Ali Sultan

[عـبـاث .. @ebath11]

تدور في راسك الافكار
وتدور عيني على خصرك

فستانك الاحمر الجبار
يزهاك يا فاتنة عصرك

[برقاوي @m_ls89]

انتي معك زين متسلّط ونارً شبوب
لا مرتك ..فاتنه تسري ..بليا .حلا

عيونك الحلوه اوسع من وساع الدروب
وإرموشها صف قومٍ من خيار الملا

رؤيتك وانتي قبالي يالغزال اللعوب
تشبه لرؤية محمد لا إزدهار ..العلا

[ma .. @9asv_l]

لا تسأليني عن غلاتك والله
إن انتي هنيا مثل ماكنتي !
ٰ
أنااا : " أشهد أن لا إله إلا الله "
وأنا أشهد إنه لا حبيبه إلا انتي . .

[دَلال @dalal_alrouqi]

من العايدين وجعل اعيادك تعود
وجعل الظروف القاسيات اتْلاين

اهم شيء ، أنّك على الارض موجود
وباقي الامور .. اللي وراها هواين

[وليد @ysalm2023]

حبك صباح العيد والعيد عيونك
كل عام وانتي عيدي إللي أحبه

حتى لو نعايد من بعيد لبعيد
انتي هوى روحي وعمري وقلبه

[ميّم . @m8iilll]

على البال يا اللي قصّتك تعشق التجديد
ولك فـ الحشى منزل ولك فـ الجفن قعده

غرامك مثل ما هو ما يحتاج للتأكيد
تمّر السنين وعاشقك حافظٍ وعده

ياوجه ٍلو يطّل ويعايد عليّ فـ العيد ؟
بعيف الوجيه اللي تجي قبله وبعده ❣️

[عنفوان رجل @Kln333]

#عيدك_مبارك

كل عام وأنا أعزك وأنت تغليني
كل عام والقلب بيتك والغلا دارك

العيد شوفك عسى ما تنحرم عيني
منك أنت يا اغلى بشر عايدني وبارك

[أوراد @wrd6nn]

عظيمة نسب والله خلقها عظيمة زين
على زود مافيها وصوف رهاويه

فيها من الهيبه حضور يشرف العين
وفيها من الطيب الأصيل السجاويه

لها من علو الشان مقدار وتمكين
تطيح دون وصفها جميع المعانيه❣️

[برقاوي @m_ls89]

مايحتاج اسولف في ملامحك والا اعيد
على خطف الاضواء ما تعبتي. ومليتي

خذيتي .من الزين المعرب بلا تحديد
وعلى ..عرش ربات المفاتن ..تعليتي

تركتي عيون منافسينك على التهديد
تجلّى ..عليها. الهم .لا من ..تجليتي

على طلتك هذي بعد طل صبح العيد
انا تو ..عيدي .يبتدي .يوم ..طليتي

[ن @nalazmilll]

انت عيدي قبل لا يبدا عيدهم
وأنت كل اعيادي وسنيني والعمر

تدري اني احبك وارسمك في خيال
يالي مكانك ما تعداه مخلوق

M

[مغرم :) @i90xi_]

كنتي ارق واحلى واجمل الحاضرين
فيك زين ودلال وكبرياء . . وخجل !

يوم شفتك وقفتي والعرب جالسين
قلت فديت كبد ام العيون النجـل

طالعيني . . وشوفي العالم بنص عين
انتي أجمل بنات الارض وانا . . رجل

جابك الحظ واحلوّت معاك السنين
جعل م انتي على قلبي بضيفٍ عجل 🤍

[عنفوان رجل @Kln333]

هذا صباح العيد ياناعم الجيد
وهذاك فستانك وهذي عطورك

تعال وعايدني مع أول العيد
بكحل عيوني بلحظة مرورك

انا اشهد أنك غير يا سيد الغيد
في كل حاجه غير حتى بشعورك

لا عاد تهتم واجد بزينة العيد
العيد أصلا زينته في حضورك

العيد لـلعشاق احلى المواعيد
✨زودن على نور اول العيد نورك✨

[ٍ @woor0i]

لو تبسَّم في الوجيه أصحاب و أعداء
ما تناست ضحكة العمر معروفك

لا ندى فوق الغصون و عودك أندى
ولا رحيل ولا وقوف إلا وقوفك

مزعجة هذي الوجيه و وجهك أهدأ
طِلَّ و أعتقني من مكابد ظروفك

عن معايد غيرك أنت أحقَّ و أبدا
صاحبي و أبدا من معايدك .. شوَفك!

