Asfand Yar

@asfandyar516

Joined December 2023

245 Following

17 Followers

251 Posts

asfandyar516 retweeted

Sher Afzal Khan Marwat

@sherafzalmarwat

about 1 month ago

لکی مروت کی موجودہ صورتِ حال—چند تلخ حقائق 1/ شاید بہت سے لوگ نہیں جانتے کہ میرا قبیلہ 2009ء سے دہشت گردی کے خلاف حالتِ جنگ میں ہے۔ ہم اب تک اپنے 142 بہادر افراد قربان کر چکے ہیں، جن میں میرے والد اور ان کے محافظ بھی شامل ہیں۔ یہ محض اعداد نہیں—یہ 142 گھرانوں کے چراغ اور ہماری تاریخ کے 142 لہولہان باب ہیں۔ 2/ شاہ حسن خیل کے خودکش دھماکے میں 115 بے گناہ انسان شہید ہوئے۔ ہمارا “جرم” یہ تھا کہ ہم نے شہداء کی تدفین کی، ان کے یتیم بچوں اور بے سہارا خاندانوں کو اپنے گھروں میں جگہ دی۔ دہشت گردوں نے اسی انسانیت کی سزا میرے خاندان کو دی۔ 3/ مجھ پر بار بار قاتلانہ حملے ہوئے، میرے محافظ شہید ہوئے اور بالآخر ایک وقت ایسا آیا جب زندگی کا خوف دل سے نکل گیا۔ 2012ء کے بعد ہر نیا دن میرے لیے زندگی نہیں بلکہ اللہ کی عطا کردہ مہلت اور ایک اضافی ذمہ داری بن گیا۔ 4/ جب 2024ء میں دہشت گردی دوبارہ ابھری تو پہلا بڑا ہدف میرا خاندان اور میرا گھر تھا۔ تقریباً سو مسلح دہشت گردوں نے میرے گھر پر حملہ کیا اور اسے آگ لگا دی۔ مقابلے میں میرے تین قبائلی ساتھی شہید ہوئے۔ صرف دس دن میں میرے گاؤں پر چار حملے کیے گئے۔ 5/ پھر ہمارے گاؤں کی بس کو آئی ای ڈی سے اڑا دیا گیا؛ پانچ بے گناہ شہید اور متعدد زخمی ہوئے۔ دہشت گرد سڑکوں پر شناختی کارڈ دیکھتے اور جس کا تعلق بیگوخیل سے نکلتا، اسے قتل کر دیتے۔ اس کے بعد خاموش رہنا زندگی نہیں، اجتماعی خودکشی ہوتی۔ 6/ ہم نے اپنی صفیں منظم کیں۔ نہ کسی دوسرے قبیلے کو پکارا، نہ کسی بیرونی سہارے کا انتظار کیا۔ اپنے گھروں، بچوں اور سرزمین کے دفاع کی جنگ خود لڑی اور دہشت گردوں کو بھاری نقصان پہنچایا۔ گزشتہ دو برس سے ہم مسلسل حالتِ جنگ میں ہیں۔ 7/ الحمدللہ! آج ہمارا علاقہ دہشت گردوں سے پاک اور حکومتی رِٹ مکمل طور پر بحال ہے۔ بیگوخیل کی مزاحمت سے حوصلہ پا کر لکی مروت کے دوسرے قبائل بھی اٹھ کھڑے ہوئے۔ آج چند دشوار گزار پہاڑی علاقوں کے سوا ضلع میں امن، قبائل، امن کمیٹیوں، پولیس اور پاک فوج کی مشترکہ قربانیوں کا نتیجہ ہے۔ 8/ حالیہ دنوں میں پولیس امن کمیٹی اور فوجی اہلکاروں کے مابین پیدا ہونے والی کشیدگی نے اس امن کو شدید خطرے میں ڈال دیا۔ فوج کے خلاف بلاجواز نازیبا زبان کا استعمال غیر ضروری، اشتعال انگیز اور ناقابلِ دفاع تھا۔ پھر ان واقعات کی ویڈیوز نے صورتِ حال کو اس حد تک بھڑکا دیا کہ مجھے اپنی سرزمین پر داخلی تصادم کا خطرہ دکھائی دینے لگا۔ 