عــتيق .

أشوف الليالي ما تشابه سنا .. ليلك

[عــتيق . @ateeqq_]

طراة العمر دمعة رجا والعباد رقود
لوجه الولي مابين ركعه وتسليمه .

[عــتيق . @ateeqq_]

الدرويش : له عدّة تعاريف داخل او خارج المنزل

[عــتيق . @ateeqq_]

اللهم صلِّ وسلم على سيدنا محمد

[كساب @xx78028]

الله عليك ي عناد الشيباني /
ابداع ابداع غير مستغرب لله درك مبدع

-
سليم سليم ويش .. اسوي بـ سدٍ باح
وانا ما طرالي عنه اسولف ولا انوه

عيوني تبى المسرا وقلبي يبى المسراح
وعقلي يقول : بكيفك اللي تبي سوه

تناقضت مع نفسي على حزة المرواح
مع ان الحزن في خاطري شاعمٍ ضوه

والارض الوسيعه ما تبي وصف والا ايضاح
سباريتها فيهااا .. عن الضيق تلهوه

تعبنااا نحسد الطير يوم ان معه جناح
وهو عيشته ف الارض مااهيب في جوه

سليم سليم عطني .. الجيب والمفتاح
ولا عاد ابيك تدور .. اللي منه خوه

معي ضيقةٍ يوم .. اتلقا الخلا تنزااااااح
يا زين الخلا .. حتى ولو دربه ايتوووووه

متاهاته ارحم من قلوبٍ مهيب اصحاح
ومن حاجةٍ لـ النفس .. ماهيب محلوه

على اني من اللي يعشق الصبر والإلحاح
لكن الليالي ما تبي .. ( صبر وفتوه )

ياكم حاجةٍ صديت عنها عشان ارتاح
مهوب اي حاجة .. لازم تصير بالقوه !

عقلت وقعنت بحظي ان قام والا طاح
انا مؤمن بحكم القدر خيره وسوه

من يعلق احلامه على رجعة اللي راح
مثل من حذف جثة حواره واخذ بوه !

حياتي بلد لكن .. ما تقبل .. السيااااح
وقلبي على قطع .. الدير عنده جروه

مانيب محدود اجامل الحاقد المزااح
واضيع بعض وقتي .. على ليته ولوه

ضعيفٍ تقول : يشيل فوقه حصاة ارزاح
على الدنفسه والغطرسه عايشٍ جوه

عرفنا دواء نقص الفتامين والأملاح
لكن البلا اللي ينقصه .. عرف ومروه ؟

مشاكل بعضنا .. ماتبي حرب والا سلاح
ولا فلسفة عالم .. ولا شاعر مفوه ..!

ياليت الورش فيها لبعض العقول اصلاح
ونقدر نصلح .. كل خربان .. ومشوه

[ظافر بن فرحان @zafr_frhan]

هذا اللي وجدت من محاورة مطلق ورشيد جعلهم في الجنه

يالزلامي لبّسوك البشت واعطوك الأماره
وانت راعيها لكن اليوم باين فيك خلّه

قال ابوجميل
انت قلبك قلب ذيب ومشتري لك خشم فاره
كل ما شمّيت ريح التمر حُست البيت كله😂

[عــتيق . @ateeqq_]

يوماً ما سأجد الكلمات المناسبه، وستكون بسيطه

[قاف @Qaf_96]

"ياوليفي كل ماجابك الطاري بكيت
أتذكر صافي الحب منك والحنان"
- عامر بن نوطان

هذا البيت تدمع له العين صراحه ذا قال خالد عون

[عــتيق . @ateeqq_]

خذ آخر ما تبقى يا شريط الذكريات، وخلّ
ركايب صبري وضحكة شقاي وغاية مرادي

[عــتيق . @ateeqq_]

اللي ما يتعدّل يتبدّل

[هبشات @habshat0]

ومن أشهر من سُمّي به : قنبل وهو: محمد بن عبد الرحمن بن محمد بن خالد بن سعيد المكّي المخزومي بالولاء، ويكنّى أبا عمرو، ويلقّب بقنبل، وذلك لأنه من قوم يقال لهم القنابلة .
وقيل: إنه كان يستعمل دواء يُسقى للبقر يسمّى قنبل، فلمّا أكثر من استعماله عُرف به .

وقد وُلد سنة ١٩٥ هـ خمس وتسعين ومائة، وتوفّي بمكة سنة ٢٩١ هـ إحدى وتسعين ومائتين. وانتهت إليه رئاسة الإقراء بالحجاز.

وممّا تتميّز به القراءة التي يرويها عن ابن كثير ؛ التكبير بعد سورة الضحّى ثمّ ما بعدها من السور .
فبعد ﴿ وأمّا بنعمت ربّك فحدّث ﴾ يقول الله أكبر بسم الله الرحمن الرحيم ﴿ ألم نشرح لك صدرك﴾ وهكذا ..

