مهما تردى وقتنا لازم نطيب
ما نكسر بـ خاطر ولا نجرح شعور
نعاف من ينسى جمايلنا .. ويعيب
ونحب من ينصح إذا فينا قصور
نموت من خذلان صاحب او حبيب
و نعيش لو أقدارنا عيت تدور
ان ما حضرنا بـ ما يجملنا نغيب
بعض الغياب اجمل كثير من الحضور
اعيش في فترة تصالح مع الذات
ما عشتها قبل كذا في حياتي
ارتحت يوم اجاوب الناس بسكات
و يرتاح مثلي من يسوي سواتي
شفني و انا مقفي ما أحب التلفات
لو ألتفت ضيعت كل أمنياتي
ما عاد ابي غير الرضا و السلامات
و مع السلامه و البقى في حياتي
كنت اشوفك من بينهم الحب المتاع
ولا زلت اشوفك بين همي وضحكاتـي
تشتت مشاعري في دروب الانقطاع
ولا ادري هي راحله او تجدد نهاياتـي
ماراح تلقى مثل حبي والقلوب وساع
انا الصادق وانا الثابت رغم متاهاتـي