وهـايب

ما هُنا الا ذائقة شعريه لايوجد لها مقصود ..

[وهـايب @iweb98]

لجل ذيك الثنايا تقبل مهار القصيد وفود
جعل قلبٍ يوريّك القسى ما يقبل إحسانه

ملك دنياه من يملك هواك وحلمه المنشود
يا كم سلطان رحتي من يديه ، و زال سلطانه

أعرف أنّك بحر واللي نجا من غبّته مولود
من يخاف البحر ما يستحق يفوز بـ الدانه

سعود مهدي

[وهـايب @iweb98]

كيف ما أنتبه لك مثل ما تنتبه لي
وأنت مصدر شغف هذي الحياه القصيره

عقب ما تهت بالأيام ، حصّلتك الضي
من عرفتك عرفت إن كل ما راح خيره

جابك الله حلمٍ يكمل ويكتمل فيّ
كنّك أسف عن أحزان الليال المريره

[وهـايب @iweb98]

أمر صدفة عمر من دون توقيت
لحظة، ولكن عن ليالي مروري

أمر واضح في زحام التشاتيت
وفي زحمة المهمل أمر الضروري

مثل القمر بعد البدر لا تهاديت
دايم كمالي من دواعي قصوري

أغيب وأشباهي تكاثر وإذا جيت
يبان لك فرق البشر في حضوري

[وهـايب @iweb98]

وش عليك إن طول البعد يالغصن المريف
السنين تخلي الناس تترك شفها

يوم تِفرحك السحابة ويجرحك الخريف
كل دمعة تعتذر لي عشان أكفّها

ولا أنا قد ضاع وقتي على الضلع المنيف
للهنوف اللي عباة القصيد تضفّها

جادلٍ لا شاقها البرق وأغراها الرفيف
السماء تقرأ عليها والأرض تزفها .

[وهـايب @iweb98]

كل عام وانتي قصيده ما لحقها ملام
من اول العيد لين اخر حدود السنين

كل عام وانتي حكاية كل ليله وعام
لو يختصرْك الشعر والشاعر بكلمتين

عليك من شاعرٍ غنّى لقلبك سلام
لو ما حصلّ له سلامه بين شامه وعين

لفّي من الغيم ثوب وزيدي الابتسام
انا اوّل انسان يحضن غيمه ونجمتين .

[وهـايب @iweb98]

تسربل شعرها المسترسل المتساوي المنثور
وراحت تجمعه بيدين كن الثلج أصابعها

كثيفٍ فحميٍ متموجٍ متغذي معمور
بخوره ينتشر لاسال من شلال مفرعها

تلمه وإيتطاير فالهوى وتلف به وتدور
بعد ماحست اني من تحت لافوق أطالعها .

[وهـايب @iweb98]

-

عاد عيدكم ، وعساكم من عواده وتقبل الله طاعتكم 🤍

[وهـايب @iweb98]

يا أول غلا وآخر غلا يكبر مع الوقت ويزيد
جعلك بعد ناسٍ محبتهم تباع وتنشرى

يا عزوة اللي ما يليّنهم سوى رب العبيد
جمعٍ ليا رد البرا ما يكسر النظرة ورى

وأنا عزيز ومن هل المجد المخلّد والتليد
ياما تغنّوا في مواقفنا من القوم شعرا

[وهـايب @iweb98]

أنا وين أبهرب منك مافي هروبي فود
فؤادي معاك وفي هواك انفتن جدّا

الاقيك في مطلع قصيدة ونسمة نود
وفي البدر لا ضوّى .. وفي الورد لا ندّى

وفي كل طرف أدعج وفي كل ضامر عود
وفي وجه من لبّى وفي صوت من فدّى

وفي حلمي الغادي وفي نصفي المفقود
وليل ٍ هقيت .. إنّه يعدّي ولا عدّى

[وهـايب @iweb98]

يا سالبه من كل وصف إكتماله
ومْن الغمامة مشيْ ومْن الغصن لين

ومْن الذهب لون ومن الفجر هاله
ومْن الفرس مجدول ومْن المها عين

الزين سلطانه من الله لحاله
مافيه سُلطة نافست سُلطة الزين

يفرض على من يعشقونه دلاله
ويخلّي العقّال عنده مجانين

[وهـايب @iweb98]

ماني مجبور أخاطب على قد العقول
والله إن بعض القناعات عندي مهمله

الكلام تشوفه الناس .. حل من الحلول
مثل ما أشوف ان التجاهل يحل المشكله

[وهـايب @iweb98]

@sheel9 الله

[وهـايب @iweb98]

- مساء الخير ، ☕️:

الجمال مكمّله والملح اخذته كله
والقمر كلن يشوفه وانت كوكب دُرّي ..

[وهـايب @iweb98]

تباهي على غيرك بحشمه وزين قبال
وعيـنٍ تصيب المبتلي فيك وتتـلّه

من يلوم فيك الذايقه كل ما تختال
لك من القصيد اطلال ومن القمر طلّه

يحبك من قلوب الاوادم كريم خصال
يدوّرك وإن ماجيت ما دور الزلّـه

[وهـايب @iweb98]

مد حبل الوصل قبـل . . ظروفنا تمنعنا
وأترك التاريخ لا الهجري ولا الميلادي

مانبي تـاريـخ متميـز . . لأجـل يجـمعنا
لا أجتمعنا نميّز التاريخ لو هو عادي

[وهـايب @iweb98]

-

صباح الخير ، أسبرسو عقب رصد الدرجات والدوام 😵‍💫

[وهـايب @iweb98]

أنت من نسل البشر ولا القمر ولا الغمامة
ولا من نسل الورود اليانعة ولا من أيَّا

فيك عنق ، وفيك خصر ، وفيك جيد ، وفيك شامة
وفيك من عين الوَحش لفته ، وفيك مْن العبيَّا

لو ما اشوفك من خيَار أهل البلد قدر ووسامة
كان ما كنت فـ كنف حْبّك من الحزن أتفيَّا !

[الرفيق @TheSongOfOMR]

يقول بشار بن برد :

أَسِيرُ عَلَى الفَلَاةِ وَمُشْطُ رِجْلِي
شَبِيهٌ بالأغرِّ من الخيولِ

* كيف أقنعكم أن الشاعر مولود أعمى!!

[وهـايب @iweb98]

نهبتي من عناقيد العذيّة درّة العسجود
ونثرتيها على لبّة نحرك نْجود وقلادة

يحقّ لك الفخر وأنتي جدودك ماعليهم زود
جدودك سادة المجد الأبي مافوقهم ساده

قدايمهم جديده يقطفون الروس قبل الذود
بواتير الجزيره موردين الحق لمراده

[وهـايب @iweb98]

الرسوم الناعمه والجمره المعسوله
والرموش الفارسيه والعيون الخدّر

والخدود اللي من ألوان الغسق مغسوله
والجبين اللي مثل ضيّ البدر لا بدّر

من بيوت المشيخه والرايه المحموله
والأصايل ما تحب إلا الحرار الندّر