عثمان الميموني

[عثمان الميموني @atmkwt]

صوتك مطر يروي ضما كل يبّاس
وعطرك عبيرٍ ينعش الروح فوحه

وخدّك قمر يضوي على كل جلاّس
والليل شعرك لا تزايد سفوحه

عثمان الميموني

[عثمان الميموني @atmkwt]

ما للبشر في دورة الوقت تبديل
والعمر يطوي صفحته كل ليله

من لا يزهب لاخرته المحاصيل
يطلع من الدنيا وحاله هزيله

عثمان الميموني

[عثمان الميموني @atmkwt]

غير وجهه سارقٍ نور الهلال 🌙

[عثمان الميموني @atmkwt]

(ما عاد يغري صوت الاوهام غنّي)

[عثمان الميموني @atmkwt]

@qlv04 مانيب متسلق على كتف غيري
لو اكثر ؟ العالم تحب التسلق
👏🏻

[عثمان الميموني @atmkwt]

ودي بعذرٍ صوب قسم التحاليل
يسوقني والشوق بالصدر كاوي

سقت القدم صوب العياده بتهويل
وأنا صحيحٍ ما بجسمي شكاوي

ومن لمسة الكفّين قبل التفاصيل
يبرى صويبٍ فالمحبة شقاوي

مضراب إبرتها مثل بارد السيل
يحيي عروقٍ جفّ فيها الرجاوي

ممرضه بالزين فاقت على الجيل
مكحولة العينين والعود راوي

لا سلهمت بالعين والطرف الكحيل
غديت مثل اللي عن الرشد غاوي

ودي تسل الدم يا نجمة سهيل
وتحلله في مختبرها المداوي

تلقى فصيلة دمي العشق والويل
وحبٍّ على كل الشرايين حاوي

_عثمان الميموني

[عثمان الميموني @atmkwt]

الوقت دورة ألم، والصبر فيها شهيد
أصارع أيام عمري والنتيجة كسر

روحي مثل ساعةٍ تدور ثُمَّن تعيد
تمضي عليها الحياة وتبتدي من صفر

_عثمان الميموني

[عثمان الميموني @atmkwt]

يازمان ابتليت القلب بأثقل سنينه
بين عقلٍ يوجهني ومخ انتحاري

كل بابٍ طرقته جرني للغبينه
كنها دنيةٍ تلعب بعكس اختياري

_عثمان الميموني

[عثمان الميموني @atmkwt]

يا صاحبي روتين الأيام ينعاف
والوضع ثابت والحكاية كما هي

وش حيلة اللي فاقدٍ طعم الأهداف
ما عاد به شيٍ يشد انتباهي!

_عثمان الميموني

[عثمان الميموني @atmkwt]

من زرع بذر الجمايل يقطف سمان الحصايد
والتجارب من فهمها غاص في غبّة بحرها

_عثمان الميموني

[عثمان الميموني @atmkwt]

تعدّيت من فضل الولي طيحة الأوهام
بيومٍ تشيب الروس من هول ما فيها

خذوا من خلاصة وقتنا أصدق الكلام
ابا اوصي بها نفسي وللناس ابهديها

تجنّب دروب اللاش والجاهل النمّام
وصاحب رجالٍ طيب الأفعال يغنيها

يزول المتاع وتفنى الأموال والأنعام
وتبقى صحايفنا بما خطّت أيديها

[عثمان الميموني @atmkwt]

حاولت اجيب المدح من قاصي الجوف
لكن عجزت اجيب وصفٍ بيسواك

الزين في غيرك على العين مألوف
لكن يضيع الزين كلّه (بملقاك)

_عثمان الميموني

[عثمان الميموني @atmkwt]

كم ليلةٍ فيها شربت وتجرّيت
مرّ الظروف اللي على التسبد تكوى

ما رحت لأطراف المخاليق وارجيت
ولا شكيت الحال في وقت بلوى

رفعت كفيني لربّي وناجيت
وهو غياث العبد في يوم شكوى

مادام فيني حيل جاهدت وسعيت
وإن صكت الأبواب.. حيل الله أقوى

_عثمان الميموني

[عثمان الميموني @atmkwt]

يا حيّ صوتٍ تلّ قلبي من أقصاه
تلّ الرشا في بير قفرٍ خليّه

لا سولف العطشان يروى من ظماه
كنه قراح العدّ فالجرهديّه

ياما حلا همسه ويا زينها حكاه
يجلي هموم اللي طعونه خفيّه

لا يقطع الهرجه ويا ويل ويلاه
ترى سكات الزين اعظم خطيّه

_عثمان الميموني

[عثمان الميموني @atmkwt]

لا تشتكي جرحك على طارف الناس
ما يجبر المكسور كثر الشكاوي

_عثمان الميموني

[عثمان الميموني @atmkwt]

@mutirii0 صح بدنك 💐

[عثمان الميموني @atmkwt]

الردي لا بغى يشرب بكاس الحرار
ما تهنّى ولو صافح كفوف الكرم

_عثمان الميموني

[عثمان الميموني @atmkwt]

مدام السّفينة باحره والبحر جاري
فلا همني من غاب واعلن عن حياده

ليا مال وجه الوقت والحظّ متواري
معي عزّةٍ تغني عن المال وأسياده

فلا تلتفت يا قلب للمنزل العاري
ما دام المقفّي كفّ خيره مع زاده

تبدل نظام القوم والوقت دواري
تسير الرّكايب والمهابيل قوّاده

_عثمان الميموني