[قاف @Qaf_96]

الامور اللي دوافع فعلها .. ماهيب لله
حايلٍ من دونها ضميري الحيّ وحيائي

ساوم الطيّب على عطفه واخذ صافيه كله
واحذر تساومني بـ حاجات تخدش كبريائي

أنا إنسان احترم رقيبي الذاتي واجلّه
جاب لي توفيق ربّي شي .. ماجابه دهائي

لو قبلت اضحك على مسلم واغشه واستغله
كيف ابستجري على الله يسمع ويقبل دعائي

زاهدٍ في مجمل نجوم السماوات المطله
في كنف مشكات نورٍ ساطعٍ على سمائي

ومعرضٍ عن مجتمع حقيقة أحكامه مُخلة
عنده الحب انتقائي وأيضاً الكُره انتقائي

يا رحاب الخطّر المتسامحات المسفهله
ما يضيّق شاسع المترامية غير استيائي

الشفاحه تورد النفس العزيزه لـ المذله
نفسك اليا ارخصتها مره بترخصها نهائي

غالبًا يحكم سلوك المرء جينات وجبلة
شي تأباه المروءة .. صعب يأباه المُرائي!

لدّ عينك فالبشر وتشوف مضمون الأدلة
كل مصلحجي جريء وكل حسّاس انطوائي

- محمد جار الله @M_Jarallah

[عــتيق . @ateeqq_]

خيّبو ظنك هل الضعف يا راس المديح
انت كبّرت الهقاوي ( فـ خلّك قدها )

كان غـّرتك الهواين وقومت ، الطريح
الهواين حتى ( حيّز فراغ ) يسدّها

لنَ ترا معادن الناس بالشكل الصحيح
لين تبلغ ، مجريات الظروف اشدّها

كان تبغى تعيش باقي حياتك , مستريح
خل عنك ( الطيبه الزايده عن حدّها )

[عــتيق . @ateeqq_]

دايم اللي يردع العبرات ويعض النواجد
طيحته من عبرةٍ سود الليالي طيحتها

يا نهار العيد طلّاتك مع ان ماهيب واجد
خلت اللي فوق الارض يعيش جو اللي تحتها

كل ما زانت لنا الفرحه وصار لها تواجد
اطلعت من تحتها الذكرى الحزينه واذبحتها

[عــتيق . @ateeqq_]

@_alhakm @TheSongOfOMR 🤣🤣🤣🤣🤣🤣🤣🤣🤣🤣

[دمـخ @__s2t]

الكبر لو يطمع طمع فيه فيحان
فيحان بن ناهس .. طويل الذراعي

[عــتيق . @ateeqq_]

لا بغيت الرجل فانشد عن عميله
كل عمّالٍ تقدّا بعملاها

-مانع بن ذنبوح الله يرحمه

[عــتيق . @ateeqq_]

كم على وجه الاراضين من ذيبٍ جويع
يجتلد ليله نهاره ولا يلقى عشاه

والكسل ماهوب يلحق لذّات الربيع
والصلاه ابرك من النوم حي للصلاه

والجمايل في بنوك الجمايل ماتضيع
وراعي المعروف لاجاء يدورله لقاه

ولاتعرض صاحبك شدة الوقت السريع
اتركه للوقت والوقت يبحث لك مداه

—سعد بن جدلان

[عــتيق . @ateeqq_]

@_3jim ( الغايه ) اللي بين قوس وبين قوس
قد سببت لي فـ اسفل عيوني سواد

النّفس قد زعلتها ( بـ حر الشموس )
وارضيتها بنسمه من انسام البراد

خالد بن طفلان

[طرقي @6rgiii]

@_3jim اعتقد انه اول ظهور للشاعر ولكن الاكيد انها معلقة مدح تطرب لها المسامع :

من يحده وقته ويشكي همومه
لايقول الوقت طبعه شقلباني

ازهم الي كن بابه باب توبه
بابً مشرع على طول الزماني

رغم ان للقصيدة اكثر من ٥ شهور الا اني لازلت اعيدها بين فتره وفتره :)

[عتيم @ciiz67]

بعد زل ثلث الليل .. و منادمك لا زال
ولا زالت طيوفك مثل شربي .. و زادي

حبيبي انا وياك فـ الحل ؟.. و الترحال
لو إن طعنتك فـ اقصى الحشى طعنة معادي

مثل !.. ما يزيّن منحرك لمعة السلسال
جروحك فـ عيني زيّنت " منظر فوادي "

" يذعذع هواك " منين ما جيتني تختال
ماذعذع هواك العذب من مفرق الوادي

ما ينقاس حبي لك على حسبة الاميال
رغم بعدك ( الجغرافي ) إلا انك بلادي

يا لبيه !.. لا طرّفت لي طرفك القتال
ابعلمه وشلون ادله ؟.. و انا ( غادي )

يطل القمر لاجيت اشوفك على الاطلال
و اميّز من العادي .. و من ثالث اعيادي

ليا مال قلبي .. في رجى عودك الميّال
تمايل و هد القلب بـ سلوبك الهادي

مفادي عيونك يا عيوني بـ حال .. و مال
و لي الشرف لا صرت لك عاشق مفادي

ماهو عادي ابيع العمر : دون حبة خال
لكن لا غدا خالك زبون " ونعم "عادي

مْرتب لك ظروفي لجل .. نرسم الامال
قبل لا أرتب لك من الشوق !.. ميعادي

من يشوفك ولا قدّم الحب و الاجلال
من يفارقك .. ولا قضى عمره ينادي ؟

خذ الوصل حيطه لا تعود على الاهمال
ولا تكسر فوادي ؟.. قبل تكسر عنادي

لا تنقاد لـ الفرقى و انا شاعر و رجال
احب اتعوّد !.. بس ماحب معوادي

- عتيم

[عــتيق . @ateeqq_]

١- العزله
٢- انزل الناس منازلهم ( لاتطيّر الدجاج )
نقطتين لـ دستور حياه ،، راحة البال غااااليه