عايد مرزوق العويس

‏‏‏‏‏‏‏‏‏‏‏عشرين عام وهالفكر مشطون//
لابس ثيابن ماهن اثيابي//
الغرب ماقصر ومد العون//
لكن بلاد العرب اولى بي//

‎‎‎

[عايد مرزوق العويس @ayed_Alowais]

بعدي جبل شامخ مثل مانت خابر
صدري فضا هيهات سهم"يطوله

ماحب أكون بدنية انسان عابر
انا الذي لامن حضر وقفو له

#عايد_مرزوق_العويس
#عزت_علي_نفسي

[عبدالرحمن بن مساعد بن عبدالعزيز🇸🇦 @abdulrahman]

منتخب مصر قدم بطولة عظيمة جدًا، ورأيي أنه ظلم اليوم تحكيميًا وكان يستحق الفوز ، هناك ضربة جزاء لصلاح لم تحتسب وجاء بعدها مباشرة من المرتدة هدف الارجنتين الثالث، كذلك الشد الذي الغي بسببه هدف مصر الثاني لو كان في الدوري الانجليزي لم يحتسب..
الله يستر على المغرب من سيناريو مشابه امام فرنسا..

[عايد مرزوق العويس @ayed_Alowais]

@bdalrhmn13451 ربع ال 48 =12
نصف ال 10= 5
12×5=60

[فيصل بن حثلين @faisal_rakan_]

ذراعي

[فهد قطنان @Fahad_Qatnan]

"المجنون شخصياً"

[عايد مرزوق العويس @ayed_Alowais]

@2dkeel999 @WdBdalwahd @BinHoqan_Law الولد لو مدح خواله طلب نصف الغنايم
وان مدح عمامه جلب العلم كله
يقولون والنعم منه خواله ال فلان

هذا المقصود بالبيت والله اعلم

[mun-555 @j_ohaw]

#غرد_من_خاطرك
#سعد_علوش

[تركي فلاح @tr_ky1]

أغرقيني بالفرح ، لين اتعدّى
واحضنيني لين اسولف لك ، قصيده

ماتعشيت الغدر لو بي تغدى
القلوب الوافيه ماهي سعيده

الردى ماهو بنا حظي ، تردّى
لو دروبي للفخر والمجد .. سيده

والله اني ند ند ، وند ندّى
بس عيت لاتجي باللي .. اريده!

#تركي_فلاح_الجعفري

[تركي فلاح @tr_ky1]

حزين من موت المبادي مع الناس
واكثر حزن على الكبير ان تردى

انا صحيح اني مدقٌق وحسٌاس
بس اللي اشوفه كبير وتعدى

#تركي_فلاح_الجعفري

[#الفقار_الزهراني @sdyalfqar]

صفواسرا من شأن لا نعكس الدور
ماني بصالح. يانسل . قوم. صالح
—
قالوا. مطوع.؟ قلت ماغير ديكور
ايام. كان الدقن يقضي مصالح
—-
واليوم قدنايت ومرات بنجور
وافطر. على شاهي وبسكوت مالح
—-
دستور. يادنيا. . المحبين. دستور
لبستي اهل الجنز. زري المشالح
—-
يطببون. الديك وبليه. مكسور
ويلصقوا . مستور في جنب فالح
#الفقار

[محمد علي السعيد @malsaeed37]

مع الشكر الجزيل لأعضاء جمعية "ابن المُقرَّب" للتنمية الأدبيّة و الثقافيّة على تكريمي بأن أكون معهم و بينهم و إتاحة الفرصة لي أن أكون مجاوِرًا للشاعر الدكتور خليفة بن عربي على طاولة شعر واحدة ..

من يـمّـهـم هَـبّ التجافي و دنّقْت
ما كنت خايف، كنت ابلسم طعوني!

@ibn_almoqarab

[محمد علي السعيد @malsaeed37]

إنتي عظيمة، فعلاً انتي عظيمة
و انا عظيم اللي تطولك يديني !

من كل الأعمال التي نتجت بسبب الثنائية الفريدة التي جمعت بين علي القحطاني شعرًا و عيسى الأحسائي غناءً لا زِلت أسأل نفسي: أيّهما تفوَّق على الآخَر في هذه الرائعة تحديدًا و لم أجد إجابة حتى الآن !

[المحاورات 🇰🇼 @almhawrat]

ابيات مايفهمها الا الطيب👇👇❤️

يالله عسى من تركني ساعة الشدّه
تحدّه ظروف وقته لين ياتيني
حتى إنّي أعطيه مطلوبه ولا أردّه
ويشوف فرق المراجل بينه وبيني
أنا رفيقي على العسرات ما احدّه
أدرى رفيقي مثل ما ادرى على عيني
لاشفت سود الليالي والزمن ضده
فزيت في واجبه من قبل يدعيني

[قروب اشعار @aShi3ar]

اخاف اقول انك وحشتيني
وانا اللي وحشوني كلهم راحوا

ياجوريٍ تمايل به بساتيني
اعيديني تعبت لناس ارتاحوا

حياتي وحده وهالموت موتيني
إليا هزوا نصايب قبري وشاحوا

اليا مني فقدت ولا فقدتيني
ولا صحتي ليا من العرب صاحوا

انا وليدج لو انج ما ولدتيني
ياكثر الواقفين بوقفتي طاحوا .

