقول إنه على طول راضي

أرتاح من صوبي وقل ماتخفّيه
عمر الغلا ماهوب عمر افتراضي

قلبي لغيرك شي ماهوب ف ايديه
وأبعد عليه من السما للأراضي

أبطى وهو قبلك يخمّه ويخطيه
وأقنعته إن ما كل لاعب .. رياضي

الناس من بعدك هلا وأنت لبيه
الحاضر أنت وماضي الناس ماضي

[وهـايب @iweb98]

هواي العذب.. انا مالي وطن غير العيون السود
خذيني في كنفها لين رمشك يبسط ظلاله

على كثر الوجيه اللي تبين وتختفي وتعود
انا ما شفت مثلك يا غزالٍ شايفٍ حاله

تميل الريشة اللي فوق راسك مع هبوب النود
ليا جيتي ما بين الناس مغرورة ومختاله

ملامح يوسفيّة زينها راهي و لا محدود
اجلّ من القمر واجل من عشرة من أمثاله

ليا قالوا لك انك فارقة قولي عليكم زود
عليكم زود وازينكم وجه مشروب فنجاله

يا سبحان العظيم اللي فرق وجهك عن الموجود
يجي والناس حوله جالسين وكنه لحاله

انا ما ودي اشكر في حياتي غير ابوك العود
مسوي له جمايل بعد ما جاب اجمل سْلاله

عيون الناس لا لدت على سلسالك المحسود
يحسدونه على طيب المكان وطيب الاطلاله

نحطك فالصدر ونحط في عين الحسود العود
عساه اليا نطق بالشين فال الله ولا فاله

حلفت ان الحزن ما يدخل بقلبك وانا موجود
انا موجود .. لجل أزيّنه وازين احواله

[وهـايب @iweb98]

سمعت انه تمعّن في الوجيه و ما لقى شرواي
واعرف انه يعيش متّيمي و يموت ملهوفي

وأدري إنّه لو يطول البعد ما ينسى محيّاي
كل ما حاول ينسى ردّه الشوق وشاف طيوفي

ما لقى مثلي ولو فتّش على الدنيا وممشاي
والقلوب اللي تشبه قلبي نادرةٍ وصوفي ..

[وهـايب @iweb98]

اطلبي كل ما تبينه , معك فـ اللي تبين
لو تبين العمر .. قلت العمر كله فداك

تضحك الدنيا بوجهي لا شفتك تضحكين
كني املك مال قارون , يوم املك رضاك

انتي لي مصدر سعاده , ونعمه , واكسجين
جعلني ما افقد وجودك ولا اعتاض بـ غلاك

[وهـايب @iweb98]

تمر الريح في غصون الشعور وتستفز اسماي
والوح من حقوق خطاك، لين حقوق تشريفك

حبيبي وأنت "كل اللي مضا لي والزمان الجاي
ترى من غير تكليف الحياة أشعر بتكليفك

حبيبي لا تناسى ضحكتي، وأيامي، ومسعاي
وأنا حتى إليا هب النسيم.. أذكر معاريفك