ريـم

يا حيّ يا قيّوم برحمتك أستغيث

[فهد قطنان @Fahad_Qatnan]

اليوم هذا بدايه لـ الفراق الطويل
ونهاية ابياتي اللي فيك غنيتها

بعد سواياك هذي مالي الا الرحيل
والله لو انها تمشّى كان مشيتها

قلبي هو اللي بكى والدمع عيا يسيل
لو في عيوني دموع تهل هليتها

جيتي وكملتي جروحك بجرحٍ ثقيل
وانا الجروح القديمه ما تخطيتها

طحتي من عيوني الثنتين في ظرف ليل
والله يا طيحتك هذي ما تمنيتها

وانا شعوري معك ما كان كله جميل
والراحه اسمع بـ سمعتها ولا جيتها

خايف يموت الوفا واشوف حبك قتيل
وألوم نفسي واقول شلون حبيتها

زرعتي الشك في قلب بدويٍ نبيل
كم شفت غلطه ومريت وتعديتها

كنت اتمنى وداع احباب ماله مثيل
واقول راحت وضمّتني وضميتها

لكن يدور الزمن ويبان عيب الخليل
يا ليتني قبل اشوف العيب خليتها

لا تذكريني فـ عمرك غير عابر سبيل
ومسامحه من خطاياك وتناهيتها

مير العوض فيك لاصرتي من المستحيل
عساه فـ اللي ليا هـ اللحين في بيتها !!

[ريـم @arralmuu]

لك أحتاج وأنت اللي ما يحتاج منّي فرض
بك أظنّ وأنت أسمى من اللي على ظنّي

أنا اسألك من لطفك لو أكون طول وعرض
حبيس الذنوب ونسمة الصبح ، تفتنّي

أبي لحظةٍ قبل ، أتلحّف تراب الأرض
ما تاخذني إلا وأنت ، راضي بها عني

[فهد بن بجاد @ifhd4]

يا غايب والمحبه شي ما يختاره الإنسان
أنا ما كان ودي بالمحبه .. لكن أقداري

تخليني اشوفك حق .. و اخطي والعن الشيطان
و اقول ان البلا في حظي اللي ضيّع اشواري

جهلت البعد ، و اعرف الليال تفرّق الاخوان
ولكن ماجهلت اني على جور الزمن ضاري

متى والذكريات البائسة تكتب على الجدران ؟
ماكان السور يمنع قربنا حتى ولو طاري !

أجي مثل السنين اللي تمرّ فـ خاطر النسيان
تذكّرني، ولكن منت داري .. وينها داري

لك إني ما نسيتك لو نسيت البيت والجيران
و لي إنك ما تخلي غيبتي بوّابة أسراري

لازلت أصون قدرك عن طواري قصة الخذلان
مثل ما أصون سرّك فـ الضلوع بصكّة زراري

بديت أوّل طريقي والروى وجهك وأنا ضميان
ولكن ما قطع وجهك ضماي وملّ مشواري

سريتك ما قطعت دروبك اللي مالها حِسبان
من يقول المساري تقطع الفرجة ماهو داري

يزود العمر وأدري كل ما زاد العمر نقصان
تركتك في سبيل المغفرة وإكرام مقداري

توالى عقبك أيّام وليالي تشبه الميزان
ترجّح كفّتي مرّة ، و مرّة كفّة أعذاري .

[ريـم @arralmuu]

أشرق الوجه العفيف وشمسهم غارت ومالت
واستراح الخاطر اللي من محاتاتك تضايق

نوّرت فيك الرياض ورحّبت بك ثم قالت
افرشوا صدري حرير وخلوا ارصفتي حدايق 💘

[ريـم @arralmuu]

يسر لي العسره و ليّن لي الصلبه
و إغفر لي ذنوبي اللي بينك و بيني

[ريـم @arralmuu]

يارب وانت أقرب من الواحد لقلبه
وانا اللي في خاطري ماهو في يديني

[ريـم @arralmuu]

كل يوم اصارع لعينك ظروف الحياة
اما آن لهذِه المعركه أن تنحسم ؟

[ريـم @arralmuu]

أنا ما خفت من ذاك المطيح اللي يجيب الراس
كثر ما خفت من ذاك المطيح اللي يقويني

[عبدالعزيز العبلان @azizalablan]

حبيبي زاحمت ذكراك صدري لين صدري ضاق
وانا اعرف الشتاء لامن رجع .. شرّه على السالين

ياصِبرك والسحاب يذكرّك فيني ، ولا تشتاق
ياقوّك ينشدك عني المطر .. وتقول له بعدين

كثر ما اجهل مصيري في عيونك والزمن سرّاق
يطمّني على الحب .. إنك أكثر من عرفني زين

مرورًا في شعور أول لقا ، لشعور أخير عناق
وش الأيام هذي كلها .. اللي كنّها يومين !!

[أميميات @oumaimiat]

حبيبي لا حبيب إلا حبيبي خاتم الأحباب ❤️
- @aboutoumaima

[ريـم @arralmuu]

أنتي صواب الخطا وأنتي خطاي الصواب
وأنتي عذر دمعي اللي ما قدرت أعذره

[ريـم @arralmuu]

أنتي حصيلة دعاي الصادق المستجاب
وأنتي سبب ذنبي اللي يطلب المغفره

[ريـم @arralmuu]

من دريت إن بـ المطر دعوه مُجابه
و أسمك أكثر أسمٍ أذكره فـ دُعاي

[ريـم @arralmuu]

بلاش من الزعل ومن الجفا ومن الشعور الشاكّ
مادام ان المشاعر واضحه فعيون راعيها

تقول انك معي واقول ياجعل الغياب فداك
أجل غيبتك عني هالليالي .. وش تسميها ؟

صحيح أتعبتني بس الورود اللي بدون اشواك
أحس انها بدون اشواكها .. مالله بحاليها

[ريـم @arralmuu]

تعد هناك ولا يابعد عمري تعد هناك
شف احلى زاوية بين الحنايا واسترح فيها

على يمناك قلبٍ ممتلي شوق وعلى يسراك
مشاعرنا .. وكم كلمة عتب ماودي احكيها

بتلقى كلمة أحبك .. بلا وعي وبدون ادراك
" عسى ربي يخليك ، وعسى ربي يخليها "

[ريـم @arralmuu]

من البارح وانا قلبي مجنني وصدري ضاكّ
وحتى الإبتسامه في غيابك صرت مابيها

تفضل واختصر كل الوجيه بطلّة محياك
و نوّر لي دروبي .. من بدايتها لتاليها

أحس ان مايحب بهالزمان إلا - أنا وياك-
معاك انسى وجيه الناس عاد شلون اساميها ؟

[ريـم @arralmuu]

- أنا حبيبي من خيار الرياجيل
يبطي عظم منهو يسد بمحله -

[ريـم @arralmuu]

- للصباح الحلو ، للناس ، للديره
معك يتشفّق الواحد على عمره -

[سلطان الحوالي @sultan_alhawali]

تراخت للغياب الشمس و الريح اسكنت و اشتقت

[ريـم @arralmuu]

حصدت الشوك من يدك مع أني كنت زارع فل
ولا قسى قلبك ألا على قلبٍ تذرى في رجاويه