அரூபி

அரூபி

[அரூபி @aroobii_]

நீங்கள் நகரும் காய்களை கவனித்துக்கொண்டு இருக்கிறீர்கள்.
சதுரங்க ஆட்டம், காய்கள் நகர்த்தப்படாத போதே விளையாடப்படுகிறது.

[அரூபி @aroobii_]

ஒரு பேரிழப்பு நடந்த பிறகு, ஏதோ வகையில் அதை புனிதமாக்கும் மனிதர்களை கவனியுங்கள். அவர்கள் ஆறுதலுக்கான வழி தேடுகிறார்கள் என்பது புரியும்.

[அரூபி @aroobii_]

நீங்கள் யாரும் தனித்தும் இருப்பதில்லை,
யாருக்காகவும் யாரும் இருப்பதில்லை
உடன் இருக்கிறீர்கள்..அவ்வளவே.

[அரூபி @aroobii_]

அப்பாவிகளின் பெரும் வரம் மனநிம்மதி.

[அரூபி @aroobii_]

உங்களைப்பற்றிய மற்றவர்களின் முன்முடிவுகளை எதிர்த்தே உங்களின் மனப்போர்கள் நிகழ்கின்றன என்பது தெளிவாகும் போது நிதானப்படுவீர்கள். வாழ்க.

[அரூபி @aroobii_]

போரில் தோற்று தன் முன் மண்டியிடும் மன்னர்களை மன்னிக்கும் ஒரு பேரரசனைப்போல வாழ்வில் தோற்று தன் முன் மண்டியிடும் போர்க்கைதிகளை மன்னித்து கடக்கிறது காலம்.

[அரூபி @aroobii_]

எந்த காரணப்பழிகளும் சொல்லாது,
நீங்கள் அத்தனை நல்லவரில்லை என்பதை முழுமனதாய் உணர்ந்து ஏற்கும் பொழுதில் இருக்கிறது ஒரு விடுபடலும்..
ஒரு பறவை சிறகு உதறும் நொடியின் இலகு போல ஒரு மீட்டெடுத்தலும்.

[அரூபி @aroobii_]

உங்கள் வாழ்வின் நிகழ்வுகள், வினைகள், எதிர்வினைகள் அத்தனையுயும் காலம் தான் கட்டமைக்கிறதும் நிர்ணயிக்கிறதும் என்பதை உணர்ந்து தானே இருக்கிறீர்கள்?

[அரூபி @aroobii_]

நீங்கள் அன்பாயிருந்தவர்களை விட்டு விலகும் போதெல்லாம், உங்களை விட்டும் நீங்கள் மனதளவில் கொஞ்சம் விலகுவதை உணர்ந்திருக்கிறீர்களா?

[அரூபி @aroobii_]

மழலை வயதிற்குப்பின், நீங்கள் யார் ஒருவரையுமே முழுமையாக நம்புவதில்லை என்பதையும். சக மனிதர்கள் மீதான உங்களின் நம்பிக்கையின்மையை தான் கவசமாகவே அணிந்திருக்கிறீர்கள் என்பதையும் என்றேனும் கவனித்திருக்கிறீர்களா?

[அரூபி @aroobii_]

யாரை எதற்காக கொண்டாடுகிறீர்கள், யாரை எதற்காக வெறுக்கிறீர்கள், யாரை எதற்காக பாராட்டுகிறீர்கள், யாரை எதற்காக மட்டம் தட்டுகிறீர்கள், எதற்காக & யாருக்காக களமாடுகிறீர்கள் என்பதில் வெளிப்படும் உங்களின் உண்மையான குணமும் அறமும்.

[அரூபி @aroobii_]

மனிதர்களின் உலகம் சலித்துப்போகும் புள்ளியில் உங்களிடம் இருக்கும் வாழ்வு பற்றிய முழுமையான புரிதலொன்றும், அத்தனை அழகான புன்முறுவலொன்றும். பரிபூர்ணம்.

[அரூபி @aroobii_]

உதாசினங்களை ஏற்றுக்கொள்ள உங்களை பழக்கிவிடும் அன்பே உங்களுக்கான பெருஞ்சாபம் என்பதை என்றேனும் உணர்ந்திருக்கிறீர்களா?

[அரூபி @aroobii_]

தனிமனித நேர்மையை ஒரு பலகீனமாக நிறுவ தொடங்கும் புள்ளியில் தொடங்குகிறது ஒரு பொது சமூகத்தின் உள்சிதைவு.

[அரூபி @aroobii_]

அன்பின் பொரூட்டாய் நீங்கள் எடுத்த முடிவுகள் தவறாகும் போது தான் வாழ்வின் மீது விரக்தி வர தொடங்கும்.

[அரூபி @aroobii_]

நீங்கள் கேட்க தயங்கி தவிர்த்த கேள்விகளையும், சொல்ல தயங்கி தவிர்த்த பதில்களையும் கவனியுங்கள். உங்களின் பயங்களின் & பலகீனங்களின் பட்டியல்கள் அவை.

[அரூபி @aroobii_]

பணத்துக்கு எதிராக நீங்கள் எவ்வளவு அன்பை துலாபார தட்டில் கொட்டினாலும் உங்களின் தட்டு கீழிறங்கப் போவதில்லை என்பதை உணர்ந்து தானே இருக்கிறீர்கள்?

[அரூபி @aroobii_]

உங்களின் பொறாமைக்கு பொதுநலக்கருத்து முகமூடியணிந்து வெளிப்படுத்துகிறீர்கள். உங்களின் நுண்ணரசியல் அத்தனை பிரமிக்க வைக்கிறது.

[அரூபி @aroobii_]

பணத்தை போல, உங்களுக்கு மனிதர்களை பற்றி கற்றுத்தரும் ஆசான் வேறில்லை.

[அரூபி @aroobii_]

உணர்வுபூர்வமாக முடிவுகள் எடுப்பதை நிறுத்தாத வரை, நீங்கள் ஏமாறுவது நிற்க போவதில்லை என்பதை அறிந்து தானே இருக்கிறீர்கள்?