[ناصر الوبير @Nasser_Alwobair]

تغار منك الشمس يا ناعم الجيد
تتمنى صبح العيد تصحى بدالك !

[ن @nalazmilll]

تراك قصدي بالقصايد والابيات
لا تحسبني اقصد انسان ثاني

والي خلق عينك وميزك بالذات
انك دواء قلبي وهجرك كواني

ساعه بدونك تعتبر عشر ساعات
ولحضه بقربك تنحسب عمر ثاني

هاتِ يدينك و ترك كل مافات
هات يدينك قربي والعمر فاني

M

[جـزى @23zmi]

تباهي في صباح العيدَ وامشي مشية المختال
عساني ماخلا من شوفك ومن صوتك الشادي

ترق الك المشاعـر ويتناشى لك لـهَف و آمـال
لا هبّت كـل نسمـة عـابرة مـن مفـرق الوادي

يميّـزك الحسن من غـيـر .لا خـاتم ولا خلخال
جمـالك بين ترفات الحسن في منصب قيادي

وهج نـور .. التراقي تختفي به لمعة السلسال
ماكن .. العسجد البـرّاق لـ اللي ماهو بعادي !

خطاك الشك واطغاك الوضوح اللي بدون جدال
على طلتـك تنشـاف الثقـة في وجهك الـهادي

-نواف بن سعد

[أوراد @wrd6nn]

عطاها الولي عقل وجمال ودلال وذوق
هني الحظيظ اللي من الناس تكتب له

على غيرها تفرق بالاسلوب والمنطوق
مع زين خد وخشم وشفتين ذبله

شعرها على الردفين متثني من فوق
طويلٍ معنقها ومع زينها قببّله ♥️

[عقيًل بن محمد العقيًل( أبو أنس) @akiluno_a]

تعرفون البيت اللي يقول:

*دربٍ تجيه اليوم لا تزرعه شوك*
*يمكن تجي له بعد يومين حافي*

هذي الابيات كاملة من أروع القصائد للشاعر/ عبدالله الطلحي

لاضاقت الدنيا والأصحاب خَلّوك
سِج القِدَم في واسعات الفيافي

وْلاجيت لك شِعبٍ من السيل مدكوك
تضرب على جاله هبوب السوافي

فاجمع حطبك وْشِب ضوّك وأنا أخوك
وإرك الدِلال وجعلها لك عوافي

وزْرار ثوبك لو تخلّيه مفكوك
أخير لك من صكّتِه يا السنافي

يومٍ تضاَيق فيه ماهوب مبروك
سيّر وتلقى لك ربوع وْملافي

إضحك وباب الرِزق ماهوب مصكوك
رزقٍ قِسَمه الله بياتيك وافي

ولا تهوجس في مشاريع وبْنوك
وسَهم العقارية وسهم المصافي

مافات راح وْما بقى منك متروك
لاتحسب إن جَوّك على طول صافي

العمر مرّة ما بها ظن وشكوك
وإليا إنتهى مافيه شَوطٍ إضافي

ما دامت الدنيا لحِكّام وملوك
أقفت بهم شِهب السنين العجافي

لا تجازي المخطين بالمِثل لاأوذوك
أبعد بخير وسِتر الأجواد ضافي

دربٍ تجيه اليوم لا تزرعه شوك
يمكن تجي له بعد يومين حافي

[ma .. @9asv_l]

فالبنات البيض سوّي سواتك كل عيد
واتركي فـ قلوبهن بصمةٍ ما تنسى

كل ماجيتي لهن لابسه ثوبٍ جديد
قالت ازين بنت جتكن مزعلة النسا . .

[‏᷂ ᷂حظ @_8liu]

تباهي في صباح العيد وامشي مشية المختال
عساني ماخلا من شوفك ومن صوتك الشادي

يميزك الحسن من غير لا خاتم ولا خلخال
جمـالك بين ترفات الحسن في منصب قيادي

خطاك الشك واطغاك الوضوح اللي بدون جدال
على طلتـك تنشـاف الثقـة في وجهك الـهادي♥️