[قروب اشعار @aShi3ar]

ياللي تريد الطيب لا تتبع الهون
الكايد احلى كان لـ الطيب ناوي

اضرب على الكايد ترا الكايد يهون
واكفخ بجنحان السعد لا تراوي

واصعد على العليا ترا الرزق مضمون
لا شك ماياتي بحكي ومناوي

وكان النشاما ما بوجهك يفزون
بالعون موتك والحياه امتساوي

[قوافي الشعر @qawafi_142]

يالعالم الفاضين انا مانيب فاضي كل يوم
اجاهد الدنيا وأرد البل على مقهورها

من خلقتي والله ماجيت الا بدعوه ومعزوم
لاتحسبون بيوتكم مكه عشان ازورها

صنهات حشر العتيبي

[عبدالله بن لهمود @bnlhmood]

لاشفت ياراسي من الروس جافل
اثبت ونكبات اليالي تعدي

مادام تاريخك بالابداع حافل
مثل الذهب طول الزمن مايصدي

لك بيرقً بين المخاليق رافل
بالطيب وعلوم الفخر والتحدي

خلك على زلات الأحباب غافل
لان الزعل للطايله مايودي

واهل العطا والتضحيه والتكافل
ودي بهم لو خالف الوقت ودّي

واللي على جبهاتها بليس تافل
ماني مخاويها ولاهي بندي

راسي سما مايخضع لكل سافل
ماصعرت يم بعض الانذال خدي

ماني بغافل عن عدو القوافل
بس اتغافل والله اللي يجدي

انا خوي من كان بالطيب نافل
ابو كفوفً بالمكارم تندي

بابه على الطييبن ماهو بقافل
واقف يعشي بالضيوف ويغدي

ولا اردي في ليله النجم افل
ماجيه انا لو بيح الوقت سدّي

يرتاح بالي في صلاة النوافل
ولغير رب الكون ما مد يدي

#عبدالله_بن_لهمود
#شاعر_المليون

[عناد الشيباني @enadm1]

حنا نميز كلام " الخبل " و المتزن ..!
الهرج واجد وهرج الضيق غير السعه

بعض الحكي مثل ظلع النير لو ينوزن
وبعض الحكي ما ندقق فيه لو نسمعه

ومع احترامي لكل اللي علينا يزن
ما نرخص الانفس ولا نلبس الاقنعه

من الحيا ما تبعنا كل بارق مزن
جعل الحيا ما يزول وجعلنا نتبعه

الروس شابت مهوب القافية والوزن
انفوسنا طايبة .. وجروحنا موجعة

معاد نبغى الحزين اللي يجيب الحزن
نبي لنا واحدٍ يضحك ونضحك معه

[ناصر بن مفلح . @nassre_]

تغانم من سنين السعة .. مايسّر العين
قبل لا تعيش .. فـ مرحله شبه حسّاسه

تمر الظروف اللي ماتدري تجي من وين
تحد السعيد يضيق .. و يصد عن ناسه

الايام ( سستمها ) كذا بين زين .. و شين
ليا شفت لك مجروح : لا تجرح احساسه

من يشوف نفسه فوق خلق الله الباقين
يجي يوم وتشوفه ( محوّل على راسه )

[قروب اشعار @aShi3ar]

سود الله لحيتي يوم اترجى واتحرا
احسب ان عيال خلق الله تبي تقضي لزومي

مادريت ان الزمان اللي على حقوقي تجرا
كل يوم يبدد احلامي ويضعف من عزومي

والرفيق اللي عن ايام الشتاء فيه اتذرا
عقب الرفقه وراه وعارض الخط العمومي

ماكذب من قال في بعض الاوادم لا تورا
كل ماتحتاج منه اكثر يبيحن العلومي

صاحب ماهوب ياقف معك في سرا وضرا
لا تجي قدمه على المفرق وتاقف له وتومي

ودك انك ماتعرفه كود من برا لبرا
لا توغل في عماق الناس تذبحك الهمومي

اللهم اني من اصحاب المقاصيد اتبرا
جزت من ضحك الوجيه وجزت من حب الخشومي

[قروب اشعار @aShi3ar]

لا تحسب اني ليا صديت ماني بشوف
ماريد افتح ابوابٍ صكة اقفالها

والله مافيه كلمه يا السنافي تطوف
الا واميز مخارجها ومدخالها

احيان حشمة بطل واحيان رحمة ضعوف
انجامل الناس والدنيا هذا حالها

وادرا الرفاقه ولو كدي ماهو بمخلوف
واصون نفسي عن الزلات واحمالها

ماهوب انا اللي يحاول يستغل الظروف
من شاف له فرصةٍ توميله اومالها

خليت كتب الفتن تبقى بذيك الرفوف
تحت عناوين فال الله ولا فالها

واللي ينسب عباد الله ويقرا الكشوف
في حالةٍ بين خلق الله يرثا لها

قله ترا القدر مايعطى لكل الضيوف
ماكل لحيه مثل لـ اخرى يسوا لها

وترا تبور السلع لولا اختلاف الشفوف
ولا تطيح الطيور الا على اشكالها

واليا اشتكت جور حملتها الجمال الوقوف
يبرك شعيل لحمولتها ويشتالها

والبدر ماهوب دايم سالم من الكسوف
لا بد من ليلةٍ يظله اظلالها