حبيبي الليله اللي بين شوق وْ أسى
يا جعلها ما تسريني على فالها
ابحر بي الوجد في بحر الهموم و رسى
مسافةٍ ما انحسد من عايَش اهوالها
يا ليت بكره يقدّم موعده بالمسا
قبل انطق الكلمه اللي ذلّ من قالها
من كبّل الشوق بـ اصفاد الكِبر والقسى
يعْرِف يهجر الديار و يبكي اطلالها
حتى لو القلب من صلف الطبوع اكتسى
خطواتك الشوق و الاعذار تبرا لها
@KwtTelevision مثل رَمشة الاعين ترا سرعة الايام
تغانم فرص عمرك لا تاخذ بها راحه
ترا الوقت و ظروفه يبي واحدٍ مقدام
يصادم ظروف الوقت بـ عزوم ذباحه
ورا عمرك القادم ترا سجّة الاقدام
على مجابه الايام لو جات سفاحه
تعديك في قمه و تركز عليها اعلام
ولاهي على مر التواريخ منزاحه
يْتهيا الليل.. و النوم يْتهيا
" مايعرف الشوق، خمام الوسايد "
للخيّال وصال، كان الصدق عيّا
علم طيوفك.. لا تحرمني العوايد
كل يوم يمرّ في عمر الجفيّا
الوله.. تكبر سنينه ويتزايد
كان عقلي ضد يوم القلب ويّا
وانا ظالم.. ما عرف ياقف محايد
يتحيّز لك غلا ، مدري حميّا
دافعه؛ حب وتقاليد وعوايد
كيف ترسم مجمل وصوفك يديّا ؟
وانت عين تعزي.. وْ مبسم يعايد
كل بيتٍ فيك يا سمح المحيّا
شايفٍ نفسه، على كل القصايد