9/ امن کمیٹیاں عوام میں بے حد مقبول ہیں اور ان کی قربانیوں سے کوئی انکار نہیں کرسکتا، مگر چند ذمہ دار افراد کی تلخ کلامی پورے ضلع کو تباہی کے دہانے تک لے آئی۔ یاد رکھیے: مسلسل جنازے اٹھانے والے مروت اب ایک معمول کی زندگی گزارنے والا قبیلہ نہیں رہے۔ ہم خوف کی سرحد بہت پہلے عبور کر چکے ہیں—ہمیں کوئی دھمکا یا مرعوب نہیں کرسکتا۔ 10/ انہی حالات میں، میں نے قبائلی عمائدین، پولیس اور امن کمیٹیوں سے بات کی۔ سب نے تسلیم کیا کہ فوجی جوانوں کو بلاوجہ تکلیف پہنچائی گئی۔ چنانچہ میں نے خود آگے بڑھ کر فوجی اہلکاروں سے معذرت کی—اس لیے نہیں کہ ہم کمزور تھے، بلکہ اس لیے کہ بہادر لوگ اپنی غلطی تسلیم کرنے اور اپنی سرزمین کو برادرکشی سے بچانے کا حوصلہ رکھتے ہیں۔ 11/ وہ جوان ہمارے لیے دہشت گردوں سے لڑ رہے ہیں، جبکہ ہم اپنے گھروں کے دفاع میں لڑ رہے ہیں۔ دونوں کا دشمن ایک ہے، خون ایک ہی مٹی پر بہتا ہے؛ پھر بندوقوں کا رخ ایک دوسرے کی طرف کیوں ہو؟ الحمدللہ، ایک بہت بڑا فتنہ ٹل گیا۔ چیف سیکرٹری خیبرپختونخوا نے جس تدبر اور سنجیدگی سے تعاون کیا، پورا قبیلہ ان کا شکر گزار ہے۔ 12/ اب بعض گھٹیا یوٹیوبرز، خصوصاً شہباز گِل اور عمران ریاض، اس بات پر میرے خلاف مہم چلا رہے ہیں کہ میں نے یہ تصادم کیوں رکوایا۔ وہ کان کھول کر سن لیں: میں پہلے پاکستانی ہوں، سیاست دان بعد میں۔ کسی جماعت، شخصیت، یوٹیوب چینل یا سیاسی مفاد کے لیے اپنے ضلع اور اپنے ملک کا امن قربان نہیں کرسکتا۔ 13/ یہ دعویٰ انتہائی ظالمانہ اور جھوٹا پروپیگنڈا ہے کہ پاک فوج دہشت گردوں کی محافظ ہے۔ میں نے اپنی آنکھوں کے سامنے نوجوان فوجیوں کو ہماری حفاظت میں جان دیتے دیکھا ہے۔ جو لوگ محفوظ کمروں میں بیٹھ کر شہداء کے خون پر الزام تراشی کرتے ہیں، ان کے پاس نہ ثبوت ہے، نہ زمینی حقیقت کا علم اور نہ انسانی جان کی حرمت کا احساس۔ 14/ شہباز گِل اور عمران ریاض چاہیں تو اپنے سوشل میڈیا کے توے کو صبح سے شام تک گرم رکھیں—میں نے لکی مروت کو ایک تباہ کن تصادم سے بچانے کے لیے جو کردار ادا کیا، اگر ویسی صورتِ حال دوبارہ پیدا ہوئی تو میں وہی کردار سو مرتبہ پھر ادا کروں گا۔ میرے لیے پاکستان، لکی مروت کا امن اور اپنے لوگوں کی زندگیاں ہر سیاسی مفاد، ہر ٹرینڈ اور ہر یوٹیوبر کی سند سے کہیں زیادہ مقدس ہیں۔ ہم نے دہشت گردوں کے سامنے سر نہیں جھکایا؛ کسی پروپیگنڈا فروش کے سامنے کیا جھکائیں گے۔

764

236

38K

Asfand Yar

@asfandyar516

Last Seen Users on Sotwe

Trends for you

Most Popular Users