@dralinguist@ab_al5ail البيت للشاعر مبارك بن مويم ال راكان ١٢٨٠هـ
احذرك تاخذ بنت قن مهربد
يجيك من العش الخبيث نسور
فلا ثعبٌ جاب صيد من المها
ولا طار من العش الحمام صقور
ترا الحرار الي ترجا نفوعها
يشومن للعليا وهن طيور
مايرتضن من عقب الاشراف بالوطى
لهن في روس النايفات وكور
قال ابو حمزه العامري في محبوبته ٧٣٦هـ :
يا"ميم" لا تحسبين البعد يسليني
لا حلّل الله قلب داله سالي
الله يسقي ديار حل جانبها
من مدلهمٍ طوال الليل هطّالي
ناشٍ من الظل واثمار الصبا وبه
كهماهم الخيل وان ظيّعن الاطفالي
يسقي ديارٍ خلت من ربع ساكنها
الى البيوت اليمانيات الاشمالي
يقول "الدندان" عبدالله ابن حزيم:
انا وين أدور لي مع ذا اللسان السان
يعاون لساني لايبين الخلل فيه
كليت السما وأرضه ولا وقّت اللحيان
مع الكون كله ما يجي لقمةٍ ليه
شربت البحور وجيت متغانم ضميان
جميع المشارب ماتجي رشفةٍ ليه
سحنت الجبال ادوى ولا تكحل البرمان
وجميع الشجر ماميّل العين هاذيه
كليت القمر والشمس وأمسيت أنا جيعان
ولاعاد به شي آكله عزتا ليه
لبست النهار اثويب خام على الأمتان
وسواد الليالي لي بشوتٍ شماليه
وتراني دخيل الله وليي عظيم الشان
وباقي الخلايق مالهم عندي ادعيه
قال عبدالعزيز بن عيد العزي "راعي البره":
سلام يا مرزى النضايا ذهابه
كيف انت بامعطي المهار المشاويل
عبد العزيز اللي براسه صلابة
تعيش يا شارب جميع الفناجيل
يانور نجد وسورها وأنت بابه
يا هاجد الحكام في مظلم الليل
تستطيعون قراءتها بوضوح مع اختلاف بسيط
(من مخطوطة ابن يحيى)
قال الشيخ جاسم بن محمد آل ثاني:
فكم قد رمانا الدهر من ريبه
بها اعتاضت الاقراب فينا الدبايل
صبرنا لها مازعزع الدهر عزمنا
ونلنا بها العليا على كل طايل
تستطيعون قرائتها بوضوح
(من مخطوطة اشعار نبطيه محفوظه في قطر 🇶🇦)
قال الشريف محمد بن عون:
كـلٍ بتقديـر الولـي طاب فالك
فَاصبر علـى مـا قدّر الله ياتيك
ولا تلـوم النفس فيما جـرى لك
تبـور غالـي سلعتك بـين اياديك
يلومك اللي مـا درى عن حوالك
ولا درا ويـش الدهر محدث ٍ فيك
تستطيعون قراءتها بوضوح
(مخطوطه قطريه🇶🇦)
قال دغيم الظلماوي رحمه الله:
ياكليب شب النار ياكليب شبه
عليك شبه والحطب لك ايجابي
انا علي ياكليب هيله وحبه
وعليك تقليط الدلال العذابي
احذف بها ياكليب من جرم شبه
تجلب لنا ياكليب ربعٍ اغيابي
تستطيعون قراءتها بوضوح
(من مخطوطة العسافي)
قال الامام تركي بن عبدالله رحمه الله:
يـــوم ان كلٍ من خــويه تبــــرا
حطيت الأجرب لي خويٍ مباري
نعم الصديق ليا صطـا هم جرا
يودع مناعير النشـــــاما حباري
تستطيعون قرائتها بوضوح (مع تغيير بسيط)
(من مخطوطة تشارلز اوقست هوبـر الثانيه)
قال الامام فيصل بن تركي🇸🇦:
حنا حمينا نجد من كل نهاق
من حمر مصر والوجيه المناكير
امنول نرسل بتسجيل واوراق
واليوم باطراف الرماح السماهير
حنا نجازيهم على حكم خلاق
فينا وفيهم له مرام وتدبير
أقول وامدح كل رجل له اوثاق
أمدح رجال من تميمٍ مناعير
تستطيعون قرائتها بوضوح
(مخطوطة السكيت)
قال الامام "تركي بن عبدالله" رحمه الله 🇸🇦:
و احصنت نجدٍ عقب ماهي تطرا
مصيونةٍ عن حــر لفـح الـذواري
والشرع فيها جاريـن واســتــمرا
يـقرا بنا درس الضـحى كل قـاري
تستطـيعون قراءتها بوضــوح (مع تغيير بسيـط)
(من مخطوطة تشارلز اوقست هوبـر الثانيه🇫🇷)
قال راشد الخلاوي رحمه الله ٨٢٠ هـ :
قولوا لبيت الفقر لا يامن الغنا
وبيت الغنا لا يامن الفقر عايد
ولا يامن المضهود جمعٍ يعزه
ولا يامن الجمع العزيز الضهايد
- مخطوطة هوبر الثانيه🇫🇷