bu_moh963

[معكاز شعر @M3kkaz]

عليك باللي فالمواقف مجرّب
اللي جمع بين الأجر والغنيمه

وجنّب عن اللي بس ياكل ويشرب
اللي طبوعه مثل طبع البهيمه

[قروب اشعار @aShi3ar]

الصاحب الغالي نحنّه وندراه
عن شامتٍ يفرح لا شاف انزعاجه

نستر عذاريبه وندمح خطاياه
ولا نبيّن عثرته وانحراجه

نصون رفقة راعي العز والجاه
ونطيب له تقدير ماهو لحاجه .

[معكاز شعر @M3kkaz]

ياصاحبي درس الزمان اعطى مناعه للضمير
والنفس من سود الليالي زاد فيها عزها

شامخ ولو هب الهوى والكل من حولي قصير
وضلوع صدري ثابته ، ميل الزمن ماهزها

[الشاعر عبدالله الرشود @BNRsood1971]

من يعافك شاف عيب الناس فيك
ومن يحبك شاف عيبك فيك طيب

فطرة... في قلوب خلق الله تجيك
ماتشوف.... بعينها..... نظرات عيب

قلتها لك وانت في احساس شريك
شوف طيبي...والغلا اصحى يشيب

[‏᷂عسر٨٨ @Qhta10ni]

البخل مايغني ولا يدفع بلا
والجود بالموجودمن شكرالنعم

وصداقةٍ ماهي على قدر وغلا
لقمة مريضٍ مالها ريح وطعم

[قروب اشعار @aShi3ar]

طاعتك لله هي ساس السعادة
في عبادة ربك احذر لا اتساهل

ما لقيت اللذّه الا فالعبادة
وما لقيت الراحه الا فالتجاهل .

[كساب @5b2z1]

مدغم ابوشيبه /
احد قصايده عيار 21 من سبايك ذهب

الله لا يكشف خوافيك يا الصدر الكتوم
إلّا في برّ القريبين وإفشاء السلام

ودّي إنّي فـ المجره وأسولف لـ النجوم
لا أتكلّم مع هل الأرض ولَا أسمع كلام

لكن أنماط التقاليد وأعراف السلوم
خلّت الدنيا نظامٍ يطوّر له نظام

تحجم مْن مخالط الناس ويصيبك وجوم
لين تفرضهم عليك الثقه والإحترام

لا متى ووجيهنا السمر تلفحها السموم
لا متى وقلوبنا البيض يسكنها الظلام

نْتقابل بـ الصدف ونتسالم بـ الخشوم
والقلوب مْن التنافر على حدّ الحسام

والفتى لا أقفى به العمر مكفي ومخدوم
عدّه الفنجال الأوّل ونطّحه الملام

والشقا لولا الشقا سادوا العالم عموم
والذي ما نبت له ريش يطلع له سنام

والظفر قتّال والذلّ ما عزّ الرخوم
والبخل ما أغنى هله والكرم فقر الكرام

شقّ لْـ خطاك إتّجاهات ولْـ وجهك يموم
لا تجي مثل المصلّي ورى ظهر الإمام

وإن تماكنك اللزوم فْـ تقدّم فـ اللزوم
وإبذل أقصى ما بـ وسعك وعدّاك الملام

ربّ شيٍّ تفعله في حياتك ذات يوم
يختصر لك ما تسوّيه في عشرين عام

ما يعيب الرجل لا طاح وأزرى لا يقوم
دام نفسه ترقب المجد غايات ومرام

الفشل ما هو بـ لا خانت قْواك العزوم
الفشل لا طاح قدرك من عْيون الحشام

والقصيد اللّي من الصدق والروح مْعدوم
يْتبخّر فـ الهوى كنّه المال الحرام

والتمادي فـ الجهل يجعل الأخوين قوم
والرجوع لْـ منطقّ الحقّ خطوه لـ الأمام

والغضب يرهن مصيرك على بحرٍ يعوم
وأنت في ظلٍّ مْن الله وفي خير وسلام

إعف عند المقدره فـ الكثير مْن العلوم
شرّ ما عوّدت نفسك عليه الإنتقام

الحسد والخبث والجبن والنفس الحدوم
فـ الأنام وهي فـ الأساس ما هي فـ الأنام

ورفقة الأنذال بعها على أوّل من يسوم
وإعتزلهم لا يزورونك ألّا فـ المنام

وغير ربعك لو تعرف أمّة مْحمّد عموم
فـ أنت من غصن شْجره لا خوال ولَا عمام

إنتصب قدّام حسّادك بْـ بيض الهدوم
لو ما عندك لـ أهل بيتك شراب وْلَا طعام

عش بْـ لا ياس وتشاؤم لو تعيش مْحروم
من زرع حسن البدايه جنى مسك الختام

دام ما أنت بْـ دايم فْـ خلّ نبّاتك تدوم
لا تمرّ ظْهور الأيّام مرور الكرام

وإعرف إن تحقيق الأهداف وإدراك الحلوم
بـ الكثير مْن العمل والقليل مْن الكلام

[د. خالد المرداس @Dr_ALmrdas]

احبابي :
مستحيل أن ينام من له حاجة
عن الوقوف بين يدي الله
مستحيل أن يترك الدعاء في الثلث الآخر من الليل .

يا اصحاب الحوائج هذا وقتكم
اطلبوا
تمنوا

فربكم قريب مجيب #الدعاء .

[قروب اشعار @aShi3ar]

بعض الكلام أخير من رده الصمت
وسلم الرجال أهل السلوم احترمته

لو كل ما ثارت عجاجه تحيزمت
تهت الطريق وكل عاير صدمته .

[قروب اشعار @aShi3ar]

حي الرفيق اللي يلم الصداقه
اللي يهلي كل ما اقبلت واقفيت .

[معكاز شعر @M3kkaz]

أنت لو تمشي على كف التراب
تنبت الدنيا ورا ظهرك زهور .

[معكاز شعر @M3kkaz]

هذا الصحيح الي يعدل الموازين
مالك ومال الناس سارج وهارج

ماني مكلف في جهاد المجانين
أنا مع الصاحين دوب اتخارج .

[مصاويط المنايا @M9awee9]

عندما يقرر ان يكتب نص حقيقي ، يدهشك محمد ابن الذيب في سينمائية شعريّة تسطيع ان تعيشها بشكل متسلسل ومشوّق، ببراعة أدبية و فكرية قلما من يجيدها في الساحة الشعريّة.

رعبوبتي لا فاخرٍ الرعابيب
حفيدة اللي يقبلون بزوامل

لا تنثرين الدمع دمع المرة عيب
في عين حرٍ منكسر و يتحامل

تبسمي ما تشرق الشمس وتغيب
بكرة مراويح السحاب تْهامل

من كثر عدواني وكثر الاصاحيب
اضحيت ما بين القشر و المجامل

واصل الكمال اللي ماحوله عذاريب
لله ، و المخلوق ماهوب كامـل

[قروب اشعار @aShi3ar]

انا رفيقي كريم وذايعٍ صيته
عنده كرم مالقيته عند هـ العالم

والله مـ أبالغ لكني كل ماجيته
اما غدا معترض ولا عشا والم .

[معكاز شعر @M3kkaz]

ياليت لي قدره على رد الأصوات
اللي عليّ أصحابها .. مايردون

اللي مع دروب السفر راحو أفوات
في رحلة ركابها .. مايعودون 

ياما خذينا معهم .. أيام حلوات 
نلهي وهم ماعندهم وقت يلهــون

نذكر محاسنهم وهُم صاروا أموات
وننسى محاسنهم قبل مايموتوُن .

[قروب اشعار @aShi3ar]

عديتها من طيب راسي وانا اخوك
ماني مدقق في علومٍ دقاقه

ندري عن اللي يزرع بدربنا شوك
نجامله من شان بعض الرفاقه

ماناخذ اهل الطيب بسوات صعلوك
من شان عين الطيب تكرم علاقه .

[أجمل الشعر. @mersal4779]

ماعاد باقي من أسئلتي..سوا ويـنـكـ؟؟؟

[المحامي صلاح العلاج @SalahAlelaj]

اللهم لا سهل إلا ما جعلته سهلا
وأنت تجعل الحزن إذا شئت سهلا